Wednesday, September 25, 2013

ហានិភ័យ​កើតជំងឺ​ពី “មីកញ្ចប់”

អ្នក​អាច​កើត​ជំងឺ​សរសៃឈាម​បេះដូង​, ស្ត្រូ​ក​, លើសឈាម​, ថមថយ​សមត្ថ​ក​ចិ​ច្ច​តម្រងនោម​, មហារីក​... ប្រសិន​ទទួលទាន​មី​កញ្ចប់​ជាប្រចាំ -​នេះ​បើតាម​ការព្រមាន​របស់​សហគម​អ្នកប្រើប្រាស់ Penang (​ម៉ាឡេស៊ី​) )។​



សហគម​អំពាវនាវ​ដ​ល់​អ្នកប្រើប្រាស់ មិនត្រូវ​ទទួលទាន​មី​កញ្ចប់ ព្រោះ​មាន​គ្រោះថ្នាក់​សម្រាប់​សុខភាព ។ ការស្រាវជ្រាវ​ជាច្រើន បាន​បង្ហាញថា កម្រិត​ប្រើប្រាស់​ម៉ូ​ដ្យូ​ម​ខ្ពស់ មាន​ពាក់ព័ន្ធ​ដល់​ជំងឺ​មួយចំនួន ដូចជា​លើសឈាម​, ជំងឺ​បេះដូង​, ស្ត្រូ​ក និង​បង្ក​របួស​ឲ្យ​តម្រងនោម ។​

​ឆ្នាំ​២០០៤ ម៉ាឡេស៊ី ប្រើប្រាស់ ៨៧០ លាន​មី​កញ្ចប់ តែ​នៅ​ឆ្នាំ​២០០៨ តួលេខ​នេះ​គឺ ១.២១០ លាន​កញ្ចប់ កើន​ជិត ៤០% ។​

. ពុំ​សូវ​មានតម្លៃ​ជីវជាតិ​
​មី​កញ្ចប់ ជា​អាហារ​ត្រូវបាន​កែច្នៃ​មានតម្លៃ​ជីវជាតិ​តិចតួច ហើយ​វា​ត្រូវបាន​ចាត់ទុកជា​អាហារ​កំប៉ិកកំប៉ុក ។ មី​កញ្ចប់ មាន​ផ្ទុក​បរិមាណ​ខ្ពស់ កាបូ​អ៊ី​ដ្រា​ត​, ម៉ូ​ដ្យូ​ម និង​គ្រឿងទេស​ផ្សេងៗ និង​ផ្ទុក​យ៉ាងតិច​កត្តាចាំបាច់​ដូ​ជាៈ សារជាតិ​សរសៃ​, វីតាមីន​, សារជាតិ​រ៉ែ ។​

. ឥទ្ធិពល​ដល់​សរសៃឈាម​បេះដូង​, លើសឈាម​
​តាម​ស្តង់ដារ Codex អន្តរជាតិ (​ស្តង់ដារ​របស់​អង្គការ​ស្បៀង​កសិក្ម​ពិភពលោក​) ចំពោះ មី​កញ្ចប់ នោះ​ពពួក​សារជាតិ​គ្រឿងទេស ២៤ ក្នុង ១៣៦ មាន​ក្នុង​ស្តង់ដារ Codex ជា​អំបិល​សូ​ដ្យូ​ម ហើយ​ការប្រើប្រាស់​សូ​ដ្យូ​ម​ជា​មូលហេតុ​សំខាន់ ដែល​មី​កញ្ចប់​មាន​បរិមាណ​សូ​ដ្យូ​ម​ខ្ពស់ ។ អាហារ​សម្បូរ​សូ​ដ្យូ​ម អាច​បង្ក​ការ​លើសឈាម​, ជំងឺ​បេះដូង​, ស្ត្រូ​ក​, របួស​តម្រងនោម និង​បញ្ហា​សុខភាព​ផ្សេងៗ ។​

សហគម​អ្នកប្រើប្រាស់ Penang ដំណើរការ​ត្រួតពិនិត្យ​មី​កញ្ចប់ ១០ មុខ នោះ​រកឃើញ ៣ មុខ​មាន​ផ្ទុក​សូ​ដ្យូ​ម​លើ ១០០០ មី​លី​ក្រាម ។ បរិមាណ​សូ​ដ្យូ​ម​ជា​មធ្យម ត្រូវបាន​រកឃើញ​ក្នុង​កញ្ចប់​ផ្សេងៗ គឺៗ ៣៣០ មី​លី​ក្រាម ។ តាម​របប​ទទួលទាន​បង្ការ​បច្ចុប្បន្ន​របស់​អាមេរិក (RDA) បរិមាណ​សូ​ដ្យូ​ម សម្រាប់​មនុស្ស​ធំ និង​កុមារ អាយុ​ពី ៤ ឆ្នាំ គឺ ២៤០០ មី​លី​ក្រាម ក្នុង​១​ថ្ងៃ ។ ការទទួល​ទាន​មី​ក​ញ្ចា​ប់​ជាប្រចាំ អាចធ្វើ​ឲ្យ​បរិមាណ​សូ​ដ្យូ​ម​ប្រើប្រាស់​ហួស​កម្រិត​ធម្មតា ព្រោះ​សូ​ដ្យូ​ម​មាន​វត្តមាន​នៅក្នុង​អាហារ​ប្រចាំថ្ងៃ​ផ្សេងៗ​ទៀត ពិសេស គឺ​អាហារ​កែច្នៃ​ស្រាប់ ។​

. ប្រឈម​ឆ្លង​ជាតិពុល​
​ចំណាប់អារម្មណ៍​ធំ​មួយ ចំពោះ​មី​កញ្ចប់ កឺ​វា​អាចបង្កើត​ប្រេង ឬ ខ្លាញ់ ប្រសិន​មិនត្រូវ​បាន​គ្រប់គ្រង​ត្រឹមត្រូវ ក្នុង​ដំណើរ​ការផលិត ។ នេះ​ជា​រឿង អាច​កើតឡើង ប្រសិន​ប្រេង​ចំអិន​មិន​ត្រូវបាន​អ្នក​ផលិត​រក្សា​នៅ​សីតុណ្ហភាព​សមស្រប ឬ មិន​ត្រូវបាន​ផ្លាស់ប្តូរ​ជាប្រចាំ ។​

. ធ្វើ​ឲ្យ​ទ្រុឌទ្រោម​ប្រព័ន្ធ​អង្គ​បដិបក្ខ​
​មី​កញ្ចប់ ត្រូវបាន​គ្របដណ្តប់ ដោយ​ស្រទាប់​ក្រ​មូ​ន​មួយ ដើម្បី​ទប់ស្កាត់​មិន​ឲ្យ​វា​ស្អិត​ជាប់​គ្នា ។ រឿងនេះ អាច​ឃើញច្បាស់​ពេល​ចាក់ទឹក​ក្តៅ​ចូល ។ ក្រោយ​១​រយៈពេល ក្រមួន​នឹង​អណ្តែង​លើ​ផ្ទៃ​ទឹក ។​

ស្តង់​ដ​សារ Codex ក៏​អនុញ្ញាត​ប្រើប្រាស់​ដល់ ១០.០០០ មី​លី​ក្រាម​/​គីឡូក្រាម សារជាតិ​គីមី Propylene glycol -​សមា​ធាតុ​ប្រឆាំង​កក​មួយ ដូចជា​សារជាតិ​រក្សា​សំណើម​ក្នុង​មី​កញ្ចប់ ។ Propylene glycol នឹង​ងាយ​ត្រូវបាន​សរីរាង្គ​ស្រូ​ម​យក និង​ផ្តុំ​ក្នុង​បេះដូង​, ថ្លើម និង​តម្រងនោម បង្ក​ជា​ភាពខុសប្រក្រតី និង​របួស ។ សារជាតិ​គីមី​នេះ ក៏មាន​លទ្ធភាព​ធ្វើ​ឲ្យ​ចុះខ្សោយ​ប្រព័ន្ធ​អង្គ​បដិបក្ខ ។​

​មី​កញ្ចប់ និង​កញ្ចប់​គ្រឿងទេស ក៏​ផ្ទុក​ប៊ីចេង​យ៉ាងច្រើន (MSG) ។ នោះ​ជា​សារជាតិ​បង្កើន​ក្លិន​រស​ជាំ​តិ ត្រូវបាន​ពួក​អ្នក​ផលិត​ប្រើប្រាស់ ហើយ ១ - ២% នៃ​ចំនួន​ប្រជាជន មានលទ្ធភាព​អាលែកហ្ស៊ី ជាមួយ​ប្រភេទ​ប៊ីចេង​នេះ ។​

. បង្ក​របួស​តម្រងនោម និង ស្ត្រូ​ក​
​ប្រើប្រាស់​សូ​ដ្យូ​ម ច្បើ​ន​ពេក មាន​ពាក់ព័ន្ធ​ដល់​ជំងឺស្ត្រូក ឬ របួស​តម្រងនោម​, នៅ​ម៉ាឡេស៊ី​, ប៉ានី​ស្ថាន មាន​អ្នកជំងឺ ១៣.០០០​នាក់ ត្រូវ​លាង​ឈាម ។ ក្នុង​១​ឆ្នាំៗ មាន​មនុស្ស ២៥០០ នាក់ ក្លាយជា​អ្នកជំងឺ​ខ្សោយតម្រងនោម​ដំណាក់កាល​ចុងក្រោយ ហើយ​ក្នុង​១​ម៉ោង នៅ​ម៉ាឡេស៊ី មាន ៦ ករណី នៃ​អ្នកជំងឺ​ថ្មី​ត្រូវ​ស្ត្រូ​ក ។​

. លទ្ធភាព​បង្ក​មហារីក​
​សារ​ជាតិគីមី​មួយចំនួន មាន​ក្នុង​មី​កញ្ចប់ មានលទ្ធភាព​បង្ក​មហារីក ។ ឧទាហរណ៍ សារជាតិ Dioxir និង​សារជាតិ​ធ្វើ​ឲ្យ​ស្វិត ។​

តាម​អង្គការ​សុខភាព​ពិភពលោក (WHO) តិច​បំផុត ៣០% នៃ​អ្នកជំងឺ​មហារីក​ទាំងអស់ អាច​ត្រូវបាន​ទប់ស្កាត់ ដោយ​វិធានការ​សាមញ្ញ ដូចជា​ការអនុវត្តន៍​របប​ទទួលទាន​មួយ​ត្រឹមត្រូវ ៕

(ខ្មែរស្ថាបនា​))

Friday, September 13, 2013

សក់​និង​ជំងឺ​ស្បែក​ក្បាល

សក់​ក្បាល​ជា​ចំណែក​មួយ​នៃ​ការ​លើក​សម្រស់​មនុស្ស​ជា​ទូទៅ ដោយ​ភាព​រលើប​រលូន​ល្អ។ សក់​ជ្រុះ​ខ្លាំង​ពេក​ អាច​នាំ​ឱ្យ​មើល​ទៅ​មនុស្ស​ចាស់​ជាងអាយុ ឬ​បើ​មាន​អង្គែ​ មើល​ទៅ​ហាក់​ដូច​ជា​គ្មាន​អនាម័យ​ក្នុង​ខ្លួន។ ប៉ុន្តែ​នេះ​គ្រាន់​តែ​ជា​ការ​គិត​ និងការ​យល់​ឃើញ​តែ​ប៉ុណ្ណោះ តាមពិត​សក់​ជ្រុះ ​ឬ​មាន​អង្គែ​លើក្បាល គឺ​បណ្តាលមក​ពី​​មាន​ជំងឺ។
លោកសាស្ត្រាចារ្យ​វេជ្ជបណ្ឌិត ម៉ី ស៊ីថាច សូម​ជម្រាប​ជូន​អស់​លោក​អ្នក​នាង​អំពី​ជំងឺ​ផ្សេងៗ ដែល​អាច​កើត​មាន​នៅ​លើ​ស្បែក​ក្បាល​របស់​មនុស្ស​យើង។



ដំណើរ​ជីវិត​របស់​សក់​មួយ​សរសៃ​មាន​បី​ដំណាក់កាល ៖
-​ ដំណាក់កាល​លូតលាស់។ សក់​ក្បាល​ប្រមាណ​៨៥% ស្ថិត​ក្នុង​ដំណាក់កាល​លូត​លាស់​នេះ ដែល​មាន​រយៈ​ពេល​ពី ២​ទៅ​៧​ឆ្នាំ។
- ដំណាក់កាល​​​វិវឌ្ឍន៍។ ដំណាក់កាល​នេះ​មាន​រយៈ​ពេល​ពី ពីរ​ទៅ​បី​សប្តាហ៍ សម្រាប់​សក់ក្បាល​តែ​ប្រមាណ​១%​ប៉ុណ្ណោះ។
- ដំណាក់​កាល​ទី​បី គឺ​ដំណាក់​កាល​សំរាក។ ដំណាក់កាល​នេះ​អាច​អូស​បន្លាយ​ដល់​ពីរ​ឬ​បី​ខែ និង​ពាក់​ព័ន្ធ​លើ​សក់​ក្បាល​ ​ប្រមាណ​១៤%។
រាល់​សក់​មួយ​សសែ​ៗដែល​មាន​នៅ​លើក្បាល​របស់​យើង​ មិន​ដូច​គ្នា​។ មួយ​សសែ​នេះ​ស្ថិត​ក្នុង​ដំណាក់​កាលលូត​លាស់ មួយ​​សរសៃ​​នោះ​​ទៀត​ដល់​អាយុ​ត្រូវ​ជ្រុះ ដូច្នេះ​វា​ជា​ការធម្មតា​ទេ ដែល​យើង​ឃើញ​មាន​សក់​ជ្រុះ​ក្នុង​មួយ​ថ្ងៃៗ ប្រមាណ​ពី ៣០ ទៅ​៥០​សរសៃ​ ឬ​ក៏​ច្រើន​ជាង​នេះ​នោះ។

សក់​មួយ​សរសៃៗ​អាច​ដុះ​លូត​លាស់​​ ប្រែ​ប្រួល​ពី​មនុស្ស​ម្នាក់​ទៅ​មនុស្ស​ម្នាក់​ទៀត និង​ពី​កន្លែងមួយ​ទៅ​កន្លែង​មួយ​ ទៅ​តាម​ទីតាំង​នៃ​សក់​លើ​លលាដ៏ក្បាល។

កាត់​សក់​ខ្លី នឹង​ជួយ​ឲ្យ​សក់​លូត​លាស់​ឆាប់​ មិន​មែន​ជា​គំនិត​ត្រឹម​ត្រូវ​ទេ ព្រោះ​សក់​ដុះ​លូតលាស់​ដោយ​សារ​ឬស​របស់​វា។

ដំបូន្មាន​​ចុងក្រោយ​​ ដែលសំខាន់​នោះ គឺ​ការធ្វើ​ម៉ាស្សា​ស្បែក​ក្បាល​ ដើម្បី​ជួយ​ឲ្យ​មាន​ដំណើរ​ឈាម​ល្អ។ បើ​ដំណើរ​ឈាម​ល្អ វា​អាច​ជួយ​កម្ចាត់​កោសិកាងាប់ៗ​ និង​អាច​ជួយ​សក់​ថ្មីឲ្យ​ដុះបាន​ស្រួល។

ប៉ុន្តែ​សូម​ចង​ចាំ​ថា ការ​លូត​លាស់​នៃ​សក់​ក្បាល ក៏​ដូច​ការ​ជ្រុះ​ដែរ មាន​ពាក់​ព័ន្ធ​មួយ​ផ្នែក​នៅ​នឹង​កត្តា​អ័រមូន និង​ពូជ។
  
សត្រូវ​របស់​សក់

ជា​ប្រចាំ​ថ្ងៃ​ សក់ក្បាលត្រូវ​ប្រឈម​នឹង​បញ្ហា​អាកាសធាតុ​ជាច្រើន មានជា​អាទិ៍ កម្តៅ​ព្រះ​អាទិត្យ ខ្យល់ អាកាស​ធាតុ​ត្រជាក់។​ បរិយាកាស​ទាំង​នេះ​ ​អាច​ធ្វើ​ឲ្យ​សក់​ងាយ​នឹង​រង​គ្រោះ។
លើស​ពី​នេះ​ទៅ​ទៀត សក់​ក្បាល​ត្រូវ​ប្រឈម​នឹង​ការ​គំរាម​កំហែង​ពី​យន្តការ​មួយ​ចំនួន ដូច​ជា​ ទាញ​សិត កន្ទាក់ ចង​រឹត​ ដែល​បង្ក​ឲ្យ​សក់​ងាយ​បាក់។ បើ​សក់​កំពុង​សើម​ ជា​សក់​ដែល​ងាយ​រង​គ្រោះ​ ដូច្នេះ​គួរ​ប្រើ​ស្និតសក់​ដែល​មាន​ធ្មេញ​រង្វើលៗ ទើប​ប្រសើរ។

ការ​ប្រើ​ប្រាស់​ម៉ាស៊ីន ផ្លុំ​ ម៉ាស៊ីនអ៊ុត ទាញ ក្តៅៗ ធ្វើ​ឲ្យ​សក់​​មាន​សភាព​ស្ងួត​ខុស​ពី​ធម្មតា។ យកល្អ​មុន​នឹង​ប្រើ​កម្តៅ លើសក់ លោក​អ្នក​គួរ​តែ​ប្រើ​ផលិតផល​ព្យាបាល ឬ​ការពារ​សក់​ស្ងួត ដែលលាប​ដោយ​​មិន​ត្រូវ​ការ​លាង​ទឹក​ចេញ​ជាមុន​សិន។ ម៉ាស៊ីន​ផ្លុំសក់ ត្រូ​វ​ដាក់​ឲ្យ​បាន​ចម្ងាយ​យ៉ាង​ហោចណាស់ ១០ ទៅ​១៥​សង់ទីម៉ែត្រ ពី​ក្បាល។

​សត្រូវ​របស់​សក់​ក្បាល​មួយ​ទៀត គឺ​ផលិតផល​គីមី។ ផលិតផល​គីមី ដែល​គេ​ដាក់លាយ​សម្រាប់​ប្តូរ ឬ​លាប​ពណ៌សក់ នេះ​ ជា​ញឹក​ញាប់​ច្រើន​បង្ក​ឲ្យ​សក់​មាន​លក្ខណៈ​ទន់​ខ្យោយ ពោល​ គឺ​ងាយ​នឹង​ឆាប់​មាន​សភា​ព​ស្ងួត​ ស្រួយ។​ បើ​លោក​អ្នក​ចូល​ចិត្ត​ប្តូរ​ផ្លាស់​ពណ៌សក់ សូមមេត្តា​គិត​គូរ​រក​ប្រើ​ថ្នាំ​ចាំ​បាច់​ ដែល​​ផ្តល់​​សំណើម​ដល់​សក់ ឲ្យ​បាន​ជា​ប្រចាំ​ទើប​អាច​ជួយ​ការពារ​សុខភាព​សក់​ក្បាល​បាន​ល្អ៕

 (​ប្រភព វិទ្យុបារាំងអន្តរជាតិ )

