ប្រសិនបើទឹករំអិលមានភាពប្រែប្រួល ឬធំក្លិន យកល្អគួរតែទៅអោយគ្រូពេទ្យពិនិត្យ ដើម្បីរកមើលមូលហេតុរបស់វា។
ប្រសិនបើទឹករំអិលអ្នកទៅជាមិនធម្មតា ធំក្លិន ឬធ្វើអោយរមាស់ វាប្រហែលជាសញ្ញានៃការបង្ករោគដែលត្រូវអោយគ្រូពេទ្យពិនិត្យ។ ប្រសិនបើអ្នករួមភេទដោយមិនប្រើស្រោមអនាម័យ នោះអ្នកប្រហែលជាប្រឈមនឹងជំងឺឆ្លងផងដែរ។
ចំពោះអ្នកដែលមានការបង្ករោគពេលខ្លះអាចបណ្តាលអោយមានរោគសញ្ញាបញ្ជាក់ថាមានអ្វីមួយខុសពីធម្មតាហើយ។ ប៉ុន្តែជាញឹកញាប់ច្រើនតែគ្មានបញ្ជាក់ទេ។ សញ្ញាទាំងនេះអាចមានដូចជា ហូរទឹករំអិលពីទ្វារមាស មករដូវច្រើនៗ ឬធ្លាក់ឈាមនៅចន្លោះរដូវ ឈឺចាប់ ឬក្រហាយពេលបត់ជើងតូច រមាស់ កន្តួល ឬឈឺនៅជុំវិញប្រដាប់ភេទ ឬរន្ធគូទ។
វាច្រើនតែធ្វើអោយមានភាពភ័យខ្លាចនៅពេលទៅធ្វើតេស្តស្វែងរកជំងឺបែបនេះ ប៉ុន្តែយកល្អគួរតែចាំថា ការបង្ករោគភាគច្រើនគឺងាយស្រួលព្យាបាលទេ។ ការដែលពន្យាពេលព្យាបាលមានន័យថាការបង្ករោគនោះកាន់តែធ្ងន់ធ្ងរទៅៗ និងមានបញ្ហាផ្សេងៗទៀតកើតមានដែរ៕
អត្ថបទនេះត្រួតពិនិត្យដោយ វេជ្ជ.ងួន សេរ័ត្ន