Saturday, July 13, 2013

អាមេរិកព្រមាន "កំពូលមេរោគផ្លូវភេទ"ថ្មី គ្រោះថ្នាក់ជាង AIDS

ត្រូវអនុវត្ត​វិធានកា​រួមភេទ​សុវត្ថិភាព​
ក្រុម​អ្នកជំនាញ​ការ​អាមេរិក កាលពី​ថ្ងៃទី​៥ឧសភា បាន​ព្រមាន​ពី​វត្តមាន និង​ការឆ្លង​រាលដាល​របស់​កំពូល​មេរោគ​ថ្មី​មួយ ដែល​ឆ្លងតាម​ការរួម​ភេទ និងគ្រោះថ្នាក់​ជាង AIDS ទៅទៀត ។​
​នោះ​គឺ​អម្បូរ​មេរោគ HO41 ដែលជា​សណ្ឋាន​ប្រែប្រួល​ថ្មី​នៃ​មេរោគ​ប្រមេះ ។ វា​អាច​ប្រឆាំង​តប​នឹង​ឱសថ​អង់​ទី​ប៊ី​យូ​ទិ​ក និង​រាលដាល​យ៉ាង​លឿន​បំផុត ។​​អម្បូរ HO41 ត្រូវបាន​រកឃើញ​ជា​លើកដំបូង​​កាលពី​២​ឆ្នាំមុន ក្នុង​សរីរាង្គ​ស្ត្រី​ពេស្យា សញ្ជាតិ​ជប៉ុន​ម្នាក់ ។​តាម​អ្នកជំនាញការ​សុខាភិបាល​អាមេរិក ពេល​ឆ្លង​មេរោគ​នេះ​អ្នកជំងឺ​នឹងត្រូវ​​ស្លាប់​ក្នុងពេល​ប៉ុន្មាន​ថ្ងៃ​ប៉ុណ្ណោះ ។​
​លោក William Smith នាយក​ប្រតិបត្តិ​.... STD ជាតិ​អាមេរិក​ឲ្យ​ដឹងថា គេ​កំពុង​អំពាវនាវ​ឲ្យ​ស្ថាប័ន​នីតិបញ្ញតិ​អាមេរិក​ផ្តល់​បន្ថែម​៥៤​លាន​ដុល្លារ​សម្រាប់​អ​ភិ​វឌ្ឍន៍​ប្រភេទ​ឱសថ​អង់​ទី​ប៊ី​យូ​ទិ​ក​ថ្មី ដែល​អាច​ប្រឆាំងនឹង​អម្បូរ HO41 និង​ដើម្បី​ផ្សព្វផ្សាយ​ឲ្យ​ពលរដ្ឋ​យល់ដឹង ។​
​ផែនការ​តែ​១​គត់​ដើម្បី​បញ្ចៀស​ការ​រាលដាល​មេរោគ​នេះ គឺ​អនុវត្ត​វិធានការ​រួមភេទ​សុវត្ថិភាព​៕

Tuesday, July 2, 2013

អាហារ ១២​ប្រភេទ ដែល​ជួយ​លាង​សម្អាត​ពោះវៀន​

ពោះវៀន គឺជា​ផ្នែក​ចុងក្រោយ និង សំខាន់​បំផុត​របស់​ប្រព័ន្ធ​រំលាយ​អាហារ​។ វា មាន​យន្តការ ក្នុងការ​បឺត​ស្រូប យកជាតិ​ទឹក និង អំបិល​ចេញពី​កាក​សំណល់​រឹង​។ ដើម្បី​ទទួលបាន នូវ​ប្រព័ន្ធ​រំលាយ​អាហារ ដែល​មាន​សុខភាព​ល្អ នោះ​ការលាង​សម្អាត​ពោះវៀន គឺជា​ការ​ចាំបាច់​មួយ​ដែល​អ្នក​ត្រូវ​ធ្វើ ។ ពាក្យ​ថា សម្អាត​នៅទីនេះ គឺ​បានន័យថា អ្នក​ត្រូវ​មាន​ភាព​ឆ្លាត​វៃ ក្នុងការ​បរិភោគ​អាហារ ដែល​ជួយ​ធ្វើអោយ សុខភាព​របស់​ពោះវៀន​អ្នក មាន​ភាព​រឹងមាំ​ល្អ និង មិន​មាន​បញ្ហា​អ្វី​កើតឡើង ។ លើសពីនេះ​ទៀត ផលប្រយោជន៍​របស់​វា ក៏​អាច​ជួយ​បង្ការ​អ្នក​បាន​ពី​ជំងឺ មហារីក​ពោះវៀន​បាន​ផង​ដែរ ។​

​ខាងក្រោម​នេះ គឺជា​ប្រភេទ​អាហារ ទាំង ១០​ប្រភេទ ដែល​ជួយ​សម្អាត​ពោះវៀន​អ្នក អោយបាន​ស្អាត​ល្អ​៖


១. ក្រូចឆ្មារ​៖ ផ្លែឈើ ដែល​មាន​រសជាតិ​ជូរ គឺ​មាន​ប្រសិទ្ធិភាព​បំផុត ក្នុង​ការសម្អាត​ពោះវៀន ជាពិសេស នោះ​គឺ ផ្លែ​ក្រូចឆ្មារ​នេះឯង​។ ការ​ផឹក​ទឹកតែ​ក្រូចឆ្មារ នៅក្នុង​ពេល​ព្រឹក នឹង​អាច​ជួយ​សម្អាត និង បន្សាប​ជាតិពុល នៅក្នុង​រាងកាយ​អ្នក​។​

២. ស្ពៃ​ខ្មៅ​៖ វា​ជួយ​ការពារ បំពង់​នៃ​ប្រព័ន្ធ​រំលាយ​អាហារ​បាន ពី​ជំងឺ​ផ្សេងៗ និង ជួយ​សម្អាត​ពោះវៀន​អ្នក បាន​យ៉ាង​ល្អ​ផង​ដែរ ។​

៣. តែ​បៃតង​៖ វា​មាន​អត្ថប្រយោជន៍ ជា​ច្រើន​យ៉ាង​ចំពោះ​សុខភាព​។ ជា​ការល្អ ប្រសិនបើ​អ្នក គួរ​ធ្វើការ​ផឹក​ទឹកតែ​បៃតង​ជាប្រចាំ ពីព្រោះ​វា​មិន​ត្រឹមតែ​មាន​ប្រយោជន៍​ចំពោះ សុខភាព​ក្រពះ​ពោះវៀន​នោះទេ វា​ថែមទាំង​ជួយ បន្សាប​ជាតិពុល នៅក្នុង​ថ្លើម​បាន​ផង​ដែរ ។

៤. ប្រភេទ​គ្រាប់សណ្តែក​ផ្សេងៗ ៖ ពួកវា គឺ​ជួយ​សម្អាត​ពោះវៀន និង ធ្វើអោយ​សុខភាព​របស់​ប្រព័ន្ធ​រំលាយ​អាហារ មាន​ភាពល្អប្រសើរ​បាន ។​

៥. គ្រាប់​ធញ្ញជាតិ​៖  គឺ​មាន​ផ្ទុក​នូវ​កា​ឡូរី និង កូ​ឡេ​ស្តេ​រ៉ូល​ទាប​។ អ្នក​ត្រូវ​តែ​ធ្វើការ រួមបញ្ចូល​ពួកវា ទៅ​ក្នុង​របប​អាហារ​ប្រចាំថ្ងៃ ដើម្បី​ធ្វើអោយ​សុខភាព​ពោះវៀន​អ្នក មាន​ភាពល្អប្រសើរ ។ ដោយសារតែ ពួក​វា​មាន​ផ្ទុក​នូវ​ជាតិ​ស​សៃ​ច្រើន វា​ក៏​ល្អ​សម្រាប់​ការរំលាយ​អាហារ​ផងដែរ​។​

៦. ផ្លែ​បឺរ​៖ ប្រេង​អូ​មេហ្គា ៣ ដែល​មាន​នៅក្នុង​ផ្លែ​បឺ​រនេះ គឺ​ជួយ​សម្អាត​ពោះវៀន​បាន​យ៉ាង​ល្អ ។ វា​មាន​នាទី ជា​ប្រេងរំអិល ក្នុង​ការលាង​សម្អាត​នូវ​សារធាតុពុល និង បំណែក​អាហារ​ដែល​មាន​ស្អិត​ជាប់ ទៅ​នឹង​ជញ្ជាំង​ពោះវៀន អោយបាន​ស្អាត​ល្អ ។​

៧. ត្រី​៖  ប្រភេទ​អាស៊ីត​ខ្លាញ់​ត្រី អូ​មេហ្គា​៣ និង ប្រេង​ដែល​មាន​នៅក្នុង​ខ្លាញ់​ត្រី អាច​ជួយ​ក្នុង​ការសម្អាត ប្រព័ន្ធ​រំលាយ​អាហារ និង ធ្វើអោយ​មុខងារ​របស់​វា កាន់តែ​ប្រសើរ​ឡើង​។​

៨. ខ្ទឹម​ស​៖​វា​ក៏​ជា​ប្រភេទ ឱសថ​បុរាណ ដែល​មាន​ប្រយោជន៍​ជា​ច្រើន​ចំពោះ​សុខភាព​យើង​រាល់គ្នា ផងដែរ​។ វា​មាន​ឥទ្ធិពល ជា​វិជ្ជមាន​ក្នុង​ការលាង​សម្អាត ពោះវៀន​របស់​អ្នក អោយបាន​ស្អាត​ល្អ​។​

៩. ទឹក​ផ្លែឈើ​ស្រស់ៗ ៖​ការផឹក​ទឹក​ផ្លែឈើ​កិន​ស្រស់ៗ នឹង​ជួយ​សម្អាត​នូវ​ជាតិ​អំបិល និង បន្សាប​ជាតិពុល នៅក្នុង​ពោះវៀន​បាន​យ៉ាង​ល្អ​។ ជា​ការប្រសើរ អ្នក​គួរ​ផឹក​វា​អោយ​បាន​ជាប់​ជាប្រចាំ ។​

១០. សណ្តែក​បណ្តុះ​៖  ជា​បន្លែ ដែល​ជួយ​សម្អាត និង បន្សាប​ជាតិពុល នៅក្នុង​ពោះវៀន ។​ទន្ទឹមនឹងនេះ វា​ក៏​ជួយ​សម្អាត​ថ្លើម និង ធ្វើអោយ​សុខភាព​ប្រព័ន្ធ​រំលាយ​អាហារ​មាន​ភាពល្អប្រសើរ​បាន​ផងដែរ ៕

Monday, June 24, 2013

ជាប់​ចិត្ត​នឹង​ត្រី​សាលម៉ុង​ចិញ្ចឹម ដែល​ជា​ប្រភព​ដ៏​ល្អ​នៃ​អូមេហ្កា ៣ (Omega-3)


យោង​តាម​សមាគម​ជាតិ​វារីវប្បកម្ម ដែល​មាន​មូលដ្ឋាន​នៅ​ក្រុង Pine Bluff រដ្ឋ Arkansas គ្រឿង​សមុទ្រ​ប្រហែល ៨៥% ដែល​បរិភោគ​ដោយ​ជនជាតិ​អាមេរិក​ត្រូវ​បាន​នាំ​ចូល​ពី​ខាងក្រៅ ហើយ​ប្រហែល ៥០% នៃ​គ្រឿង​សមុទ្រ​ទាំងនោះ​ត្រូវ​បាន​ចិញ្ចឹម​នៅ​កសិដ្ឋាន​តាម​រយៈ​ដំណើរការ​មួយ​ហៅ​ថា «វារីវប្បកម្ម» ។ នៅ​ឆ្នាំ​២០១១ សហរដ្ឋអាមេរិក​បាន​នាំចូល​គ្រឿងសមុទ្រ​ដែល​មាន​តម្លៃ ១៦,៦​ពាន់​លាន​ដុល្លា និង​នាំចេញ​តម្លៃ ៥,៤​ពាន់​លាន​ដុល្លា ដែល​មាន​កម្រិត​ខុសគ្នា​ដល់​ទៅ ១១,២ ពាន់​លាន​ដុល្លា ។
ខណៈ​ដែល​ប្រជាជន​ពិភពលោក​កើន​ឡើង ហើយ​តម្រូវការ​គ្រឿងសមុទ្រ​ក៏​កើន​ឡើង គ្រឿង​សមុទ្រ​ជា​ច្រើន​ប្រភេទ​ត្រូវ​បាន​នេសាទ​ហួស​កម្រិត ឬ​ធ្វើ​អាជីវកម្ម​ពេញ​បន្ទុក ។ មាន​ន័យ​ថា​មហាសមុទ្រ​នានា​នៅ​ទូទាំង​ពិភពលោក​មិន​អាច​ផលិត​ត្រី​ឲ្យ​លើស​ពី ​សមត្ថភាព​បច្ចុប្បន្ន​ទេ ។ ខណៈ​ដែល​គ្រឿងសមុទ្រ​ដែល​ធម្មជាតិ​អាច​ផលិត​បាន​ឈាន​ដល់​កម្រិត​កំពូល អ្នក​ចិញ្ចឹម​ត្រី​សមុទ្រ​តាម​កសិដ្ឋាន​កំពុង​តែ​ខិតខំ​បំពេញ​តម្រូវការ​ គ្រឿងសមុទ្រ​ដែល​ចេះ​តែ​កើន​ឡើង​តាម​វិធី​មួយ​ប្រកប​ដោយ​និរន្តរភាព ។ វារីវប្បកម្ម​គឺ​ជា​ដំណើរការ​មួយ​ក្នុង​ការ​ចិញ្ចឹម​មច្ឆជាតិ ទាំង​ទឹកសាប និង​ទឹកប្រៃ នៅ​ក្នុង​បរិស្ថាន​បង្ខាំង​ស្ថិត​ក្រោម​ការ​គ្រប់គ្រង ។

ត្រី​សាលម៉ុង​ជា​ប្រភព​ជីវជាតិ​ដ៏​សំខាន់

អ្នកវិទ្យាសាស្ត្រ​នៃ​សេវា​ស្រាវជ្រាវ​កសិកម្ម (ARS) នៅ​មជ្ឈមណ្ឌល Grand Forks ស្រាវជ្រាវ​អាហារូបត្ថម្ភ​របស់​មនុស្ស (GFHNRC) ស្ថិត​ក្នុង​រដ្ឋ North Dakota បាន​ធ្វើ​ការសិក្សា​មួយ​ចំនួន​ពាក់ព័ន្ធ​នឹង​ត្រី​ចិញ្ចឹម​ពេញ​និយម​មួយ​ ប្រភេទ​នៅ​សហរដ្ឋអាមេរិក​គឺ ត្រី​សាលម៉ុង​អាត្លង់ទិក ។ អ្នកវិទ្យាសាស្ត្រ​ទាំងនោះ​ចង់​ស្វែងយល់​បន្ថែម​អំពី​អាស៊ីត​ខ្លាញ់​អូមេហ្កា​៣ នៅ​ក្នុង​ត្រី​ប្រភេទ​នេះ ។
អាស៊ីត​ខ្លាញ់​អូមេហ្កា​៣ ចំនួន​ពីរ​ប្រភេទ​គឺ Eicosapentaenoic acid (EPA) និង Docosahexaenoic acid (DHA) មាន​ច្រើន​នៅ​ក្នុង​ត្រី​សម្បូរ​ខ្លាញ់ ដូចជា សាលម៉ុង ធ្យូណា ម៉ាកើរ៉ែល និង​ហ៊េរីង ជាដើម ។ ទិន្ន័យ​មួយ​ចំនួន​បាន​បង្ហាញ​ថា ការ​បរិភោគ EPA និង DHA ចំនួន ២៥០​មីលីក្រាម [បរិមាណ​តិច​ជាង​អាស៊ីត​ខ្លាញ់​មិន​ឆ្អែត (PUFA) ចំនួន ៣ កាឡូរី] ក្នុង​មួយ​ថ្ងៃ គឺ​អាច​កាត់​បន្ថយ​គ្រោះថ្នាក់​កើត​ជំងឺ​បេះដូង ។
អ្នកវិទ្យាសាស្ត្រ​នៃ​មជ្ឈមណ្ឌល GFHNRC និង​សហការី បាន​បោះពុម្ពផ្សាយ​នូវ​អត្ថបទ​វិទ្យាសាស្ត្រ​ចំនួន​ពីរ​ដែល​ពិនិត្យ​មើល​ តួនាទី​នៃ​ការ​បរិភោគ​ត្រី​សាលម៉ុង​អាត្លង់ទិក​ជា​មធ្យោបាយ​មួយ​ដើម្បី​ ស្រូប​យក​អាស៊ីត​ខ្លាញ់​អូមេហ្កា​៣ ក្នុង​ចំណោម​អ្នក​បរិភោគ​នានា ។ ការសិក្សា​ទាំង​នេះ​ដឹកនាំ​ដោយ​អ្នកស្រី Susan Raatz ជា​អ្នកឯកទេស​អាហារូបត្ថម្ភ​ និង​លោក Matthew Picklo ជា​សរីរៈវិទូ​នៃ​មជ្ឈមណ្ឌល GFHNRC ។ អ្នក​ទាំង​ពីរ​នេះ​បាន​សហការ​ជាមួយ​លោក William Wolters ដែល​ជា​ប្រធាន​មជ្ឈមណ្ឌល​ជាតិ​វារីវប្បកម្ម​ទឹកប្រៃ​ត្រជាក់​របស់ ARS នៅ​ក្រុង Franklin រដ្ឋ Maine ។
អ្នកស្រី Susan Raatz មាន​ប្រសាសន៍​ថា «ត្រី ​សាលម៉ុង​អាត្លង់ទិក​គឺ​ជា​ប្រភព​នៃ EPA និង DHA ដ៏​ល្អ​បំផុត ហើយ​មនុស្សម្នា​អាច​បង្កើន​ការ​បរិភោគ​អូមេហ្កា​៣ PUFA បាន​យ៉ាង​ងាយ​ដោយ​គ្រាន់​តែ​បង្កើន​គ្រឿងសមុទ្រ​នៅ​ក្នុង​របប​អាហារ​របស់​ ពួកគេ» ។ ការ​សិក្សា​ថ្មីៗ​ទាំងនេះ​ផ្ដល់​នូវ​ទិន្ន័យ​គួរ​ឲ្យ​ចាប់​អារម្មណ៍​ចំពោះ​ អ្នក​ដែល​ព្រួយ​បារម្ភ​ថា ត្រី​សាលម៉ុង​ចិញ្ចឹម​មាន​បរិមាណ​អូមេហ្កា​៣ តិច​ជាង​ត្រី​សាលម៉ុង​ធម្មជាតិ ។

ការ​រក្សា​គុណភាព​អូមេហ្កា​៣ នៅ​ក្នុង​ត្រី

គេ​បាន​ដឹង​ថា នៅ​ពេល​បរិភោគ​គ្រឿងសមុទ្រ​ដែល​សម្បូរ​អាស៊ីត​ខ្លាញ់​អូមេហ្កា​៣ អាច​កាត់​បន្ថយ​គ្រោះថ្នាក់​ជំងឺ​បេះដូង ប៉ុន្តែ​គេ​ពុំ​ទាន់​ដឹង​ថា​តើ​ដំណើរការ​ដុត​ត្រី​សាលម៉ុង​អាត្លង់ទិក​ ចិញ្ចឹម​អាច​បណ្ដាល​ឲ្យ​បាត់បង់​អូមេហ្កា​៣ ដែរ​ឬ​ទេ ។ ការ​ស្រាវជ្រាវ​នៅ​ក្រុង Grand Forks បាន​បង្ហាញ​ថា ការ ​ដុត​ត្រី​សាលម៉ុង​នៅ​សីតុណ្ហភាព​សមស្រប​មិន​បាន​កាត់​បន្ថយ​បរិមាណ​អាស៊ីត​ ខ្លាញ់​អូមេហ្កា​៣ ដែល​មាន​ប្រយោជន៍​នៅ​ក្នុង​ត្រី​សាលម៉ុង​ទេ ។
ការ​សិក្សា​នេះ​ក៏​បាន​ពិនិត្យ​មើល​ពី​ទំហំ​ដែល​ដំណើរការ​ដុត​ត្រី​ សាលម៉ុង​អាត្លង់ទិក​ធ្វើ​ឲ្យ​អាស៊ីត​ខ្លាញ់​ធ្វើ​អុកស៊ីតកម្ម ។ លោក Matthew Picklo មាន​ប្រសាសន៍​ថា «មនុស្ស​មួយ​ចំនួន​ គិត​ថា នៅ​ពេល​អ្នក​ដុត​ត្រី អាស៊ីត​ខ្លាញ់​ដែល​មាន​ប្រយោជន៍​សម្រាប់​សុខភាព​អាច​ធ្វើ​អុកស៊ីតកម្ម ដែល​បន្សល់​នូវ​តែ​សមាសធាតុ​មិន​ល្អ​សម្រាប់​សុខភាព ដូចជា អនុផល​អុកស៊ីតកម្ម​អូមេហ្កា​៣ មាន​ជាតិ​ពុល​ជាដើម ។ យើង​បាន​ពិនិត្យ​មើល​ទំហំ​ដែល​ការ​ដុត​ធ្វើ​ឲ្យ​អាស៊ីត​ខ្លាញ់​មាន​ការ​ ប្រែប្រួល​នៅ​ក្នុង​ត្រី​សាលម៉ុង» ។
អ្នកស្រាវជ្រាវ​បាន​រក​ឃើញ​ថា ការ​ដុត​ពិត​ជា​កាត់​បន្ថយ​វត្តមាន​នៃ​ផលិតផល​អុកស៊ីតកម្ម​អាស៊ីត​ខ្លាញ់ ។ អ្នកស្រី Susan Raatz មាន​ប្រសាសន៍​ថា «ការ​ រៀបចំ​ត្រី​អនុលោម​តាម​បែប​បទ​ភោជនីយដ្ឋាន និង​គោលការណ៍​ណែនាំ​អំពី​សុវត្ថិភាព ក្នុង​សីតុណ្ហភាព​ទាប​សាច់​ត្រី​ទន់ តែ​មាន​សុវត្ថិភាព ១៤៥ °F (ប្រហែល ៦៣ °C) ប្រសើរ​ជាង​ឆ្អិន​ជ្រុល​ពេក​រហូត​ដល់​សាច់​ត្រី​ស្វិត​គឺ​ជា​គន្លឹះ» ។ អត្ថបទ​ឆ្នាំ​២០១១ អំពី​លទ្ធផល​នេះ​ត្រូវ​បាន​បោះពុម្ពផ្សាយ​នៅ​ក្នុង​ទស្សនាវដ្ដី​ វិទ្យាសាស្ត្រ​គីមី​កសិកម្ម និង​ម្ហូបអាហារ (Journal of Agricultural and Food Chemistry) ។

ការ​វាស់​កម្រិត​ឈាម​នៃ​អូមេហ្កា​៣

នៅ​ក្នុង​ការ​សិក្សា​មួយ​ផ្សេង​ទៀត អ្នកវិទ្យាសាស្ត្រ​បាន​វាយ​តម្លៃ​អ្នកស្ម័គ្រ​ចិត្ត​មួយ​ក្រុម​ចំនួន​១៩​នាក់​ ដែល​មាន​សុខភាព​ល្អ និង​ដែល​បាន​ផ្ដល់​បរិមាណ​ទម្ងន់​ចំនួន​៣​នៃ​ត្រី​សាលម៉ុង​អត្លង់ទិក​ ចិញ្ចឹម ។ អ្នកស្ម័គ្រ​ចិត្ត​ម្នាក់ៗ​តម្រូវ​ឲ្យ​បរិភោគ​បរិមាណ​១​នៃ​បរិមាណ​ទាំង​៣​ ពីរ​ដង​ក្នុង​មួយ​សប្ដាហ៍​ក្នុង​រយៈ​ពេល​៤​សប្ដាហ៍ ។ បន្ទាប់​ពី​សម្រាក «សម្អាត​ឈាម» រយៈពេល​៤​ទៅ​៦​សប្ដាហ៍ បរិមាណ​ត្រី​១​ក្នុងទម្ងន់​មួយ​ទៀត ត្រូវ​បាន​ផ្ដល់​ឲ្យ​បរិភោគ សម្រាក​ម្ដង​ទៀត បន្ទាប់​មក​បរិមាណ​ត្រី​ក្នុង​ទម្ងន់​ទី​៣​ត្រូវ​បាន​ដាក់​ឲ្យ​បរិភោគ ដូចនេះ​អ្នក​ស្ម័គ្រ​ចិត្ត​ម្នាក់ៗ​បាន​បរិភោគ​បរិមាណ​ទាំង​៣​ទម្ងន់​ ទាំងអស់ ។ ទម្ងន់​ត្រី​ឆៅ​ដែល​បាន​បរិភោគ​ដោយ​អ្នកស្ម័គ្រ​ចិត្ត​គឺ​ ៩០​ក្រាម ១៨០​ក្រាម និង ​២៧០​ក្រាម ។
វិទ្យាស្ថាន​វិជ្ជសាស្ត្រ និង​បទដ្ឋាន​របប​អាហារ​សម្រាប់​ជនជាតិ​អាមេរិក​ បាន​ណែនាំ​ឲ្យ​បរិភោគ​គ្រឿងសមុទ្រ ២២៦,៨​ក្រាម​ ក្នុង​មួយ​សប្ដាហ៍ ប៉ុន្តែ​នៅ​បច្ចុប្បន្ន​នេះ វិទ្យាស្ថាន​វិជ្ជសាស្ត្រ​មិន​ទាន់​បាន​បោះពុម្ព​ផ្សាយ​អំពី​បទដ្ឋាន​បរិមាណ ​របប​អាហារ​សម្រាប់ EPA ឬ DHA ទេ ។
ឈាម​ត្រូវ​បាន​ប្រមូល​ពី​អ្នកស្ម័គ្រ​ចិត្ត​ទាំង​១៩​រូប​ ដើម្បី​កំណត់​ពី​កម្រិត​អាស៊ីត​ខ្លាញ់ និង​សូចនាករ​គ្រោះថ្នាក់​ជំងឺ​បេះដូង​ នៅ​ពេល​ចាប់​ផ្ដើម និង​ចុង​បញ្ចប់​នៃ​ការ​ធ្វើ​តេស្ត​សាកល្បង ។
លទ្ធផល​បង្ហាញ​ថា កម្រិត EPA នៅ​ក្នុង​ឈាម​កើន​ឡើង​២​ដង​បន្ទាប់​ពី​អ្នកស្ម័គ្រ​ចិត្ត​បរិភោគ​ត្រី​ចំនួន ១៨០​ក្រាម និង​កើន​ឡើង​ជិត​៣​ដង​បន្ទាប់​បរិភោគ​ត្រី ២៧០​ក្រាម ។ ដោយ​ផ្អែក​លើ​សូចនាករ​ឈាម កម្រិត DHA កើន​ឡើង​ប្រហែល​៥០% ចំពោះ​បរិមាណ​ត្រី​ទាំង​៣​ទម្ងន់ ។
អ្នកស្រី Susan Raatz មាន​ប្រសាសន៍​ថា «យើង​រក​ឃើញ​ថា​ ការ​បរិភោគ​ត្រី​សាលម៉ុង​ចំនួន​ ១៧០​ក្រាម​ ២​ដង​ក្នុង​មួយ​សប្ដាហ៍​ គឺ​គ្រប់គ្រាន់​ប្រសិនបើ​ចង់​បង្កើន​កម្រិត EPA និង DHA នៅ​ក្នុង​ឈាម ។ អ្នកស្ម័គ្រចិត្ត​ទាំងអស់​មិន​ចាំបាច់​បរិភោគ​ត្រី​ក្នុង​បរិមាណ​ច្រើន​លើស​ ពី​នេះ​ទេ​ដើម្បី​ទទួល​បាន​អត្ថប្រយោជន៍» ។
លោក Matthew Picklo មាន​ប្រសាសន៍​ថា «យើង​ បាន​បង្ហាញ​ថា ការ​បរិភោគ​ត្រី​សាលម៉ុង​ចិញ្ចឹម​គឺ​ជា​វិធី​ល្អ​បំផុត​ក្នុង​ការ​បង្កើន​ អាស៊ីត​ខ្លាញ់​អូមេហ្កា​៣​នៅ​ក្នុង​ឈាម​ឲ្យ​ដល់​កម្រិត​ដែល​អាច​កាត់​បន្ថយ​ គ្រោះថ្នាក់​ជំងឺ​បេះដូង» ។
សមាគម​បេះដូង​អាមេរិក​បាន​ណែនាំ​ឲ្យ​បរិភោគ​ត្រី​២​ដង​ក្នុង​មួយ​សប្ដាហ៍​ដើម្បី​កាត់​បន្ថយ​គ្រោះថ្នាក់​ជំងឺ​បេះដូង ។
បច្ចុប្បន្ន​នេះ នៅ​ក្នុង​សហរដ្ឋអាមេរិក មាន​តែ​រដ្ឋ Maine និង​រដ្ឋ Washington ប៉ុណ្ណោះ​ដែល​បាន​ចិញ្ចឹម​ត្រី​សាលម៉ុង​តាម​កសិដ្ឋាន នេះ​បើ​យោង​តាម​លោក Sebastian Belle នាយក​ប្រតិបត្តិ​នៃ​សមាគម​វារីវប្បកម្ម​រដ្ឋ Maine មាន​មូលដ្ឋាន​នៅ​ក្រុង Hallowell រដ្ឋ Maine ។ លោក Sebastian Belle មាន​ប្រសាសន៍​ថា «ជា ​មធ្យម​ក្នុង​រយៈពេល​៥​ឆ្នាំ​កន្លង​មក​នេះ រដ្ឋ Maine បាន​ផលិត​ត្រី​សាលម៉ុង​តាម​កសិដ្ឋាន​បាន​ប្រហែល ២៦​លាន​ផោន (ប្រហែល​១២​លាន​គីឡូក្រាម)» ។ គួរ​កត់​សម្គាល់​ថា នៅ​ឆ្នាំ​២០១១ ទាំង​ត្រី​សាលម៉ុង​ធម្មជាតិ​នាំចូល​សហរដ្ឋអាមេរិក និង​ត្រី​សាលម៉ុង​ចិញ្ចឹម​បាន​កើន​ឡើង​ជិត ៤០០​លាន​ផោន (ប្រហែល​១៨១​លាន​គីឡូក្រាម) ។
លោក William Wolters ដែល​ជា​អ្នក​សហការ​ជាមួយ​មជ្ឈមណ្ឌល GFHNRC នៅ​ក្នុង​ការ​សិក្សា​អំពី​ត្រី​សាលម៉ុង មាន​ប្រសាសន៍​ថា «សំខាន់ ​គឺ​ត្រូវ​យល់​ពី​សារប្រយោជន៍​ផ្នែក​សុខភាព​នៃ​ត្រី​សាលម៉ុង​អត្លង់ទិក​ដែល​ ផលិត​តាម​រយៈ​វារីវប្បកម្ម ។ អ្នក​បរិភោគ​គ្រឿងសមុទ្រ​ជាច្រើន​អាច​រក​ជាវ​ត្រី​ចិញ្ចឹម​បាន​នៅ​តាម​ហាង​ លក់​គ្រឿងទេស​តាម​តំបន់​ដែល​ពួក​គេ​រស់​នៅ» ។
លទ្ធផល​នៃ​ការ​សិក្សា​ខាងលើ​នេះ បាន​បោះពុម្ព​ផ្សាយ​នៅ​ក្នុង​ទស្សនាវដ្ដី​បណ្ឌិតសភា​អាហារូបត្ថម្ភ និង​របប​អាហារ (Journal of the Academy of Nutrition and Dietetics) នៅ​ខែ​កុម្ភៈ ឆ្នាំ​២០១៣ ។
 អត្ថបទ​ដោយ Rosalie Marion Bliss មន្ត្រី​ព័ត៌មាន​នៃ ARS
បកប្រែ​ និង​ផ្សព្វផ្សាយ​ដោយ​មាន​ការ​អនុញ្ញាត​ពី USDA Agricultural Research/​May-June 2013
ត្រី​សាលម៉ុង​អត្លង់ទិក​គឺ​ជា​ពូជ​ត្រី​ដ៏​សំខាន់​មួយ​ដែល​អាច​ធំ​លូតលាស់​នៅ​ក្នុង​វារីវប្បកម្ម ដែល​ជា​ដំណើរការ​ចិញ្ចឹម​មច្ឆជាតិ​នៅ​ក្នុង​បរិស្ថាន​បង្ខាំង​ស្ថិត​ក្រោម​លក្ខខណ្ឌ​គ្រប់គ្រង
ត្រី ​សាលម៉ុង​អត្លង់ទិក​គឺ​ជា​ពូជ​ត្រី​ដ៏​សំខាន់​មួយ​ដែល​អាច​ធំ​លូតលាស់​នៅ​ ក្នុង​វារីវប្បកម្ម ដែល​ជា​ដំណើរការ​ចិញ្ចឹម​មច្ឆជាតិ​នៅ​ក្នុង​បរិស្ថាន​បង្ខាំង​ស្ថិត​ក្រោម​ លក្ខខណ្ឌ​គ្រប់គ្រង ។ ថ្មីៗ​នេះ ការ​សិក្សា​របស់ ARS អាច​ជួយ​កាត់​បន្ថយ​ការ​ព្រួយបារម្ភ​ថា​តើ​ត្រី​សាលម៉ុង​ចិញ្ចឹម​នៅ​ កសិដ្ឋាន​មាន​បរិមាណ​អូមេហ្កា​៣​តិច​ជាង​ត្រី​សាលម៉ុង​ដែល​ចាប់​ពី​ធម្មជាតិ ​ឬ​ទេ
នៅ​មជ្ឈមណ្ឌល Grand Forks ស្រាវជ្រាវ​អាហារូបត្ថម្ភ​របស់​មនុស្ស (GFHNRC) ស្ថិត​ក្នុង​រដ្ឋ North Dakota សរីរៈវិទូ Matthew Picklo ធ្វើ​ការ​វិភាគ​អាស៊ីត​ខ្លាញ់​នៃ​សំណាក​ប្លាស្មា​ឈាម​របស់​មនុស្ស​ដើម្បី​កំណត់​ពី​ឥទ្ធិពល​នៃ​ការ​បរិភោគ​ត្រី​សាលម៉ុង
នៅ ​មជ្ឈមណ្ឌល Grand Forks ស្រាវជ្រាវ​អាហារូបត្ថម្ភ​របស់​មនុស្ស (GFHNRC) ស្ថិត​ក្នុង​រដ្ឋ North Dakota សរីរៈវិទូ Matthew Picklo ធ្វើ​ការ​វិភាគ​អាស៊ីត​ខ្លាញ់​នៃ​សំណាក​ប្លាស្មា​ឈាម​របស់​មនុស្ស​ដើម្បី​ កំណត់​ពី​ឥទ្ធិពល​នៃ​ការ​បរិភោគ​ត្រី​សាលម៉ុង
អ្នកឯកទេស​អាហារូបត្ថម្ភ​នៃ ARS អ្នកស្រី Susan Raatz (ស្ដាំ) និង​ចុងភៅ Doris Zidon រៀបចំ​ភ្លាស់​ត្រី​សាលម៉ុង​សម្រាប់​ការ​សិក្សា​ស្រាវជ្រាវ​នៅ​មជ្ឈមណ្ឌល​អាហារូបត្ថម្ភ Grand Forks
អ្នកឯកទេស ​អាហារូបត្ថម្ភ​នៃ ARS អ្នកស្រី Susan Raatz (ស្ដាំ) និង​ចុងភៅ Doris Zidon រៀបចំ​ភ្លាស់​ត្រី​សាលម៉ុង​សម្រាប់​ការ​សិក្សា​ស្រាវជ្រាវ​នៅ​មជ្ឈមណ្ឌល​ អាហារូបត្ថម្ភ Grand Forks 

Thursday, June 13, 2013

ហេតុអ្វី​បាន​ជា អ្នក​មាន​ជំងឺ​ផ្តាសាយ ជា​ញឹក​ញាប់?


សំណួរមួយនេះប្រហែលជា ត្រូវបានសួរនៅពេល ដែលរដូវរងារបាន ចូលមកដល់។ កាលណា រដូវរងារចូលមកដល់ រដូវនៃជំងឺផ្តាសាយ ក៏បានចូលមកដល់ដែរ។ ទន្ទឹមនឹងនេះ នៅរដូវនេះម្តាយ នឹងជីដូនរបស់អ្នកបាន ប្រាប់អ្នកកុំឲ្យចេញទៅក្រៅផ្ទះ ពីព្រោះវាអាចកើតជំងឺផ្តាសាយ ក៏ប៉ុន្តែដំបូន្មានមួយនេះ មិនអាចហាម អ្នកបានឡើយ។
តាមការពិត ជំងឺផ្តាសាយធំ និង ជំងឺផ្តាសាយធម្មតាត្រូវ បានកើតឡើងដោយសារតែ វីរុសផ្សេងៗដែលមាន នៅក្នុងបរិយាកាស។ មួយវិញទៀត មនុស្សភាគច្រើនមាន ជំងឺជាញឹកញាប់នៅ រដូវរងារដោយសារ មេរោគមិនត្រូវបាន សម្លាប់ដោយសារ កម្តៅព្រះអាទិត្យ។

ម្យ៉ាងវិញទៀត នៅពេលដែលមាន អាកាសធាតុត្រជាក់ នៅខាងក្រៅ មនុស្សភាគច្រើនចូលចិត្ត សំងំនៅក្នុងផ្ទះ និង ចំលងមេរោគទៅគ្នា ទៅវិញទៅមក។
ជាមួយនឹងមនុស្សជាច្រើន ដែលមានទំនាក់ទំន ងជាមួយគ្នាយ៉ាងជិតស្និត ការចំលងមេរោគនៅ ពេលដែលអ្នកស្ថិតនៅ ក្នុងកន្លែងដែលមាន អាកាសធាតុត្រជាក់ មានកំរិតខ្ពស់ជាង នៅពេលដែលអ្នកស្ថិត នៅក្នុងកន្លែងដែលមា នអាកាសធាតុក្តៅល្មម។

បច្ចុប្បន្នក៏ថែមទាំង មានភស្តុតាងដែរថា ប្រភេទវីរ៉ុសផ្តាសាយក៏ អាចចំលងមេរោគនៅក្នុង បរិយាកាសដែលមាន ខ្យល់ស្ងួត ដែលជាខ្យល់ត្រួវបាន បង្កើតឡើងដោយ ម៉ាស៊ីនកម្តៅ ។ ជាងនេះទៅទៀត បរិកាសកាសស្ងួត អាចធ្វើឲ្យវីរ៉ុសចំលង មេរោគពីមនុស្សម្នាក់ ទៅមនុស្សម្នាក់ទៀត បានយ៉ាងងាយ។

ចំណែកឯ នៅតំបន់ត្រូពិចដែលជា កន្លែងដែរពុំសូវមាន អាកាសធាតុត្រជាក់ ជំងឺផ្តាសាយធំ និងជំងឺផ្តាសាយធម្មតា ជាធម្មតាអាចកើតឡើង នៅក្នុងអំឡុងពេល រដូវធ្លាក់ភ្លៀង។ ក៏ប៉ុន្តែ ការកើតមានជំងឺនេះ មិនមែនមកពីភ្លៀងនោះទេ គឺវាអាចកើតមានដោយសារ ការចំលងវីរ៉ុសពី មនុស្សម្នាក់ទៅ មនុស្សម្នាក់ទៀត។

អ្វីដែលសំខាន់ដើម្បីចងចាំ នៅពេលដែលរដូវនៃ ជំងឺផ្តាសាយចូល មកនោះគឺ អ្នកត្រូវការពារពារខ្លួនប្រាណ របស់អ្នកដើម្បីប្រឆាំង ជាមួយនឹងការចំលង មេរោគអស់ទាំងនោះ នៅពេលដែលអ្នកស្ថិត នៅក្នុងក្រុមមនុស្ស ជាច្រើននាក់ ពីព្រោះវីរ៉ុសអាចចំលង មេរោគដោយសារ ទំនាក់ទំនងទៅវិញ ទៅមករបស់មនុស្ស។ មួយវិញទៀត ចូរជឿជាក់ថាអ្នកបាន សំអាតដៃរបស់ អ្នកជាញឹកញាប់។

Wednesday, June 5, 2013

មានបញ្ហា​ជំងឺ​រលាក​ក្រពះ​គួរ​តម​អាហារ​អ្វីខ្លះ​?


 ជំងឺ​រលាក​ក្រពះ គឺជា​ស្ថានភាព​មួយ​ដែល គ្របដណ្តប់​នូវ​រាល់​បញ្ហា​មិន​ប្រក្រតី​ផ្សេងៗ ដែល​កើតមាន​ចំពោះ​ក្រពះ ដែល​វា​ជា​លទ្ធផល​បានមក​ពី ការ​រលាក​ស្រទាប់​ផ្នែក​ខាង​ក្នុងនៃ​ក្រពះ​។ មូលហេតុ​នៃ​ការ​រលាក​នេះ​មាន ប្រភព​មក​ពី​កត្តា​ផ្សេងៗ​ជាច្រើន​ដូចជា​៖ ការ​ចំលងរោគ​របស់​ពពួក​បាក់តេរី​, ការ​ផឹកសុរា​, ការរង​របួស​ប៉ះទង្គិច​ដ៏ ធ្ងន់ធ្ងរ និង ការប្រើប្រាស់​ថ្នាំ​បំបាត់​ការឈឺចាប់ ក្នុង​កម្រិត​ច្រើន​ជ្រុល​។ ជំងឺ​រលាក​ក្រពះ​នេះ អាច​កើតមានឡើង ភ្លាមៗ ឬ មាន​ការវិវត្តន៍​យឺតៗ ក្នុងពេល​ណាមួយ​។ ជំងឺ​រលាក​ក្រពះ​ដែល​មិន ត្រូវបាន​ធ្វើការ​ព្យាបាល​បាន​ត្រឹមត្រូវ ទេ នោះ​វា​នឹង​បណ្តាលអោយ​មាន​ការវិវត្ត​ន៍​ទៅជា​ជំងឺ ដំបៅ​ក្រពះ និង មហារីកក្រពះ​។​អ្នក​ដែល​មាន​ជំងឺ រលាក​ក្រពះ គួរ​ធ្វើ​ការជៀសវាង​នូវ​អាហារ​ជាក់លាក់ មួយចំនួន​ដូច​ខាងក្រោម​នេះ ។​


ខ្លាញ់​
     អាហារ​ដែល​អ្នកជំងឺរ​លាក​ក្រពះ ត្រូវធ្វើ​ការជៀសវាង​នោះ​គឺ  ប្រភេទ​អាហារ​ដែល​មាន​ជាតិ​ខ្លាញ់ ដែល​វា អាច បង្កើន​នូវ​កម្រិត​រលាក របស់​ស្រទាប់​ក្រពះ​ផ្នែក​ខាងក្នុង​។  អ្នក​ត្រូវ​ជៀសវាង នូវ​អាហារ​ចៀន​ខ្លាញ់ មានដូចជា មាន់​បំពង និង អាហារ​សមុទ្រ​ដែល​ជ្រលក់​នឹង​កំទេច​នំ​បុ័ង​។ ហើយ​ស៊ុត​ចៀន និង នំ​បំពង ក៏​ជា​អាហារ​ដែល​អ្នក គួរ​ធ្វើ​ការជៀសវាង​ផងដែរ​។ អ្នក​មិន​ត្រូវ​ទទួល​ទាន ដំឡូងបារាំង​បំពង និង ដំឡូង​ចៀន​នោះទេ​។  លុបបំបាត់ចោល នូវ​អាហារ​ដែល​មាន​អាស៊ីត​ខ្លាញ់​។ ក្រៅពី​វា​អាច​រំខាន ដល់​ស្រទាប់​ក្រពះ​ផ្នែក​ខាងក្នុង វា​ក៏​បាន ធ្វើអោយ សម្ពាធ​ឈាម​មាន​ការកើនឡើង ដែល​នឹង​នាំអោយ​អ្នក​មាន​ភាពធាត់ និង មាន​ជំងឺ​បេះដូង​។ ប្រភេទ​អាហារ ដែល​មាន​អាស៊ីត​ខ្លាញ់ ត្រូវបាន​រកឃើញ​នៅក្នុង​ប្រភេទ​នំ​មួយចំនួន​ដូចជា​៖ នំ​ខួបកំណើត​, នំឃុក​ឃី​, ដូណាត់ និង នំ​ស្រួយ​។ អាហារ​ដែល​ចំអិន​ស្រាប់ ក៏​ជា​ធម្មតា​គេ​សំគាល់​ឃើញថា វា​មាន​សារជាតិ អាស៊ីត​ខ្លាញ់ ច្រើន​ជាង​អាហារ​ដែល​ចំអិន​បាន​ភ្លាមៗ ។ ការឈឺ​ក្បាល​ប្រកាំង ក៏​ជា​មូលហេតុ នៃ​ប្រភព​ដ៏​ខ្ពស់​នៃ អាស៊ីត​ខ្លាញ់​នេះ​ផង​ដែរ​។​

ប្រភេទ​អាហារ​ចំហុយ​
    ក្រុម​វេជ្ជបណ្ឌិត​នៅ​សកល​វិទ្យាល័យ នៃ​មជ្ឈមណ្ឌល​វេជ្ជសាស្ត្រ ម៉ា​រី​លែ​ន ( Maryland Medical Center) បានធ្វើ ការណែនាំ​ថា អ្នកជំងឺ​រលាក​ក្រពះ គួរ​ជៀសវាង​នូវ​អាហារ​ប្រភេទ​ចំហុយ ដែល​មាន​ជាតិ​ស្ករ​ខ្ពស់ ជាការ​បន្ថែម​ទៅ លើ​ជាតិ​ខ្លាញ់​។ នំ​បុ័ង​ស និង នំ​ប៉ា​ស្តារ គឺជា​ប្រភេទ​អាហារ​ចំហុយ ម្យ៉ាង​ដែល​បាន​រំខាន ដល់​ស្រទាប់​ខាងក្នុង របស់​ក្រពះ​។​
​អាហារ​ដែល​មាន​រសជាតិ​ហិល​
     ប្រភេទ​អាហារ​ដែល​មាន​រសជាតិ​ហិល មានដូចជា​៖ ម្ទេស​ប្លោក​, ស្ពៃ​ខៀវ និង ទឹកជ្រលក់​ហិល អាចធ្វើអោយ រោគសញ្ញា​ឈឺក្រពះ រើ​ឡើង​បាន​យ៉ាង​ឆាប់រហ័ស​។ ការ​ច្រាល​នៃ​ជាតិ​អាស៊ី​ត ក្នុង​ក្រពះ គឺ​បណ្តាលមកពី ការទទួល ទាន​នូវ​អាហារ​ដែល​មាន​រសជាតិ​ហិល និង អាច​នាំអោយ​មាន​ជំងឺ​រលាក​ក្រពះ​នេះ​កើតមានឡើង​។ ទោះបីជា​អាហារ ដែល​មាន​រសជាតិ​សាប មិន​តម្រូវ​សម្រាប់ ការព្យាបាល​ជំងឺ​រលាក​ក្រពះ ក៏​ស្រទាប់​ខាង​ក្នុងនៃ ក្រពះ​ដែល​ខ្សោយ​ត្រូវបាន​បំផ្លាញ​រួចជាស្រេច ដោយ​រោគ​រលាក​ក្រពះ​នេះ នៅពេល​ដែល​វា​បាន​ជួប​នឹង​អាហារ ដែល​មាន​រសជាតិ​ហិរខ្លាំង​។​

បន្លែ​
   អ្នក​គួរ​ជៀសវាង​នូវ​អាហារ​ដែល​ឆៅ និង មាន​សភាព​គគ្រើម ជាពិសេស​នៅពេល​ដែល​អ្នក កំពុង​ប្រឈម​នឹង ស្ថានភាព​ជំងឺ​រលាក​ក្រពះ​រុំ​ា​រ៉ៃ​។ អាហារ​ទាំងនោះ គួរ​មាន​ភាពងាយស្រួល ក្នុង​ការរំលាយ​។ មាន​អ្នក​ជំងឺ​រលាក ក្រពះ​ជាច្រើន បាន​រកឃើញថា ខ្ទឹម​បារាំង និង ខ្ទឹម​ស អាច​ធ្វើអោយ​ពួកគេ មានការ​រលាក​ក្រហាយ និង ឈឺចាប់ ខណៈពេល​ដែល​អ្នកជំងឺ​មួយចំនួនទៀត មិន​អាច​ទទួលយកបាន​នូវ​ផ្លែ​ប៉េង​ប៉ោះ​។ ហើយក៏​មាន​ប្រភេទ​អាហារ មួយចំនួនទៀត ដូចគ្នា​ទៅ​នឹង​ការ​ច្រាល​ជាតិ​អាស៊ីត​នៅក្នុង​ក្រពះ ដែល​អ្នក​គួរ​ធ្វើ​ការជៀសវាង​ផងដែរ​។ អ្នក​ដែល រងគ្រោះ​ដោយសារ​ជំងឺ​នេះ គួរ​ធ្វើការ​ទទួលទាន​នូវ​អាហារ​ដែល​បាន​ចំអិន ឬ​ត្រូវ​បាន​កាត់​ជា​ដុំ​តូចៗ ។ ក្រុម វេជ្ជបណ្ឌិត​នៅ​សកល​វិទ្យាល័យ​នៃ មជ្ឈមណ្ឌល​វេជ្ជសាស្ត្រ ម៉ា​រី​លែ​ន ( Maryland Medical Center) បាន​ណែនាំ​ថា អ្នកជំងឺ គួរ​ធ្វើការ​ទំពារ​អាហារ​អោយបាន​ម៉ត់​ល្អ មុន​ពេល​លេប​វា ដើម្បី​ជៀសវាង​នូវ​ការរំខាន​ដល់ ស្រទាប់​ខាង ក្នុងនៃ​ក្រពះ​។​

ភេ​ស​ជ្ជៈ
      ការ​ទទួលទាន​សុរា​ច្រើន​ជ្រុល គឺជា​មូលហេតុ​ដ៏​ចំបង​មួយ ដែល​ធ្វើអោយ​អ្នក វិវត្ត​នូវ​ជំងឺ​រលាក​ក្រពះ​នេះ​។ អ្នក​ត្រូវ​ជៀសវាង​នូវ​ប្រភេទ​ភេ​ស​ជ្ជះ ដែល​មាន​ជាតិ​សុរា​ទាំងអស់ ប្រសិនបើ​អ្នក​កើត​មាន​នូវ​ជំងឺ​នេះ​។ ភេ​ស​ជ្ជះ​ជាតិ អាស៊ីត​ផ្សេងទៀត ដែល​អាច​រំខាន​ដល់ ក្រពះ​ដែល​ឆាប់​មាន​ប្រតិកម្ម​របស់​អ្នក រួមមាន​ដូចជា​៖ ភេ​ស​ជ្ជះ​ដែលមាន ជាតិ​កាបូ​ណាត និង ទឹក​ផ្លែឈើ​ដែល​មាន​រសជាតិ​ជូរ​។ កាហ្វេ ទាំង​ពីរ​ប្រភេទ​ដែល​មាន​សារជាតិ​កាហ្វេ​អ៊ី​ន និង មិន​មាន​ជាតិ​កាហ្វេ​អ៊ី​ន គឺ​អ្នក​ត្រូវតែ​ជៀសវាង ពីព្រោះ​ថា​វា​អាច​បង្កើត​នូវ​ជាតិ​ឧស្ម័ន និង អាស៊ី​ត​។ ហើយ ទឹកតែ និង ទឹកក្រូច​កូកាកូឡា ដែល​មាន​ផ្ទុក​ជាតិ​កាហ្វេ​អ៊ី​ន ក៏​អ្នក​ត្រូវធ្វើ​ការជៀសវាង​អោយ​បាន​ផង​ដែរ​៕

Tuesday, May 21, 2013

ហេតុអ្វីបានជាយើងស្រវឹង?

នៅក្នុងពិភព​គីមីមាន​អាល់កុលជាច្រើនប្រភេទ ប៉ុន្តែអាល់កុលដែលយើងតែងតែ​និយមជាងគេនោះ​គឺ​អេតាណុល។  រូបរាង​ម៉ូលេគុល​របស់​អេតាណុល​គឺ​ជា​ភ្នាក់​ងារ​ដែល​ធ្វើឲ្យស្រា ឬក៏ស្រាបៀរដែលយើង​ពិសាជះឥទ្ធិពល​ដល់​ខួរក្បាល​ របស់​យើង។ ម៉ូលេគុល​របស់​អេតាណុល​គឺ​មាន​ទំហំតូចណាស់ ដែល​កកើត​ឡើង​ដោយ​ការ​រួមបញ្ចូល​គ្នា​រវាង អាតូម​កាបូន​២ អាតូម​អ៊ីដ្រូសែន៦ និង​អាតូម​អ៊ុកស៊ីសែន១។ អេតាណុល​គឺសារធាតុ​ដែលអាច​រលាយ​ក្នុងទឹក ​ជាហេតុ​ធ្វើ​ឲ្យ​វា​អាច​ជ្រាប​ចូល​ក្នុង​ចរន្ត​ឈាម និង​ធ្វើ​ការ​សាយភាយ​ទៅ​គ្រប់​ទី​កន្លែង​នៃ​សារពាង្គកាយ (សំខាន់​បំផុតគឺថ្លើម និង​ខួរក្បាល)។ វា​ក៏ជា​សារធាតុ​រលាយ​ក្នុង​ខ្លាញ់ផងដែរ  ដែលជាហេតុធ្វើ​ឲ្យ​វា​ជ្រាប​ចូល​ភ្នាសកោសិកាផ្សេងៗ និង​ទីកន្លែងដ៏ទៃទៀត​ដែលជា​ធម្មតា​មិនអាចជ្រាបទៅដល់។
បរិមាណ​អេតាណុលជាក់លាក់ណាមួយ​ដែល​អ្នក​បានបរិភោគ​ នឹងធ្វើដំណើរ​ឆ្លង​ទៅពោះវៀនតូច​របស់អ្នក បន្ទាប់​មកត្រូវ​បាន​ស្រូប​ចូលទៅ​ក្នុង​ចរន្តឈាម  រួច​បញ្ចូន​ទៅ​ខួរក្បាល។ យោងតាមការសិក្សាស្រាវជ្រាវ ​មិនទាន់​មានការ​សន្និដ្ឋាន​ជាក់លាក់​ណាដែលឆ្លើយ​នឹង​សំណួរថាតើ​អេតាណុល​ ជះឥទ្ធិពល​ដល់​ខួរក្បាល​ដោយ​របៀបណា​ឲ្យ​ប្រាកដនោះទេ។ ប៉ុន្តែ​មាន​ទ្រឹស្តី​មួយចំនួន​បាន​​ធ្វើការ​បកស្រាយ​ស្តី​ពី​បញ្ហានេះ។ កាយវិការ និងប្រតិកម្ម​យឺតៗ ការនិយាយ​ឡុលៗ និង​ការ​បាត់​បង់ការចងចាំ​នៅពេលដែលអ្នកស្រវឹងគឺអាច​បណ្តាល​មក​ពី​សារធាតុ​ អេតាណុលធ្វើការភ្ចាប់​ទៅនឹង​សរសៃ​ប្រសាទ​Glutamateដែលនៅក្នុង​ប្រព័ន្ធ​ ប្រសាទ​នៃ​ខួរក្បាល​របស់អ្នក។ សរសៃ​ប្រសាទ​ទាំងនេះ​ ដែលជាធម្មតា​ទទួល​សញ្ញា​គីមី(Chemical Signal)ពី​កន្លែង​ផ្សេងៗ​នៃ​ខួរ ​ក្បាល តែ​ផ្ទុយទៅវិញ​បែជា​​ទទួល​ម៉ូលេគុល​អេតាណុល ដែល​មូលហេតុនេះធ្វើឲ្យ​ដំណើរ​ការ​នៃការទទួលសញ្ញា​មាន​ការរំខាន ហើយជាលទ្ធផលនាំឲ្យ​ខួរក្បាល​ទាំងមូល​មាន​ដំណើរការ​យឺតយ៉ាវ។ អេតាណុលក៏ធ្វើការភ្ចាប់ខ្លួន​ជាមួយ​នឹង​សរសៃប្រសាទGABA( gamma-aminobutyric acid)ដែលជា​ធម្មតាវាមាន​មុខងារ​បន្ថយល្បឿន​សកម្មភាពខួរក្បាល។ ខុសគ្នា​នឹង​ Glutamate អេតាណុល​បានធ្វើ​ឲ្យ​សរសៃប្រសាទ​GABA ងាយ​រងឥទ្ធិពល ដែលជាហេតុនាំឲ្យ​សកម្មភាពខួរក្បាល​មាន​សកម្មភាព​កាន់តែ​យឺត ឬស្ពឹក។
ជាតិ​អាល់កុល​មិនមែនគ្រាន់​តែ​ជាភ្នាក់ងារ​ធ្វើឲ្យសកម្មភាព​ ខួរក្បាលរបស់អ្នកមាន​សកម្មភាពយឺតប៉ុណ្ណោះទេ  តែវាក៏ជា​ភ្នាក់​ងារ​ជួយ​ឲ្យ​សារធាតុ​ dopamine និង endorphins ផលិតឡើង ដែលទាំងពីរនេះគឺជាសារធាតុ​គីមី​ធ្វើឲ្យ​មនុស្ស​មាន​អារម្មណ៍​សប្បាយរីករាយ។

ប្រភព៖ How it works, Book of amazing answers to curious questions 2012 (ដោយ គំនិត)

Sunday, May 19, 2013

អាហារ​ជួយ​អោយ​សាច់ដុំ​រឹងមាំ​

វា​ជា​ការធម្មតា​នោះទេ ដែល​អ្នក​រាល់គ្នា​តែង​ចង់ អោយ​សាច់ដុំ​របស់​ពួកគេ​មាន​ភាពរឹងមាំ​បាន​យ៉ាង​លឿន ប៉ុន្តែ​វា​ក៏​មាន​សារសំខាន់​ផងដែរ ក្នុងការ​ដឹងថា តើ​អាហារ​ប្រភេទ​ណា ដែល​អ្នក​គួរ​ទទួល​ទាន ដើម្បី​អោយ​ពួកវា មាន​ភាពរឹងមាំ​បាន​។ ការ​ទទួលទាន​អាហារ​បាន​ត្រឹមត្រូវ និង ល្អឥតខ្ចោះ គឺ​ក៏មាន​អត្ថប្រយោជន៍​សំខាន់ ដូច​ជា​ការ ហាត់ប្រាណ​បាន​ត្រឹមត្រូវ​ផងដែរ​។ ដូច្នេះ វិធីសាស្ត្រ​ដ៏​សាមញ្ញ​ខាងក្រោម​នេះ គឺ​នឹង​អាច​ជួយ​អ្នក​អោយ​យល់​បាន​ពី ប្រភេទ​អាហា​រណា ដែល​អាច​ជួយ​អោយ​សាច់ដុំ​អ្នក រឹងមាំ​បាន​។​


១. បរិភោគ អាហារ​ដែល​មាន​បរិមាណ​កាឡូរី​ដ៏​ល្អ​
ប្រសិនបើ​អ្នក​ចង់​សាងសង់ សាច់ដុំ​របស់​អ្នក​អោយបាន​ល្អ ក្នុង​រយៈពេល​ដ៏​ខ្លី នោះ​វា​ជា​ការចាំបាច់​ដែល​អ្នក ត្រូវ​តែ​ប្រើប្រាស់​នូវ​ជាតិ​កាឡូរី អោយបាន​គ្រប់គ្រាន់​។ នៅពេលណា​ដែល​អ្នក​បាន ធ្វើ​ការងារ ឬ លំ​ហាត់ប្រាណ ក្នុង​កម្រិត​សកម្មភាព​ខ្លាំងក្លា​ណាមួយ នោះ​អ្នក​នឹង​ត្រូវការ​ថាមពល​បន្ថែម ដើម្បី​ជួសជុល​ដល់ ជាលិកា តាម​ដែល​វា ត្រូវបាន​បំផ្លាញ​យ៉ាងធ្ងន់ធ្ងរ ក្នុងអំឡុងពេល​នៃ​ការធ្វើ​លំ​ហាត់ប្រាណ​នេះ​។  វា​គ្មាន​ជម្រើស​អ្វី​ផ្សេង​សម្រាប់​អ្នក ក្រៅ ពី ត្រូវ​ធ្វើការ​ទទួលទាន​ជាតិ​កាឡូរី​អោយបាន​គ្រប់គ្រាន់ ដើម្បី​ពង្រឹង​សាច់ដុំ​អ្នកនេះ​ទេ​។​
វា​ក៏​មាន​សារៈសំខាន់​ផងដែរ ក្នុងការ​ដឹងថា ការទទួល​អោយបាន​ច្រើន​តាម​ដែល​អ្នក​អាចធ្វើ​បាន​នោះ គឺ​មិន បាន​ផ្តល់​ផល​ល្អ ដល់​ការសាងសង់​សាច់ដុំ​របស់​អ្នក​នោះ​ទេ​។ ពីព្រោះ​អាហារ​នី​មួយៗ គឺ​នឹង​ផ្តល់​អោយ​អ្នក នូវ បរិមាណ​កាឡូរី​ផ្សេងៗ​គ្នា​។
ឧទាហរណ៍ ប្រសិនបើ​អ្នក​ចង់​បាន​កម្រិត​កា​ឡូរី ១៨០០ ក្នុង​មួយ​ថ្ងៃ ដើម្បី​ធ្វើ​ការពង្រឹង​សាច់ដុំ​អ្នក ហើយ​អ្នក បាន​ញុំ​ា នំ​ដំឡូងបារាំង អស់​៥​កញ្ចប់​ជា​រៀងរាល់ថ្ងៃ នោះ​តើ​អ្នក​នឹង​បាន​ទទួល​លទ្ធផល​បែបណា​? តើ​វា​អាចទៅរួច ទេ ដែល​អ្នក​អាច​នឹង​កើន​ទំងន់​? ចំលើយ​នោះ​គឺ​ថា​ទេ អ្នក​នឹង​មិន​អាច​ឡើង​ទំងន់​បាន ដោយសារ​ការ​ទទួលទាន បែបនេះ​ទេ​។ មូលហេតុ​ដ៏​សាមញ្ញ​នោះ​គឺ ដំឡូងបារាំង​គឺជា​អាហារ សម្រន់​ដែល​មិន​មាន​សារជាតិ​បំប៉ន​កាឡូរី​នោះ ទេ​។ ដូច្នេះ អ្នក​ត្រូវ​ទទួល​ទាន​អាហារ ដែល​អាច​ពង្រឹង​សាច់ដុំ​អ្នក​បាន  និង ផ្តល់​អោយ​អ្នក​ទាំង​កា​ឡូរី និង សារជាតិ​បំប៉ន ។​
២. បរិភោគ​អាហារ ដែល​មាន​ជាតិ​ប្រូតេអ៊ីន​អោយបាន​គ្រប់គ្រាន់​
ដើម្បី​ពង្រឹង​សាច់ដុំ​ថ្មី របស់​អ្នក​បាន ខ្លួនប្រាណ​របស់​អ្នកត្រូវការ បរិមាណ​ប្រូតេអ៊ីន ក្នុង​កម្រិត​ដ៏​ប្រសើរ​មួយ​។ ជាតិ​ប្រូតេអ៊ីន គឺ​មាន​សម្ថ​ភាព​ក្នុង​ការផ្តល់​អោយ​អ្នក​នូវ សារជាតិ​អាមីណូអាស៊ីត សម្រាប់​ការសាងសង់ និង ជួសជុល​សាច់ដុំ​បាន​ឆាប់​ហ័ស​ឡើងវិញ​។ អ្នក​ត្រូវ​មានការ​ប្រុងប្រយ័ត្ន​ចំពោះ ច​ណុ​ច​កណ្តាល​នៃ​អាហារ​របស់​អ្នក ដែល​នឹង​មាន​គុណភាព​ប្រូតេអ៊ីន​ខ្ពស់​។  ការសិក្សា​ផ្សេងៗ​គ្នា​ជា​ច្រើន បានបង្ហាញ​ថា នៅពេល​ដែល​អ្នក​បាន​ធ្វើ លំ​ហាត់ប្រាណ ក្នុង​កម្រិត​សកម្មភាព​ខ្លាំងក្លា នោះ​រាងកាយ​របស់​អ្នក នឹង​ត្រូវការ​សារជាតិ​អាមីណូអាស៊ីត​។ សារជាតិ​នេះ អាច​ផ្តល់អោយ​អ្នក នូវ​ការគាំទ្រ​ចំពោះ​ការជួសជុល និង ការរីកលូតលាស់​របស់​សាច់ដុំ​។ វា​ជា​ការពិត​ដែលថា ការ​រួមផ្សំ​គ្នា​រវាង របប​អាហារ​ដែល​មាន​ជាតិ​ប្រូតេអ៊ីន​ខ្ពស់ និង ការហ្វឹកហាត់​ដ៏​ខ្លាំងក្លា អាច ធ្វើអោយ​អ្នក​មាន​សាច់ដុំ​រឹងមាំ​។ ជាតិ​ប្រូតេអ៊ីន គឺជា​អាហារ​ដ៏​ប្រសើរ​បំផុត ក្នុង​ការពង្រឹង​សាច់ដុំ​អ្នក បាន ក្នុង រយៈ ពេល ដ៏​ខ្លី​។​

៣. បរិភោគ​អាហារ​ដែល​មាន​ជាតិ​ខ្លាញ់​
ការពង្រឹង​សារជាតិ​អរ​ម៉ូ​ន គឺ​បាន​ដើរតួនាទី​យ៉ាង​សំខាន់​ចំពោះ ការរីកលូតលាស់ និង ផ្តល់​ថាមពល​ដល់​សាច់ ដុំ​។ អាហារ​ដែល​មាន​ជាតិ​ខ្លាញ់ គឺ​មាន​នាទី​ដ៏​ចំបង​ក្នុង ដំណើរការ​ផលិតផល​របស់​អរ​ម៉ូ​ន​។ មាន​ការយល់ច្រលំ​ថា ការ​ទទួលទាន​ខ្លាញ់​ច្រើន គឺ​ធ្វើអោយ​អ្នក​ធាត់​។ តែ​អ្នក​ត្រូវ​ធ្វើ​តាម​នូវ​ការណែនាំ​របស់ អ្នកជំនាញ​ផ្នែក​អាហារ ដែល​បាន​និយាយថា អ្នក​ត្រូវ​ទទួល​ទាន​អាហារ ដែល​មាន​ជាតិ​ខ្លាញ់​អោយបាន​ច្រើន​។ របប​អាហារ​ទាំងនោះ​មាន ដូចជា​៖ បឺរ និង ក្រែម​។ អត្ថប្រយោជន៍​ជា​ចំបង នៃ​អាហារ​ដែល​មាន​ជាតិ​ខ្លាញ់​នោះ​គឺថា ពួកវា​អាច​បង្កើន​បរិមាណ នៃ​កម្រិត អរ​ម៉ូ​ន​តេស្តូ​ស្តេ​រ៉ូន​។ ដូច្នេះ​អាហារ​ប្រភេទ​នេះ បាន​ដើរតួនាទី​យ៉ាង​សំខាន់​ក្នុងការ ពង្រឹង​ថាមពល​សាច់ដុំ ហើយ​វា​ជា​ប្រភេទ​អាហារ​មួយ​ដ៏​សំខាន់ ក្នុង​ការសាងសង់​សាច់​ដុំ​បាន​ផង​ដែរ​។​
វា​ជា​ការ​ប្រសើរ​សម្រាប់​អ្នក ក្នុងការ​ទទួលទាន​នូវ ផ្លែ​ចេក​, ទឹក​យ៉ា​អួ​,​ត្រី , ស៊ុត​, ហ្វ្រូ​ម៉ាស​,​សណ្តែកដី ដែលមាន បឺរ នៅពេល​ដែល​អ្នកធ្វើការ​ហ្វឹកហាត់​លើក​ដុំ​ទំងន់​ធ្ងន់ៗ តាម​ដែល​អាហារ​ប្រភេទ​នេះ អាច​ធ្វើអោយ​សាច់ដុំ​អ្នក មាន​ភាពរឹងមាំ​បាន​ឆាប់រហ័ស ហើយ​វា​ក៏​មាន​ផ្ទុក​ធាតុ​ផ្សំ​សំខាន់​ផ្សេងៗ​ទៀត ក្នុង​ការសាងសង់​សាច់​ដុំ​អ្នក​បាន​ផង ដែរ​៕

Saturday, May 18, 2013

ស្រោមអនាម័យ បុរស

យោងតាម តួលេខផ្លូវ ការ​ របស់​អង្គការ​អន្ដរជាតិ ​បម្រើ​សុខភាព ​ប្រជាពលរដ្ឋ​កម្ពុជា បានបង្ហាញថា ក្នុងមួយឆ្នាំ ប្រជាជននៅកម្ពុជា​ បាន​ស្រោម​អនាម័យ​បុរស​ ប្រមាណ​ជា២១លាន ។


 តាមពិត​ទៅ វប្បធម៌​ប្រើប្រាស់ ​ស្រោម​អនាម័យ​មានរាប់​ សតវត្សរ៍មក​ហើយ ដើម ឡើយ​វាគ្រាន់តែ​ជាស្រោម​អនាម័យ​ដែលផលិត​ឡើង​ពីពោះវៀន​ ចៀម ហើយ​ត្រូវបាន​​ គេប្រើ​ដើម្បី​ការពារការ​ឆ្លងជម្ងឺ​ កាមរោគ តែប៉ុណ្ណោះ។ បច្ចុប្បន្ន ការ​ផលិត​ស្រោម​អនាម័យ​បានឈាន​មកដល់​កម្រិត ​មួយដែល​គ្មាន​ព្រំដែន ផលិត​ឡើង​មិនត្រឹមតែ​ដើម្បី ការពារ​ការឆ្លង​ជម្ងឺ​ កាមរោគ ជម្ងឺ​អេសដ៍ និង​បង្ការការ​មានផ្ទៃ​ពោះ​ប៉ុណ្ណោះទេ ថែមទាំង​ មានឥទ្ធិពល​ជំនួយ​ដល់ការ​រួមភេទ​ទៀត ផង។
ដើម្បី​រួមចំណែក​ទប់ស្ដាត់​ការរាលដាល​ជម្ងឺអេដស៍​នៅកម្ពុជា ទស្សនាវដ្ដី សុខភាពយើង បាន ​ជួប​សម្ភាសន៍​ជាមួយ លោកវេជ្ជ​បណ្ឌិត ណុប សុធារ៉ា ជាប្រធាន​ផ្នែក​ទំនាក់​ទំនង​សាធារណៈ នៃ​អង្គការ​អន្ដរជាតិ​បម្រើ​សុខភាព​ប្រជាពលរដ្ឋ ភីអេស អាយ។

ស្រោមអនាម័យ ជាអ្វី?

ស្រោម​អនាម័យ ​ជា​កៅស៊ូយឺត​​ មានជាតិ​ឡាតិច ផលិត​ឡើង​ដោយ ​ក្រុមហ៊ុន​ ជាច្រើន​នៅលើ​ពិភពលោក។
 ស្រោម អនាម័យ​មានច្រើន​ប្រភេទ ច្រើន​យីហោ ច្រើន​សណ្ឋាន មាន​ប្រយោជន៍ និង​តម្លៃ​ផ្សេងៗគ្នា ដូចជា​ស្រោម​អនាម័យ​គ្រើម ស្រោម អនាម័យ​ជាតិស្បែក​តិច​ជាដើម។ ស្រោម​អនាម័យ​ប្រើប្រាស់​ដើម្បី​បង្ការ​ការមាន​ផ្ទៃពោះ ការ​ឆ្លងមេ​រោគអេដស៍ ឬ​មេរោគឆ្លង តាមរយៈ​ការរួមភេទ។ ស្រោម​អនាម័យ​មានប្រសិទ្ធភាព​អាចបង្ការ​បានខ្ពស់ ប្រសិន​បើប្រើ​ប្រាស់​បាន​ត្រឹមត្រូវ។ ស្រោម​អនាម័យ​ដែលមាន​ស្ដង់ដា​សម្រាប់​ប្រជាពលរដ្ឋ​កម្ពុជា គឺមុខ​កាត់៤៩បូក ឬ​ដក២​មីលីម៉ែត្រ និង​ឆ្លងកាត់​ការ​ធ្វើតេស្ដសាក​ល្បងពី លក្ខណៈ​ស្ដង់ដា​នោះ។
អត្ថប្រយោជន៍​របស់ស្រោម​អនាម័យ

តាមការ​សិក្សា​ស្ដីពី​ការប្រព្រឹត្ដ​ផ្លូវភេទ ស្រោម​អនាម័យ​អាចជួយ​បានច្រើន​យ៉ាង ដូចជា​ជួយការពារ​មិនឱ្យ​មាន​ផ្ទៃពោះ​រហូតដល់​ទៅ៨៩% ជួយ​ការពារ​មិនឱ្យ​ឆ្លងជម្ងឺ​កាមរោគ​បានរហូត​ដល់៩១%​ជាដើម។ មាន​ប្រជាពលរដ្ឋ​ប្រមាណជា​៩០% ដែល​បានដឹង​អំពីចំណេះ​ដឹង​ទាក់ទង​ទៅនឹង​ជម្ងឺ​អេដស៍។ បច្ចុប្បន្ន​នេះ សម្រាប់​អ្នកដែល​ស្វែងរក​ការសប្បាយ​នៅតាមផ្ទះ​បន ការ ប្រើប្រាស់​ស្រោម​អនាម័យ​មានសារៈ​សំខាន់​ការពារ​ខ្លួនកុំ​ឱ្យឆ្លង​ជម្ងឺកាម​ រោគ ពិសេស​គឺជម្ងឺ​អេដស៍​តែម្ដង។

បច្ចុប្បន្ន ការ​ប្រើប្រាស់​ស្រោម​អនាម័យ​មានការ​ទទួល​ស្គាល់​ច្រើន បើប្រៀប​ធៀប​នឹងប៉ុន្មាន​ឆ្នាំចុង​ក្រោយ​នេះ។ ទោះ បីជា​មានការ​យល់ឃើញ​ខ្លះថា​ស្រោម​អនាម័យ​មានការប៉ះ​ពាល់​ដល់​អារម្មណ៍​ ផ្លូវភេទ ឬ​សុខភាព​ផ្លូវភេទ តែមិន​ទាន់មាន​ការអះ អាង​ណាមួយ​អំពីកម្រិត​ប៉ះពាល់​យ៉ាង​ណាទេ។ ស្រោម​អនាម័យ​ធានា​សុវត្ថិភាព​ផ្ទាល់ខ្លួន​របស់​អ្នកប្រើ​នៅពេល​រួមភេទ។ ស្ដ្រីរក ស៊ីផ្លូវភេទ​ខ្លះបាន​ត្អូញត្អែរ​ថាការ​ប្រើប្រាស់​ស្រោម​អនាម័យ​បណ្ដាល​ ឱ្យពួកគាត់​មានអាការ​រមាស់។ មូលហេតុ គឺមក​ពីពួក​គាត់ ស្ងួតទឹក​រំអិល​ដោយ​សារការ​រួមភេទ​ច្រើនដង​ក្នុងមួយ​ថ្ងៃ តែសូម​ជ្រើសរើស​ស្រោម​ប្រភេទថ្មីៗ ដែល​មានបន្ថែម​ទឹករំអិល​ដែល អាចជួយ​បានមួយ​កម្រិត។

កម្រិតនៃ​ការប្រើស្រោម​អនាម័យ

មិនទាន់​មានចម្លើយ​សមស្រប​ដែលថា​តើហេតុអ្វី​បានជា​ពួកគាត់​ចូលចិត្ដ ឬ​មិនចូលចិត្ដ​ប្រើស្រោម​អនាម័យ​ទេ។ វាជា ការ​ទទួលខុស​ត្រូវ​មួយ​របស់​អ្នកដែល​ប្រព្រឹត្ដិ​ស្នេហា​ជាមួយ​ដៃគូច្រើន មាន​ជម្រើស​ពីរ គឺ​ប្រើ​ស្រោម​អនាម័យ​ពេលរួមភេទ ឬ ព្រម​ទទួល​យក​គ្រោះថ្នាក់​ឆ្លងជម្ងឺ​កាមរោគ ឬ​ជម្ងឺ​អេដស៍។ ទោះបី​ជាមាន​បុរសជា​ច្រើន​ទទួល​ស្គាល់​ថាអត្ថ​ប្រយោជន៍​របស់ ស្រោម​អនាម័យ​ក៏ដោយ តែ​ស្រោម​អនាម័យ​នៅតែ​ជាការ​ទើសទាល់។ ការ​ប្រើប្រាស់​ស្រោម​អនាម័យ​នឹងមាន​ការគាំទ្រ​ពី សំណាក់​អ្នកប្រើ​ប្រាស់ និង​សង្គម។ តាមការ​អង្កេត​ស្រាវជ្រាវ​ដែលធ្វើ​ឡើងដោយ​មជ្ឈមណ្ឌល​ជាតិ​ប្រយុទ្ធ​នឹង​ ជម្ងឺអេដស៍ និង​អង្គ ការ​ក្រៅ​រដ្ឋាភិបាល​ដទៃទៀត បាន​បញ្ជាក់​ពីការ​ប្រើប្រាស់​ស្រោម​អនាម័យ​ថានៅមាន​កម្រិត​ទាប​ក្នុងចំណោម​ ដៃគូ​ស្នេហា​ដែល មានការ​ជឿជាក់​លើគ្នា ដែលឆ្លុះ​បញ្ចាំង​ពីភាព​ប្រឈមមុខ​នឹងគ្រោះ​ថ្នាក់​នៅឡើយ។

របៀបប្រើស្រោមអនាម័យ

ទោះបីជា​មានការ​អប់រំ និង​ផ្សព្វផ្សាយ​ជាច្រើន​អំពី​ចំណេះដឹង​នៃការ​ប្រើប្រាស់​ស្រោម​អនាម័យ ក៏ការ​ប្រើប្រាស់​មិន ទាន់​បានត្រឹមត្រូវ​១០០%​ដែរ។ ការប្រើ​ប្រាស់​ដែល​ត្រឹមត្រូវ គឺត្រូវ​ពិនិត្យ​មើល​លក្ខណៈ​របស់​ស្រោម ចៀស​វាង​ប្រើស្រោមខូច ទ្រង់ទ្រាយ ហួស​កាល​បរិច្ឆេទ ឬ​ផុតកំណត់​នៃការ​ប្រើប្រាស់។ បើពិនិត្យ​ឃើញ​មានជាតិ​ប្រេង ឬ​ទឹករំអិល​ជាប់លើ​កញ្ចប់ បញ្ជាក់ ថាស្រោម​អាចមាន​បញ្ហា មិនគួរ​ជ្រើស​ប្រើទេ គួរប្ដូរ​ស្រោម​អនាម័យថ្មី​ដែលមិន​ខូចគុណ​ភាព។ វិធី​ប្រើប្រាស់​ស្រោម​អនាម័យ​ឱ្យ បាន​ត្រឹមត្រូវ​ជាកត្ដា​សំខាន់។​ សូមចាប់​ផ្ដើមដោយ​ហែក​កញ្ចប់​ស្រោម​ដោយ​ ប្រុងប្រយ័ត្ន ការពារ​ការដាច់​ដោច ឬ​ខូចទ្រង់ទ្រាយ​ស្រោម រួចពាក់​នៅ លើលិង្គ​ដែល​កំពុងរឹង​ខ្លាំង ពិសេស​ពេលរៀប​នឹងស៊ក​បញ្ចូល មិន​មែនពាក់​ហើយ​នៅប្រលែង​គ្នាលេងទេ ព្រោះ​វាអាចហួត​ទឹក រំអិល​ដែលជាប់នៅ​លើស្រោម​អនាម័យ។ ម្យ៉ាងទៀត ការ​ដែលពាក់​ហើយ​ទុកយូរ វាអាច​នាំឱ្យ​លិង្គស្រក ឬ​លែងរឹង​ដែលអាច បណ្ដាល​ឱ្យខ្យល់​ចូលក្នុង​ស្រោម​អនាម័យ​ដែលអាច​បែក រហែក ឬ​របូត​ពីលិង្គ។ សូមពាក់​ដោយ​យកដៃ​ម្ខាងកាន់​ចុងថ្នក់​ស្រោម អនាម័យ ហើយ​ដៃម្ខាង​ទៀត​ពន្លាត់វា​តាំង​ពីចុង​រហូតដល់​គល់លិង្គ ដោយ​ទុកតែថ្នក់​ខាងចុង​នៃស្រោម​អនាម័យ​បន្ដិចបាន​ហើយ។ នៅលើ​ស្រោម​អនាម័យ​តែងតែ​មានជាតិ​ទឹករំអិល​ដែលអាច​ជួយ​សម្រួល​ដល់ការ​ ស៊កបញ្ចូល និង​ការរួមភេទ។ បន្ទាប់​ពីចេញ​ទឹក កាម​ហើយ ឬក៏​លិង្គចាប់​ផ្ដើមស្រក ត្រូវ​ប្រញាប់​ដកលិង្គ​ចេញ ដោយ​យកដៃ​ម្ខាងកាន់​គល់​ស្រោម​អនាម័យ​ដោយ​ប្រុង​ប្រយ័ត្ន ចៀស​វាងការ​ហៀរ​កំពប់​ចេញ​ទឹកកាម​តាមស្រោម​អនាម័យ ឬ​របូត​ស្រោម​អនាម័យ។ ត្រូវ​ចោល​ស្រោម​អនាម័យ​ឱ្យមាន​របៀប ចៀស​វាងការ​ចោលពាស​វាលពាស​កាល ព្រោះ​នាំឱ្យ​ខូច​បរិស្ថាន។ ដូច្នេះ​គួរជ្រើសរើស​ការប្រើប្រាស់​ស្រោម​ អនាម័យ​នៅពេល​ដែល​លោកអ្នក​មានដៃ​គូរួមភេទ​ច្រើន ឬ​នៅពេល​មានការ រួមភេទ​ជាមួយ​នឹងស្ដ្រី​ដែល​រកស៊ី​ផ្លូវភេទ ដើម្បី​សុវត្ថិភាព​របស់​លោកអ្នក និង​ដៃគូស្នេហា​របស់​លោកអ្នក។ បុរស​ដែល​ចូលចិត្ដ ស្វែង​រកសេវា​ផ្លូវភេទ គួរមាន​ស្រោម​អនាម័យ​ជាប់នឹង​ខ្លួន និង​ប្រើប្រាស់​ស្រោម​អនាម័យ​ជាប់ជានិច្ច ព្រោះ​ពួកគាត់​ងាយ​ប្រឈម មុខនឹង​គ្រោះថ្នាក់​ខ្លាំងណាស់។ ស្រោម​អនាម័យ​អាចនឹង​មិនចាំបាច់​ប្រើនៅ​ពេលដែល​លោកអ្នក​សម្រេចចិត្ដ​ តមរួមភេទ ឬ​មានដៃ គូស្នេហា​ត្រឹមតែ​មួយ ដែលបាន​ធ្វើតេស្ដ​ឈាមរួច ថាគ្មាន​មេរោគ​អេដស៍។

Friday, May 17, 2013

តើ​គួរ​ហូប​អាហារ​ប្រភេទ​ណា​ផ្តល់​ប្រយោជន៍​ដល់​សុខភាព​ភ្នែក?

ភ្នែក​គឺជា​សរីរាង្គ​មួយ​ដ៏​សំខាន់​បំផុត សម្រាប់​ការ​សម្លឹង​មើល​នូវ​ទេសភាព​អ្វីៗ​គ្រប់​ទី​កន្លែង​និង​សម្រាប់​ប្រើ ​ប្រាស់​ក្នុង​ជីវិត​ដ៏​មាន​ន័យ ខណៈ​ពេល​វា​មាន​សុខភាព​ល្អ​ដោយ​សារ​ការ​ទទួល​ទាន​ចំណី​អាហារ​មាន​ជាតិ​ វីតាមីន​នោះ។ តើ​ជា​ធម្មតា​លោក​អ្នក​គួរ​ធ្វើ​ការ​ថែទាំ​យ៉ាង​ណា​ចំពោះ​សុខភាព​ភ្នែក​របស់ ​លោក​អ្នក​។

ការ​ហូប​ចុក​ជា​រឿង​សំខាន់​នៅ​ក្នុង​ការ​ជួប​ដល់​សុខភាព​ភ្នែក ដូច្នេះ​អាហារ​ទាំង​នេះ​ដែល​អាច​ដល់​ភ្នែក​អ្នក​បាន​មាន​ដូច​ជា​ប្រភេទ​ផ្លែ ​ឈើ បន្លែ​ជីរ គ្រឿង​ទេស និង​ត្រី​ជាដើម​ដែល​សុទ្ធ​តែ​បាន​ផ្តល់​នូវ ជាតិ​វីតាមីន​ច្រើន​យ៉ាង ផ្តល់​ជាតិ​ការ៉ូតេណូអ៊ីត ជាតិ​រ៉ែ និង​ជាតិ​អាស៊ីត​ខ្លាញ់​មួយ​ចំនួន​មាន​ប្រយោជន៍​សម្រាប់​ភ្នែក។
អាហារ​មាន​ជាតិ​សាច់​និង​ជាតិ​ស្ករ​ខ្ពស់​នោះ​មិន​មាន​ប្រយោជន៍​សម្រាប់​ សុខភាព​ភ្នែក​របស់​អ្នក​ឡើយ។ ប៉ុន្តែ​ផ្ទុយ​ទៅ​វិញ វា​បែរ​ជា​អាច​បង្ក​ឲ្យ​មាន​ការ​ប្រឈម​មុខ​ចំពោះ​ជំងឺ​ភ្នែក​មួយ​ចំនួន​ទៅ​ វិញ​ដូច​ជា​ជំងឺ​សរសៃ​ឈាម​ភ្នែក​ជា​ដើម។ ពេល​ណា​មាន​ជាតិ​ស្ករ​ខ្ពស់​នៅ​ក្នុង​សរសៃ​ឈាម​នោះ​វា​នឹង​បង្ក​ឲ្យ​មាន​ ជំងឺ​ទឹក​នោម​ផ្អែម​ដែល​ពាក់​ព័ន្ធ​នឹង​ជំងឺ​ភ្នែក​នានា​ទៀត​និង​អាច​វិវត្ត ​ទៅ​រក​ជំងឺ​ភ្នែក​ឡើង​បាយ។
ទាំង​នេះ​គឺជា​អាហារ​ដែល​មាន​សារៈ​សំខាន់​សម្រាប់​សុខភាព​ភ្នែក​ដូច​ជា​ បន្លែ​បៃតង​រួម​មាន​ដូច​ជា​បន្លែ​ប្រូកូលី សណ្តែក​បារាំង ខាត់​ណា​ពណ៌​បៃតង សណ្តែក​ខៀវ ស្ពៃ​ក្តោប​បៃតង។ ចំណែក​បន្លែ​ជា​អាហារ​ផ្សេង​ទៀត​មាន​ការ៉ុត បន្លែ​ស៊ីលេរី ពោត​ខ្ចី សាឡាដ ដំឡូង​ជ្វា ប៉េងប៉ោះ បន្លែ​អាព្រីកូ​ក្រៀម ផ្លែ​បើរី​ពណ៌​ខៀវ ត្រសក់​ផ្អែម ក្រូច​ឆ្មារ ជីរ​ទឹក​អប់ ត្រី​សាល​ម៉ុន ត្រី​ធូណា ត្រី​សាឌីន​ជា​ដើម។
ផ្លែ​ឈើ​បន្លែ​និង​សាច់​ត្រី​ទាំង​ឡាយ​ដែល​បាន​រៀប​រាប់​ខាង​លើ​នេះ​គឺ​ សុទ្ធ​តែ​មាន​សារៈ​សំខាន់​សម្រាប់​សុខភាព​ភ្នែក​របស់​មនុស្ស​ហើយ​វា​មាន​ លក្ខណៈ​ងាយ​រក​ផង​ដែរ៕

(ប្រភព៖ខ្មែរប៉ុស្តិ៏)

Wednesday, May 15, 2013

វ៉ាក់សាំង​ផ្តាសាយ​មាន​ប្រសិទ្ធភាព​ដូចម្តេច​?

​រហូតមកទល់​សព្វថ្ងៃ ពុំទាន់​មាន​ថ្នាំ​ព្យាបាល​ពិសេស​សម្រាប់​ផ្តាសាយ ហេតុនេះ​វិធានការ​តែ​១​គត់​សម្រាប់​ជំងឺ​នេះ​គឺ​ចាក់​វ៉ាក់សាំង​បង្ការ ។​

​ផ្តាសាយ​និយាយ​រួមនិង​ផ្តាសាយ​បក្ស​និយាយ​ដោយឡែក​តែង​ប្រែប្រួល​ស្មុគស្មាញ​បង្កប់​នូវ​ គ្រោះថ្នាក់​ឆ្លង​រាលដាល​ជាមួយនឹង​អត្រា​បាត់បង់​ជីវិត​ខ្ពស់ (​ផ្តាសាយ A/H1N1, A/H5N1 , A/H7N9...) ។ វ៉ាក់សាំង​ផ្តាសាយ​មាន​ប្រសិទ្ធភាព​បង្ការ​ល្អ​ចំពោះ​បណ្តា​មុខសញ្ញា​រំញោច ជួយ​ឆ្លង​ផុត​ពេលវេលា​គ្រោះថ្នាក​បំផុត គំរាមកំហែង​ការផ្ទុះ​ជំងឺ​ផ្តាសាយ ។​
-​ប្រសិទ្ធភាព​របស់​វ៉ាក់សាំង​បង្ការ​ផ្តាសាយ
​វ៉ាក់សាំង​ផ្តាសាយ​ត្រូវបាន​ផ្សំ​ពី​ វីរុស​ផ្តាសាយ ។ វា​ជា​ពពួក​វីរុស​បាន​គ្មាន​សកម្មភាព ឬ​ពពួក​វីរុស​បាន​ត្រូវធ្វើ​ឲ្យ​ថមថយ​លទ្ធភាព​បង្ក​ជំងឺ តែ​នៅ​ដូចដើម ។ ពេល​ចាក់​វីរុស​ក្នុង​វ៉ាក់សាំង​នេះ​ចូល​លក្ខណៈ​បង្កើត​អង្គ​បដិបក្ខ​ សរីរាង្គ វា​មិន​បង្ក​ជា​ជំងឺ​ផ្តាសាយ តែ​បែរជា​អាច​រំញោច​សរីរាង្គ​ផលិត​អង់ទីគ័រ​ដ៏​ខ្លាំង និង​ច្រើន​ដើម្បី​ប្រឆាំង​ទប់ទល់​ពេល​មាន​វីរុស​ពិត​ពី​ក្រៅ​ទន្ទ្រាន​ចូល ។​

​ធម្មតា​គេ​ជ្រើស​យក​វីរុស​ផ្តាសាយ​បក្សី B និង​វីរុស​បក្សី A ២​ប្រភេទ​ដើម្បី​ផលិត​វ៉ាក់សាំង​ផ្តាសាយ ។ បរិស្ថាន​ដើម្បី​ចិញ្ចឹម​ផ្សាំ​គឺ​ស៊ុតមាន់​ត្រូវបាន​បង្ក​កំណើត ។​
​វ៉ាក់សាំង​មាន​២​ប្រភេទ គឺ​សណ្ឋាន​ចាក់ និង​សណ្ឋាន​បាញ់​ច្រមុះ ។ សណ្ឋាន​ចាក់​ជា​វ៉ាក់សាំង​ផ្ទុក​វីរុស​ត្រូវ​សម្លាប់ រីឯ​សណ្ឋាន​បាញ់​ច្រមុះ​ជា​វ៉ាក់សាំង​ផ្ទុក​វីរុស​ផ្តាសាយរ​ស់ត្រូវ​បន្ថយ​ កម្លាំង​ពុល ។​
-​ថាមពល​មិន​រៀងរហូត​
​ទោះបីជា​ផលិត​វ៉ាក់សាំង​ក្រោម​សណ្ឋាន​នា វីរុស​រស់​បន្ថយ​កម្លាំង​ពុល ឬ​ជា​វីរុស​បាន​ត្រូវ​ងាប់ នោះ​វា​សុទ្ធ​តែមាន​រួម​លក្ខណៈពិសេស​១​គឺ​រំញោច​សរីរាង្គ​បង្កើត​ស្រទាប់​ អង់ទីគ័រ​មានតម្លៃ​១​ប្រឆាំង​ទប់ទល់​ផ្តាសាយ ។​
​ថាមពល​បង្ការ​របស់​វា​មិន​វែង និង​មិនមាន​លក្ខណៈ​យូរអង្វែង ។ ដោយសារ​វ៉ាក់សាំង​អាច​ផ្ទុក​តែ​១​ឬ​២​ប្រភេទ​អង់​ទី​ហ្សែ​ន​ពិសេស​សម្រាប់​ វីរុស ១​ឬ​២​ប្រភេទ ហេតុនេះ​វា​ពុំមាន​ប្រសិទ្ធភាព​បង្ការ​ចំពោះ​អម្បូរ​ផ្សេងៗ​គ្នា​ទាំងអស់ ។ ហើយ​វីរុស​ផ្តាសាយ​នោះ​មាន​ច្រើន​អនេក ត្រូវបាន​បង្កាត់​ពី​១៨​អម្បូរ H(H1-H17) និង ៩​អម្បូរ (N1-N9) ។ ដោយ​ត្រូវការ​តែ H មួយ​គួបផ្សំ​ជាមួយ N មួយ​នោះ​នឹង​បង្កើតជា​វីរុស​ថ្មី ។ ឧទាហរណ៍ H1 គួបផ្សំ​ជាមួយ N1 ជា​វ៉ាក់សាំង​ផ្តាសាយ​ជ្រូក ។ ប៉ុន្តែ H3 គួបផ្សំ​ជាមួយ N2 នោះ​បែក​បង្កើត​វីរុស​ផ្តាសាយ H3N2 ជា​វីរុស​ផ្តាសាយ​មាន់ ។ វ៉ាក់សាំង​បង្ការ​ជំងឺ​របស់ H1N1 មិន​អាចមាន​ប្រសិទ្ធភាព​បង្ការ​ជំងឺ​សម្រាប់ H3N2 ។​
​លក្ខណៈ​បម្រែបម្រួល និង​ផ្លាស់ប្តូរ​រចនាសម្ព័ន្ធ​អង់​ទី​ហ្សែ​ន​របស់​វីរុស​គឺ​ឥតឈប់ឈរ និង​ទៅតាម​ខួប​ឆ្នាំ ។ អាស្រ័យហេតុនេះ ថ្ងៃនេះ​វ៉ាក់សាំង​នេះ​មាន​ប្រសិទ្ធភាព​បង្ការ​ជំងឺ តែ​ឆ្នាំក្រោយ​វា​បែរជា​គ្មាន​ប្រសិទ្ធភាព ។​
​សូម្បីតែ​ចំពោះ​វ៉ាក់សាំង​១​ប្រភេទ ប្រសិទ្ធភាព​បង្ការ​ជំងឺ​របស់​វា​ក៏​ខ្លី​ដែរ អូសបន្លាយ​តែ​ពី​៦​ខែ​ដល់​៤​ឆ្នាំ ទោះបី​អ្នក​បាន​ចាក់​ច្រើន​ម្ជុល​ឬ​បាញ់​ច្រើនដង ។​
​អ្នកនឹង​បារម្ភ​ថា ចាក់​វ៉ាក់សាំង​ផ្តាសាយ​ចូលខ្លួន​នោះ​ខ្លាច​តែ​កើត​ផ្តាសាយ​ទៅវិញ​ទេ ។ តែ​ការពិត​រឿងនេះ​ហាក់ដូច​មិនដែល​កើតឡើង ។ ព្រោះ​ចំពោះ​វ៉ាក់សាំង​ចាក់ វីរុស​បាន​ត្រូវកំទេច​ទាំងស្រុង ពោល​គឺថា ពុំមាន​លទ្ធភាព​លុកលុយ​ចូល​កោសិកា​ទៀត វា​បាត់បង់​លក្ខណៈ​ចម្លង​មេរោគ​បង្ក​ជំងឺ ។ ចំពោះ​ប្រភេទ​បាញ់​ច្រមុះ វីរុសរ​ស់បាន​ត្រូវ​បន្ថយ​កំរិត​ពុល​យ៉ាងច្រើន ។ ទន្ទឹម​នោះ ដោយសារ​បរិមាណ​នាំចូល​តាមផ្លូវ​បាញ់​ច្រើនតែ​មិនធំ ហេតុនេះ​អ្នក​អាច​ស្ងប់ចិត្ត​ទាំងស្រុង គឺ​មិនអាច​កើត​ផ្តាសាយ​បាន ។​
-​យកចិត្តទុកដាក់​ពេល​ប្រើប្រាស់​
​ប្រសិទ្ធភាព​បន្ទាប់បន្សំ​១​តែង​ជួបប្រទះ ​នោះ​គឺ​អ្នក​ត្រូវ​គ្រុនក្តៅ​ដូចជា​ផ្តាសាយ​ពិត សីតុណ្ហភាព​ឡើង​ខ្ពស់ ឈឺ​រួយ​សាច់ដុំ សន្លាក់ និង​ធុញ​មិន​ចង់​ទទួលទាន​របស់​អ្វី​សោះ ។ នោះ​គឺ​ដោយសារ​ប្រតិកម្ម​អង់​ទី​ហ្សែ​ន​អង់ទីគ័រ​បង្កើតឡើង​ដើម្បី​ធ្វើ​ឲ្យ ​លេចឡើង​អង់ទីគ័រ​ថ្មី ។ ក្រោយ ២-3​ថ្ងៃ គ្រុនក្តៅ​ថយចុះ​សន្សឹមៗ ហើយ​យើង​អាច​ត្រឡប់មក​ធម្មតា​វិញ ។​
​ប្រសិទ្ធភាព​បន្ទាប់បន្សំ​ផ្សេង​គឺ ហើយ​ដរ និង​ឈឺ​ត្រង់​កន្លែង​ចាក់ ។ អ្នក​មិនចាំបាច់​ត្រូវធ្វើ​អ្វី នោះ​ជា​សញ្ញា​ធម្មតា​ពេល​ចាក់​វ៉ាក់សាំង ។ ប៉ុន្តែ​ប្រសិន​ឈឺ​ខ្លាំង និង​ទ្រាំ​មិនបាន​នោះ​អ្នក​អាច​ស្អំ​ទឹកកក ។​
​ការ​វិវឌ្ឍន៍​ប្រែប្រួល​គ្រោះថ្នាក់​ បំផុត​អាច​ឥទ្ធិពល​ដល់​អាយុជីវិត នោះ​គឺ​អាលែកហ្ស៊ី​ជាមួយ​បណ្តា​សមាសធាតុ​នៅក្នុង​វ៉ាក់សាំង ។ ប្រសិន​កំរិត​អាលែកហ្ស៊ី​ខ្លាំង​ជ្រុល​នោះ​អាច​បង្ក​ការបាត់​បង់ជីវិត ។​
​នៅ​ចំពោះមុខ​ហានិភ័យ​ដូច្នេះ គេ​នឹងមិន​ប្រើ​វ៉ាក់សាំង​បង្ការ​ផ្តាសាយ​សម្រាប់​បណ្តា​ករណី ៖ កុមារ​អាយុ​ក្រោម​៦​ឆ្នាំ អ្នក​អាលែកហ្ស៊ី​ធ្ងន់​ជាមួយ​ស៊ុតមាន់ អ្នក​ឆ្លង​មេរោគ​ធ្ងន់ ឬ​គ្រុនក្តៅ​ខ្ពស់​ពេក ស្ត្រី​កំពុង​មានគភ៌ ឬ​មានបំណង​មានគភ៌ ក្នុង​រង្វង់​១​ខែ​ខាងមុខ អ្នកមាន​រាងកាយ​អាលែកហ្ស៊ី​ដូចជា​ហឺត អាលែកហ្ស៊ី រលាក​បំពង់ក​អាលែកហ្ស៊ី រលាក​ស្បែក​អាលែកហ្ស៊ី ៕

(ប្រភព៖ ខ្មែរស្ថាបនា)

Monday, May 13, 2013

ស្រ្តី​ខ្មែរ​រងគ្រោះ​ដោយ​ជំងឺ​មហារីក​មាត់​ស្បូន​មាន​ច្រើន

ភ្នំពេញ៖ យ៉ាងហោចណាស់​មាន​ស្ត្រី​កម្ពុជា​ប្រមាណ​ជា​៤០០០នាក់​បានកើត​ជំងឺ​មហារីក​ មាត់ស្បូន​ជា​រៀងរាល់​ឆ្នាំ។ ជំងឺ​នេះ​កំពុង​ឈរ​នៅ​លំដាប់​ថ្នាក់​ខ្ពស់​បំផុត​ក្នុង​ចំណោម​ជំងឺ​មហារីក​ ដទៃ​ទៀត​ក្នុង​ប្រទេស។


លោក​វេជ្ជបណ្ឌិត​ អ៊ាវ សុខា ​ប្រធាន​ផ្នែក​ជំងឺ​មហារីក​នៃ​មន្ទីរពេទ្យ​កាល់ម៉ែត​មាន​ប្រសាសន៍​ថា​ជា​ រៀងរាល់ថ្ងៃ​មាន​អ្នកជំងឺ​មហារីក​៣០នាក់​មក​ទទួល​ការពិនិត្យ​ព្យាបាល​ក្នុង​ មន្ទីរពេទ្យ​ក្នុង​នោះ​ប្រហែល​ជា​៨​នាក់​ជា​អ្នកជំងឺ​មហារីក​មាត់ស្បូន។

លោក​បាន​ឱ្យ​ដឹង​បន្ត​ថា​ស្ថានភាព​ជំងឺ​នេះ​មិនមាន​លក្ខណៈ​ល្អ​ប្រសើរ​ឡើយ​ ចាប់​តាំង​ពី​ជាង​១០​ឆ្នាំ​មុន​មក​ហើយ​មានប្រហែល​៤០០០​ករណី​ក្នុង​១​ឆ្នាំៗ

«មហារីក​មាត់ស្បូន​នៅតែ​ជា​ជំងឺ​មហារីក​ដែល​ជួប​ប្រទះ​ញឹកញាប់​ជាងគេ​ ១០ឆ្នាំ​ជាង​ហើយ​ខ្ញុំ​ឃើញ​ថា​ទំនោរ​ហ្នឹង​អត់​ទាន់​ឃើញ​ល្អ​ជាង​មុន​សោះ​ ពីព្រោះ​អី​ប្រជាជន​យើង​មក​ដល់​មន្ទីរពេទ្យ​ច្រើន​នៅ​ដំណាក់កាល​ធ្ងន់ធ្ងរ​ ដែល​ការព្យាបាល​ឱ្យ​ជាសះស្បើយ​មិនអាច​ធ្វើ​ទៅ​បាន»។

លោក​វេជ្ជបណ្ឌិត​ អ៊ាវ សុខា ​បាន​ឱ្យ​ដឹង​បន្ថែម​ថា​អ្នកជំងឺ​មហារីក​មាត់ស្បូន​ចំនួន​៧២ ​ភាគរយ​មក​មន្ទីរពេទ្យ​នៅ​ដំណាក់កាល​ទី៣​និង​ទី៤​ដែល​ជា​ដំណាក់កាល​ឈាន​ដល់​ ភាព​ធ្ងន់ធ្ងរ​និង​ពិបាក​ក្នុង​ការព្យាបាល។

ជាមួយគ្នា​នោះ​ដែរ​លោក​វេជ្ជបណ្ឌិត​ គួយ សំណាង ​ប្រធាន​ផ្នែក​ជំងឺ​មហារីក​នៃ​មន្ទីរពេទ្យ​មិត្តភាព​ខ្មែរ សូវៀត​បាន​ឱ្យ​ដឹង​ដែរ​ថា​ភាគច្រើន​អ្នកកើត​ជំងឺ​មហារីក​មាត់ស្បូន​ក្នុង​ ប្រទេស​កម្ពុជា​ស្ថិត​នៅ​ក្នុង​វ័យ​ក្មេង។

«ប្រទេស​គេ​គឺ​គិតពី​៣៥​ទៅ​៤០​ហើយ​ដល់​ប្រទេស​យើង​តាម​ការសិក្សា​ថ្មីៗ​ដែល​ យើង​ធ្វើទៅ​មាន​ពី​អាយុ​២៨​ឆ្នាំ។ ​ធម្មតា​ទេ​ក្មេង​បែបនេះ​កំពុង​តែមាន​សកម្មភាព​នៅ​ក្នុង​សង្គម​សម្រាប់​ រកលុយ​តែ​បែរ​ជា​ឈឺ​វិញ​មាន​ពេល​ឯណា​រកលុយ​មិនមាន​ត្រឹមតែ​មិនបាន​រកលុយ​ទេ​ អស់​លុយ​ទៀត​ខាង​ពេទ្យ​រដ្ឋ​ក៏​ត្រូវ​ចំណាយ​លើក្មេងៗ​នេះ​ដែរ»។

យោង​តាម​របាយការណ៍​របស់​ក្រសួង​សុខាភិបាល​ដែល​បាន​ផ្សព្វផ្សាយ​កាលពី​ឆ្នាំ២០០៨​
បង្ហាញ​ឱ្យ​ដឹង​ថា​ជំងឺ​មហារីក​មាត់ស្បូន​មាន​អត្រា​ច្រើន​ជាងគេ​បំផុត​ ក្នុង​ចំណោម​ជំងឺ​មហារីក​ដែល​កើត​មាន​លើ​ស្ត្រី​នៅ​កម្ពុជា។ របាយការណ៍​បន្ថែម​ថា​ស្ត្រី​ដែល​មាន​ជំងឺ​ស្ទើរ​ទាំងអស់​បាន​ស្លាប់​ក្នុង​ វ័យ​ក្មេង។

លោកស្រី​វេជ្ជបណ្ឌិត ​ពឹង ជុតិមា ​នាយិកា​សមាគម​ថែទាំ​សុខភាព​គ្រួសារ​កម្ពុជា​ហៅកាត់​ថា​រ៉ាក់​បាន​ឱ្យ​ដឹង​ ថា​ចំនួន​អ្នក​កើត​ជំងឺ​មហារីក​មាត់ស្បូន​នៅ​ប្រទេស​កម្ពុជា​គឺជា​ចំនួន​មួយ ​គួរ​ឱ្យ​ព្រួយបារម្ភ​និង​ត្រូវ​មាន​វិធានការ​ឱ្យ​មាន​ប្រសិទ្ធភាព​ក្នុងការ ​ទប់​ស្តា​ត់​ជំងឺ​នេះ។
«ចាត់ទុកថា​វា​ជា​បញ្ហា​មួយ​ដែល​យើង​គួរ​កង្វល់​ពីព្រោះ​ដោយសារតែ​ជំងឺ​ មហារីក​បើសិន​យើង​បាន​ធ្វើការ​ស្រាវជ្រាវ​វា​នៅ​ដំណាក់កាល​ទាន់ពេល​វេលា​គឺ​ អ្នកនោះ​មិនមាន​ជំងឺ​មហារីក​ទេ​ពីព្រោះ​យើង​ទៅ​ព្យាបាល​បាន​ហើយ»។

លោកស្រី​វេជ្ជបណ្ឌិត​ ប្រាក់ ពិសិដ្ឋ​រង្សី ​ប្រធាន​នាយកដ្ឋាន​ការពារ​សុខភាព​នៃ​ក្រសួង​សុខាភិបាល​បាន​មាន​ប្រសាសន៍​ថា​ មូលហេតុ​ដែលនាំ​ឱ្យ​ស្ត្រី​កម្ពុជា​ប្រឈមមុខ​នឹង​គ្រោះថ្នាក់​នៃ​ការកើត​ មហារីក​មាត់ស្បូន​ច្រើន​បែបនេះ​កត្តា​សំខាន់​គឺ​កង្វះ​អនាម័យ ​កង្វះ​ព័ត៌មាន ​ការយល់ដឹង ​និង​ភាព​អៀនខ្មាស់​របស់​ស្ត្រី​ខ្មែរ។

«អត្ត​ចរិក​របស់​ស្ត្រី​យើង​វិញ​គឺ​គាត់​មិន​ចង់ទៅ​ឱ្យ​គេ​បើក​មាត់ស្បូន​ គាត់​មើល​ទេ ​ហេតុ ​ដូច្នេះ​ទោះបី​ជា​យើង​ខំ​ផ្សព្វផ្សាយ​យ៉ាងណា​ក៏ដោយ​ក៏​ជួនកាល​ទៅ​គាត់​មាន​ ការ​ខ្មាស់អៀន​ច្រើន​គាត់​មិន​បាន​មក​តាម​ការផ្សព្វផ្សាយ​របស់​យើង​ទេ​ហើយ​ ក្រសួង​សុខាភិបាល​ក៏​ចេះតែ​ខិតខំ​ប្រឹងប្រែង​តាម​គ្រប់​រូបភាព​ទាំងអស់។ ​បច្ចុប្បន្ន​កាល​នេះ​គឺ​យើង​ចង់​ឱ្យ​ស្ត្រី​ទាំងអស់​ដែល​ចាប់ពី​អាយុ​៣០​ ដល់​៤៩ឆ្នាំ​ឱ្យ​គាត់​អញ្ជើញ​មក​មន្ទីរពេទ្យ​ដើម្បី​ធ្វើការ​ស្រាវជ្រាវ​រក​ ជំងឺ​មហារីក​មាត់ស្បូន​នេះ»។

លោកស្រី​វេជ្ជបណ្ឌិត​មាន​ប្រសាសន៍​ថា​ដើម្បី​កាត់បន្ថយ​ជំងឺ​មហារីក​ មាត់ស្បូន​នេះ ​ក្រសួង​ បាន​ធ្វើការ​បណ្តុះ​បណ្តាល​មន្ត្រី​ជំនាញ​តាម​មន្ទីរពេទ្យ​ឱ្យ​ចេះ​ស្វែងរក​ ជំងឺ​នេះ​ទាន់ពេល​វេលា​មាន​ការ​ចុះ​ អប់រំ​ស្ត្រី​នៅតាម​ភូមិ ​និង​តាម​មន្ទីរពេទ្យ ​ពេល​ស្ត្រី​មក​ទទួលយក​សេវា​ផ្សេង។ ម្យ៉ាង​វិញ​ទៀត​លោកស្រី​វេជ្ជបណ្ឌិត​បាន​ទទួល​ស្គាល់​ថា​ការផ្សព្វផ្សាយ​ អំពី​ជំងឺ​នេះ​នៅមាន​កម្រិត​នៅឡើយ​ពីព្រោះ​ថវិកា​ក្នុង​ការចំណាយ​នៅមាន​ ការខ្វះខាត​ជាច្រើន។

យោងតាម​របាយការណ៍​របស់​ក្រសួង​សុខាភិបាល​ដដែល​បាន​ឱ្យ​ដឹង​បន្ថែម​ថា​នៅ​លើ​ សាកលលោក​ក្នុង​១ឆ្នាំ​ស្រី្ត​ច្រើន​ជាង​៤៦ម៉ឺន​នាក់​បាន​កើត​ជំងឺ​នេះ​ដែល​ ក្នុង​នោះ​ជាង​២៣​ម៉ឺន​នាក់​បាន​ស្លាប់​ហើយ​ជិត​៩៥​ភាគរយ​កើត​នៅក្នុង​ ប្រទេស​កំពុងអភិវឌ្ឍន៍​ដូចជា​ប្រទេស​កម្ពុជា​ជាដើម។

ក្រុម​គ្រូពេទ្យ​ជំនាញ​បានផ្តល់​ដំបូន្មាន​ថា​ជាទូទៅ​ស្ត្រី​ដែល​ធ្លាប់​ ឆ្លងកាត់​ការរួម​ភេទ​រួច​ហើយ​ត្រូវ​ពិនិត្យ​រក​ជំងឺ​មហារីក​មាត់ស្បូន​ឱ្យ​ បាន​ម្តង​ក្នុង១ឆ្នាំ៕
(ប្រភព៖VOAKhmer)

Wednesday, March 6, 2013

​វិធី​ថែ​ទាំ​សុខ​ភាព​សម្រាប់​​អ្នក​​ជម្ងឺ​លើស​ឈាម

បើ​យើង​និយាយ​អំពី​ជម្ងឺលើសឈាម​មាន​បងប្អូន​ជាច្រើន​មាន​ភាព​ខ្លាចរអា​ យ៉ាងខ្លាំង​។​ ដោយសារ​តែ​ជម្ងឺលើសឈាម​គឺ​ជា​សម្ពាធ​ឈាម​នៅក្នុង​ខ្លួន​របស់​មនុស្ស​ឡើង​ ខ្ពស់​​ខុសពី​ធម្មតា​ដែល​អាច​ធ្វើឱ្យ​សរសៃឈាម​ក្នុង​ខួរក្បាល ស្ទះ​ឬ​ដាច់​អាច​ធ្វើឱ្យ​មនុស្ស​យើង​ស្លាប់​មួយ​ចំហៀង​ខ្លួន​។ ហើយ​នៅពេល​ដែល​សម្ពាធ​ឈាម​ឡើង​ខ្លាំង អាច​ធ្វើឱ្យ​គាំងបេះដូង​ស្លាប់​ភ្លាមៗ​តែម្ដង​។
ជម្ងឺលើសឈាម​គឺ​ទាមទារ​ការថែទាំ និង​ការព្យាបាល​អស់​មួយជីវិត ដោយ​អ្នក​ជម្ងឺ​ត្រូវ​កាត់បន្ថយ​ចំណីអាហា​រណា​ដែល​សម្បូរ​ទៅ​ដោយ​សារជាតិ​ ប្រៃ ជាតិ​ស្ករ មិន​ត្រូវ​ទទួល​ទាន​ផ្អែម​ពេក​។​ ហើយ​សូម​កាត់បន្ថយ​អាហារ​ដែល​សម្បូរ​ទៅ​ដោយ​ជាតិ​ខ្លាញ់​ច្រើនពេក ត្រូវ​ទទួល​ទាន​បន្លែ និង​ផ្លែឈើ​ឱ្យបាន​ច្រើន​។​
​ការធ្វើ​លំ​ហាត់់ប្រាណ ដូច​ជា​ការ​ដើរ​លឿន​ប្រមាណ​ជា​៣០​នាទី​នៅក្នុង​មួយ​ថ្ងៃ​ឱ្យបាន​ជា​ប្រចាំ​ វា​មាន​សារៈប្រយោជន៍​ខ្លាំងណាស់​នៅ​ក្នុង​ការជួយ​ធ្វើឱ្យ​អ្នក​ជម្ងឺ​លើស​ ឈាម​មិនសូវ​ឡើង​ទម្ងន់​ខ្លាំង​អាច​ជួយ​ឱ្យ​សម្ពាធ​ឈាម​ចុះ​បាន​។
អ្នក​ជម្ងឺ​ត្រូវ​តែ​ទទួលទាន​ថ្នាំ​ឱ្យបាន​ទៀងទាត់​ទៅតាម​គ្រូពេទ្យ​ ណែនាំ​មិន​ត្រូវ​ធ្វេសប្រហែស​ឡើយ​។ ត្រូវ​ធ្វើការ​ណាត់ជួប​ជាមួយ​គ្រូពេទ្យ​ជា​រៀងរាល់​១​ខែម្ដង​ឬ​៣​ខែម្ដង ដើម្បី​ប្រើ​ថ្នាំ​។ សូម​ចៀសវាង​ការប្រើ​ថ្នាំ​ឱ្យ​ខ្លួន​ឯង​ផ្ទាល់​។​
ដើម្បី​ចៀសវាង​ការ​កើត​ជម្ងឺ​លើសឈាម​លោក​អ្នក​មិន​ត្រូវ​ទទួល​ទាន​ស្រា បារី​​ច្រើន​​ហួស​កំណត់​​នោះ​ទេ ​(​បន្ដិចបន្ដួច​បាន​) មិន​ត្រូវ​ទទួល​ទាន​ប្រៃ​ពេក​។ ហើយ​ត្រូវ​ថែ​រក្សា​​ទម្ងន់​​កុំឱ្យ​ធាត់​ពេក​ត្រូវ​កាត់បន្ថយ​នូវ​ភាព​ មួម៉ៅ​តានតឹង​។ ហើយ​ត្រូវ​ចេះ​សម្រួល​អារម្មណ៍​ខ្លួនឯង​កុំ​ឱ្យ​ឆាប់​ខឹង​ច្រើនពេក​៕

(ប្រភព៖វាយោអែសអ៊ឹម)

Saturday, February 23, 2013

មូល​ហេតុ​ដែល​បណ្តាល​ឲ្យ​កើត​ជំងឺ​រលាក​សួត


សរសៃ​រូប​ធាតុ​ម្យ៉ាង​ដែល​ដុត​មិន​ឆេះ

ជំងឺ​រលាក​សួត​ បណ្តាល ​មក​ពី​សរសៃ​រូប​ធាតុ​ម្យ៉ាង​ដែល​ដុត​មិន​ឆេះ។ ជា​ធម្មតា នៅ​ពេល​អ្នក​ដក​ដង្ហើម​ចូល​ក្នុង​ខ្លួន ដូច​ជា​ផ្នែក​នៃ​ធូលី ឬ​លោហធាតុ កោសិកា​តូចៗ ដូច​ជា​មីក្រុប នឹង​ត្រូវ​បំបែក​កំទេច​លោហធាតុ​មុន​ពេល​វា​ទៅ​ដល់​សួត​របស់​អ្នក។
បើ​ទោះ​ជា សរសៃ​រូប​ធាតុ​ដែល​ដុត​មិន​ឆេះ​វា​ស្វិត​ពេក​សំរាប់​មីក្រុប​បំបែក​ក៏​ដោយ។ ក្នុង​ការ​បំបែក​សរសៃ​រូប​ធាតុ​ដែល​ដុត​មិន​ឆេះ​ មីក្រុប​ដោះ​លែង​សារធាតុ​ដែល​បំផ្លាញ​ជាតិ​សរសៃ។ សារ​ធាតុ​ទាំង​នេះ​បំផ្លាញ​ស្រោម​ខ្យល់​តូចៗ​ក្នុង​សួត​ដែល​របស់​អ្នក​ហៅ​ថា ​ថង់​ផ្ទុក​ខ្យល់​ក្នុង​សួត។

ថង់​ផ្ទុក​ខ្យល់​ក្នុង​សួត
នៅ​ពេល​អ្នក​ដក​ដង្ហើម​ចូល​ទៅ ថង់​ផ្ទុក​ខ្យល់​ក្នុង​សួត​ជួយ​ផ្ទេរ​កាបូនឌីអ៊ុកស៊ីត​ចេញ​ឈាម​ តាម​រយៈ​សួត​របស់​អ្នក​ និង​ចេញ​ពី​មាត់​របស់​អ្នក។
បើ​សិន​ជា​អ្នក​ដក​ដង្ហើម​យក​ជាតិ​សរសៃ​ដែល​ជា​រូប​ធាតុ​ដែល​ដុត​មិន​ឆេះ​ អស់​រយៈ​ពេល​ជា​ច្រើន​ឆ្នាំ​នោះ​ហើយ​នៅ​បន្ត​ដង​ដង្ហើម​យក​ទៀត​នោះ វា​នឹង​បំផ្លាញ​ថង់​ផ្ទុក​ខ្យល់​ក្នុង​សួត​កាន់​តែ​ធ្ងន់​ឡើងៗ​និង​អាច​ធ្វើ ​ឲ្យ​មាន​ស្នាម​នៅ​សួត។ ស្នាម​នេះ​គឺ​ជា​សាច់​ដុំ​ដែល​មាន​លក្ខណៈ​ខុស​ពី​ធម្មតា។
ថង​ផ្ទុក​ខ្យល់​ក្នុង​សួត​អាច​មាន​ស្នាម ដែល​សមតិ្ថភាព​ស្រូប​យក​អ៊ុកស៊ីសែន​ និង​ការ​ស្រូប​យក​កាបូនឌីអ៊ុកស៊ីត អាច​មាន​ផល​ប៉ះពាល់​មិន​ល្អ នាំ​ឲ្យ​មាន​អាការៈ​ហត់។

មុខ​របរ​ដែល​ជា​កត្តា​គ្រោះ​ថ្នាក់​សំរាប់​អ្នក​មាន​ជំងឺ​រលាកសួត
ការ​ប្រើ​ប្រាស់​រូប​ធាតុ​ដែល​ដុត​មិន​ឆេះ​ជា​កត្តា​សំខាន់​ដែល​កើត​ជំងឺ​ រលាក​សួត​បន្ទាប់​ពី​សង្រ្គាម​លោក​លើក​ទី២ ដែល​ប្រើ​ប្រាស់​ដល់​កំពូល​នៅ​ឆ្នាំ​១៩៧០​និង​បន្ទាប់​មក​ត្រូវ​បាន​ថយ​ចុះ​ នៅ​ឆ្នាំ​១៩៨០​និង​ឆ្នាំ​១៩៩០។ បើ​សិន​ជា​ក្នុង​កំឡុង​ពេល​នេះ​ អ្នក​ធ្វើ​ការ​ក្នុង​ឧស្សាហកម្ម ឬ​មុខ​របប​ដែល​ប្រើ​រូប​ធាតុ​ដែល​ដុត​មិន​ឆេះ​ អ្នក​អាច​មាន​ជំងឺ​រលាក​សួត។
មុខ​របប​ដែល​មាន​ទំនាក់​ទនង​ជា​មួយ​ការ​ប្រើ​រូប​ធាតុ​ដែល​ដុត​មិន​ឆេះ​ក្នុង​ពេល​នេះ​រួម​មាន៖
  • អ្នក​ធ្វើ​អ៊ីសូឡង់
  • អ្នក​ធ្វើ​ឬ​ជួស​ជុល​ឆ្នាំ​ដាំ​ទឹក
  • ជាង​បំពង់ អ្នក​ដាក់ទ​ឬ​បំពង់ អ្នក​ដុត​នាវា
  • អ្នក​ស្ថាបនា​កប៉ាល់
  • អ្នក​ធ្វើ​កំរាល​លោហធាតុ
  • អ្នក​ប៉ាន់​រូប
  • អ្នក​បច្ចេកទេស​គីមី
  • អ្នក​ជួស​ជុល ម៉ាស៊ីន​កំដៅ​ម៉ាស៊ីន ​ត្រជាក់​និង​ទូទឹកក
ឧស្សាហ៍កម្ម​ដែល​ប្រើ​រូប​ធាតុ​ដែល​ដុត​មិន​ឆេះ​កំឡុង​ពេល​បច្ចុប្បន្ន​នេះ​រួម​មាន​៖
  • ការ​ស្ថាបនា
  • ការ​ស្ថាបនា​កប៉ាល់​និង​ការ​ជួស​ជុល
  • ការ​ផលិត​សារធាតុ​គីមី
  • ផលិផល​ថ្ម​ដែល​គ្មាន​លោហធាតុ
  • ផ្លូវ​អយស្មយ័យាន្ត
  • សរសៃ​សូត្រ​ សរសៃ​អំបោះ​ និង​កន្លែង​កិន​ស្រូវ
  • ផលិផល​ជ័រ​លុប​និង​ប្លាស្ទិច​
  • សេវាកម្ម​ឡាន​ដឹក​ទំនិញ

Thursday, February 21, 2013

គុណ​វិបត្ដិ​​​នៃ​​ជំងឺ​​ទឹក​នោម​​ប្រៃ​​មាន​​​អ្វីខ្លះ​?

យើង​ទាំងអស់គ្នា​សុទ្ធតែ​ដឹង​ថា​ទឹកនោម​ធម្មតា​គឺ​ប្រៃ ប៉ុន្តែ​ពាក្យ​ថា​ជំងឺ​ទឹកនោមប្រៃ​នេះ​គឺ​ចង់​សម្តៅ​ទៅលើ​ជាតិ​ប្រៃ​ដោយ សារជាតិ​ប្រូតេអ៊ីន​ក្នុង​ឈាម​ចេញ​ទៅ​តាម​ទឹក​នោម​​ច្រើន​រហូត​ដល់​ច្រើនជាង ៣,៥​ក្រាម​ក្នុង​មួយថ្ងៃ​។ ហើយ​ជំងឺ​ត្រូវបាន​ធ្វើ​រោគវិនិច្ឆ័យ​ឃើញ​នៅ​ពេល​អ្នកជំងឺ​មកជួប​គ្រូពេទ្យ ដោយមាន អា​ការៈហើម និង​មាន​បញ្ហា​ទៅលើ​តម្រងនោម​។​
​ទន្ទឹមនឹងនេះ​ជំងឺ​ទឹកនោមប្រៃ​ក៏មាន​ផលវិបាក​មួយចំនួន​គួរអោយកត់សម្គាល់​ផងដែរ​ដូចជា​៖
•​    ​កំណក​ឈាម​៖ សរសៃឈាម Glomeruli ដែល​អសម្តត្ថភាព​ក្នុង​ការច្រោះ​ទឹកនោម​អាច​នឹង​ធ្វើអោយ​បាត់បង់​ប្រូតេអ៊ីន ពី​ក្នុង​ឈាម​។ ប្រូតេអ៊ីន​ក្នុង​ឈាម​មាន​តួរ​នាទី​ជួយ​ការពារ​កុំអោយ​ឈាមកក​ក្នុង​សរសៃឈាម ដូច្នេះ​កាលណា​បាត់បង់​ប្រូតេអ៊ីន​កាន់តែច្រើន ការ​ប្រឈម​នឹង​កំណក​ឈាម​ក្នុង​សរសៃឈាម​វ៉ែន​ក៏​កាន់តែ​ខ្លាំង​ដែរ​។​
•​    ​ជាតិ​ខ្លាញ់ កូ​ឡេ​ស្តេ​រ៉ុល និង Triglycerides កើនឡើង​៖ នៅពេល​កម្រិត​ប្រូតេអ៊ីន​ក្នុង​ឈាម​ត្រូវ​បាន​ថយចុះ​ថ្លើម​ត្រូវ​ការបង្កើន​ ប្រូតេអ៊ីន​ឡើងវិញ​អោយបាន​ច្រើន​។ ស្រប​ពេល​ជាមួយ​គ្នា​នោះ ថ្លើម​ក៏​បាន​បញ្ចេញ​ជាតិ​ខ្លាញ់ កូ​ឡេ​ស្តេ​រ៉ុល និង Triglycerides មក​ជាមួយ​ដែរ​។​
•​    ​កង្វះ​អាហារ​រូបត្ថ​ម្ភ​៖ ការបាត់បង់​ប្រូតេអ៊ីន​ច្រើនពេក​អាច​បណ្តាលអោយ​អ្នកជំងឺ​មាន​ស្ថានភាព​កង្វះ ​អាហារ​រូបត្ថ​ម្ភបា​ន​។ ពេលនោះ​វា​នឹង​ធ្វើអោយ​ស្រក​ទម្ងន់ ប៉ុន្តែ​មាន​សភាព​ហើម​ទៅវិញ​។​
•​    ​សម្ពាធ​ឈាម​ឡើង​ខ្ពស់​៖ ការខូចខាត​សរសៃឈាម Glomeruli និង​ការ​សំណល់​ក្នុង​ឈាម​កើនឡើង​អាច​ធ្វើអោយ​សម្ពាធ​ឈាម​កើន​ឡើង​ដែរ​។​
•​    ​ខ្សោយតម្រងនោម​ស្រួចស្រាវ​៖ ជំងឺ​ទឹកនោមប្រៃ​ប្រហែល​ជា​បណ្តាលអោយ​តម្រងនោម​របស់​អ្នក​ខូច​មុខងារ​បន្តិច ម្តងៗ​។ ប្រសិនបើ​មុខងារ​តម្រងនោម​បាត់បង់​ច្រើនណាស់​ហើយ អ្នក​ប្រហែលជា​ត្រូវ​ព្យាបាល​ដោយ​ការលាង​ឈាម ឬ​ប្តូរ​តម្រងនោម​ថ្មី​។​
•​    ​ឆ្លង​ជំងឺ​៖ អ្នកជំងឺ​ទឹកនោមប្រៃ​ច្រើន​តែ​ប្រឈមមុខ​ខ្ពស់​នឹង​ការឆ្លង​ជំងឺ​ផ្សេងៗ​៕

(ប្រភព៖វាយោអេហ្វអឹម)

Tuesday, February 19, 2013

របៀប​ថែ​រក្សា​ ប្រដាប់​ភេទ​ស្ដ្រី​ ឱ្យ​មាន​អនាម័យ​ល្អ

ធម្មជាតិ តាក់តែងឱ្យរាងកាយ របស់ស្ដ្រីមានលក្ខណៈ ជីវសាស្ដ្រខុសពីបុរស ក្នុងនោះប្រដាប់ បន្ដពូជមានលក្ខណៈខុស គ្នាទាំងស្រុង។ ការខុសគ្នាបែបនេះ ទាមទារឱ្យការថែរក្សា និងការធ្វើអនាម័យ ក៏ខុសគ្នាដែរ។ ប្រដាប់បន្ដពូជ របស់ស្ដ្រី មាន សភាពស្មុគស្មាញ ជាច្រើន ដែលត្រូវមានការ ថែទាំជាពិសេស។ បើការថែរក្សាមិនបានដិតដល់នោះ ស្ដ្រីងាយ ប្រឈមមុខនឹងជម្ងឺផ្សេងៗដែលឆ្លងតាម ប្រដាប់បន្ដពូជ។

របៀបធ្វើអនាម័យប្រដាប់ភេទស្ដ្រី
ការសម្អាតប្រដាប់ភេទជារឿងសំខាន់ដែលត្រូវធ្វើជាប្រចាំ។ ដោយសារប្រព័ន្ធបន្ដពូជរបស់ស្ដ្រីមានលក្ខណៈស៊ាំញ៉ាំ ហើយ អ្វីដែលសំខាន់នោះ គឺនៅក្នុងប្រព័ន្ធបន្ដពូជរបស់ស្ដ្រីមានទំនាក់ទំនងតភ្ជាប់គ្នា ទាំងអស់។ ហេតុនេះទើបបើក ឱកាសឱ្យអតិសុខុមប្រាណ ដែលបង្កឱ្យកើតជម្ងឺផ្សេងៗ ជួនកាលជម្ងឺនោះអាចឆ្លងរាលដាលដល់កន្លែងដទៃទៀត ដូចជា អាង ត្រគាកជាដើម។ ជាទូទៅ នៅពេល ចូលដល់វ័យដែលមានរដូវ(គ្រប់ការ) នោះរាងកាយស្ដ្រីមានការប្រែប្រួល ខុស ប្លែកពីពេលមុន នោះហើយដែលស្ដ្រីត្រូវយល់ដឹងពីវិធីសាស្ដ្រមួយចំនួន ដើម្បីថែរក្សាអនាម័យខ្លួនប្រាណ។ មិនមែន ការថែរក្សា នេះធ្វើបានចំពោះតែស្ដ្រីមានស្វាមី ឬក៏ស្ដ្រីដែលមានការរួមភេទនោះទេ។
1. ស្ដ្រីនៅក្រមុំ ឬមិនទាន់ឆ្លងកាត់ការរួមភេទ ៖ ថ្វីត្បិតតែមិនទាមទារឱ្យមានការថែរក្សាពិសេស ប៉ុន្ដែមិនមែនបាន ន័យថា មិនថែទាំសោះនោះទេ។ ព្រោះមានជម្ងឺមួយចំនួនអាចកើតមានទ្បើងនៅលើប្រដាប់បន្ដពូជរបស់ស្ដ្រី ដែល មិនធ្លាប់ឆ្លងកាត់ការរួមភេទ ដូចជាធ្លាក់ស រលាកអវៈយវៈភេទ រមាស់ជាដើម។ ដូចនេះចំពោះស្ដ្រីនៅក្រមុំ ឬនៅលីវមិន ចាំបាច់មានអ្វីច្រើនទេ ដោយគ្រាន់តែ សម្អាតប្រដាប់ភេទដោយទឹកស្អាតធម្មតារៀងរាល់ពេលបន្ទោរបង់រួច ដោយមិន ត្រូវលូកសម្អាតទៅដល់ខាងក្នុងទេ ព្រោះអាចបណ្ដាល ឱ្យប៉ះពាល់ដល់សន្ទះព្រហ្មចារី ឬក៏ភ្នាសស្បូន។ ម្យ៉ាងទៀត នៅក្នុងប្រដាប់បន្ដពូជរបស់នារី តែងតែបញ្ចេញសារធាតុសម្រាប់សម្អាត ផ្នែកខាងក្នុងដោយស្វ័យប្រវត្ដិ។ ស្ដ្រីដែល នៅក្រមុំ ឬនៅលីវមិនគួរប្រើប្រាស់ទឹកអនាម័យសម្រាប់លាងសម្អាតទេ លើកលែងតែមាន វេជ្ជបញ្ជាពីគ្រូពេទ្យ។
2. ស្ដ្រីមានស្វាមី ឬឆ្លងកាត់ការរួមភេទ ៖ ក្នុងដំណាក់កាលនេះ គ្រប់ស្ដ្រីទាំងអស់ជាស្វ័យប្រវត្ដិ តែងតែមានការហ្មត់ ចត់ក្នុង ការធ្វើអនាម័យប្រដាប់ភេទ។ ដោយហេតុថាដើម្បីឱ្យទំនាក់ទំនងផ្លូវភេទប្រព្រឹត្ដទៅដោយរលូន អនាម័យជា ប្រការមួយមិនអាច មើលរំលងបាន។ មានគូស្វាមីភរិយាមួយចំនួនរកាំរកូសគ្នាដោយការមិនយល់ពីការថែរក្សា អនាម័យ ក្នុងជីវភាពជាប្ដីប្រពន្ធ។ ទំនាក់ ទំនងផ្លូវភេទរវាងប្ដី និងប្រពន្ធជារឿងដែលមិនអាចខ្វះបាន។ មុនពេលរួមភេទ គ្រប់ស្ដ្រីទាំងអស់ត្រូវតែសម្អាតអវៈយវៈភេទឱ្យបានល្អ ដើម្បីបង្ការការចម្លងរោគតាមផ្លូវភេទ ក៏ដូចជាក្លាហានក្នុង ការ និយាយទៅកាន់ស្វាមី ឬក៏ដៃគូរបស់ខ្លួនពីបញ្ហានេះដែរ។ បើលោក ស្រីអ្នកនាងសម្អាតតែម្នាក់ឯង ហើយភាគី ម្ខាងទៀតមិនសម្អាត ជម្ងឺផ្សេងៗនៅតែអាចមានឱកាសរាតត្បាតដដែល។ ក្នុងករណីដែល មានជម្ងឺ ដែលបង្កតាម ការរួមភេទ ចាំបាច់ត្រូវតែព្យាបាលទាំងពីរនាក់ ទោះបីជាភាគីខាងប្រុសមិនមានជារោគសញ្ញា ឬក៏ការឈឺចាប់ អ្វីក៏ដោយ ។ បើមិនដូច្នោះទេ អ្នកទាំងពីរនឹងចម្លងឱ្យគ្នាទៅវិញទៅមកមិនមានថ្ងៃជាសះស្បើយឡើយ ថែមទាំងអាចបណ្ដាល ឱ្យក្លាយ ទៅជាជម្ងឺផ្សេងៗទៀតជាច្រើន ហើយមានគ្រោះថ្នាក់ទៀតផង ដូចជាជម្ងឺមហារីកស្បូនជាដើម។ ការព្យាបាល ជម្ងឺនោះទៀតសោត សូមមេត្ដាប្រុងប្រយ័ត្ន មិត្ដនារីទាំងអស់មិនមែនសុទ្ធតែអាចឱ្យគ្រូពេទ្យបើកស្បូនពិនិត្យ បានគ្រប់ ពេលនោះទេ ព្រោះអាចឆ្លងរោគតាម ឧបករណ៍សម្រាប់បើកស្បូន បើមិនមានអនាម័យគ្រប់គ្រាន់ និងជួនកាលអាច ធ្វើឱ្យរលាកស្បូនទៀតផង។
ប្រការគួរប្រតិបត្ដិ ពេលព្រឹត្ដិការណ៍ពិសេស រាងកាយស្ដ្រីតែងតែមានការប្រែប្រួលជាប្រចាំ ដូចជាពេលមានរដូវ ពេល មាន ផ្ទៃពោះ ពេលសម្រាលកូនជាដើម។
1. នៅពេលមានរដូវ ៖ ជាធម្មតាក្នុងមួយខែមានរយៈពេលពី៣ទៅ៧ថ្ងៃ ដែលស្ដ្រីមានធ្លាក់ឈាមរដូវ ដោយគ្រាន់តែស្ដ្រី ខ្លះ មានរដូវទៀងទាត់ និងមិនទៀងទាត់តែប៉ុណ្ណោះ។ គ្រប់ស្ដ្រីទាំងអស់ត្រូវ តែរក្សាអនាម័យឱ្យបានច្រើន ជាងពេល មិនមានរដូវ ព្រោះ នៅពេលនេះសរីរាង្គបន្ដពូជរបស់ស្ដ្រីខ្សោយជាងពេលធម្មតា ហើយងាយឆ្លងរោគផ្សេងៗ។ ការប្រើប្រាស់ សំឡីអនាម័យនោះទៀត សោត ចាំបាច់តម្រូវឱ្យសុភាពនារីទាំងអស់ ចេះជ្រើសរើសសំឡី អនាម័យ ដែលមាន សភាពទន់ ហើយឆាប់ជក់ទឹកបានល្អ។ គប្បីប្ដូរសំឡី អនាម័យរៀងរាល់៣ ឬ៤ម៉ោងម្ដង ព្រោះថាបើទុក រយៈពេលយូរ អាចធ្វើឱ្យក្ដៅ និងបង្កជាស្នាមកន្ទួលរមាស់ទៀតផង។
2. នៅពេលមានផ្ទៃពោះ ៖ កំឡុងពេលនេះ ដោយសារតែការប្រែប្រួលនៃអ័រម៉ូន ជួនកាលស្ដ្រីមានធ្លាក់ នូវវត្ថុរាវ ពណ៌សថ្លា ចេញពីទ្វារមាសដែលទាមទារឱ្យស្ដ្រីសម្អាតឱ្យបានញឹកញាប់ យ៉ាងហោចណាស់ឱ្យបានពីរដងក្នុងមួយថ្ងៃ ប៉ុន្ដែមិនត្រូវលូកលាងទៅដល់ ផ្នែកខាងក្នុងទេ។ បើមានបញ្ហាមិនប្រក្រតីណាមួយ គប្បីត្រូវប្រញាប់រកគ្រូពេទ្យជំនាញ មិនអាចប្រើថ្នាំព្យាបាលដោយខ្លួនឯងបានទេ ព្រោះមានថ្នាំប្រភេទខ្លះអាចបង្កឱ្យមានផលវិបាកយ៉ាងធ្ងន់ធ្ងរ។
3. ក្រោយពេលសម្រាល ៖ ជាធម្មតាតែងតែមានធ្លាក់ឈាម ហេតុនេះគ្រប់ស្ដ្រីទាំងអស់ត្រូវសម្អាតអវៈយវៈភេទជាមួយ នឹងទឹកក្ដៅឧណ្ហៗ និងឧស្សាហ៍ផ្លាស់ប្ដូរសម្លៀកបំពាក់ ឬសំឡីអនាម័យឱ្យបានញឹកញាប់។ សម្លៀកបំពាក់ ឬឧបករណ៍ ប្រើប្រាស់ ផ្សេងៗ ដែលទាក់ទងនឹងអវៈយវៈភេទ ត្រូវសម្អាតឱ្យបានហ្មត់ចត់ ព្រមជាមួយនឹងការសម្លាប់មេរោគឱ្យបានល្អ មុននឹងប្រើប្រាស់។
ការពារខ្លួនឯង ប្រសើរជាងព្យាបាល
មានតែសុភាពនារីខ្លួនឯងទេ ដែលអាចជួយខ្លួនឯងបានពីបញ្ហាអនាម័យនេះ។ ប្រការមួយចំនួនដែលសុភាព នារីចាំបាច់ ត្រូវ តែដឹងរួមមាន៖
  • សូមជ្រើសរើសខោទ្រនាប់ពីសាច់ក្រណាត់កូតុង និងផ្លាស់ប្ដូរជារៀងរាល់ថ្ងៃ។
  • ក្រោយពេលបន្ទោរបង់ ត្រូវលាងសម្អាតប្រដាប់ភេទឱ្យបានស្អាត ដោយជូតសម្អាតចាប់ពីមុខមកក្រោយ ដើម្បីកុំឱ្យមាន ការនាំយកមេរោគពីផ្នៃកចុងនៃពោះវៀនធំ(ទ្វារលាមក)មកកាន់ប្រដាប់បន្ដពូជ។
  • រៀងរាល់៦ខែ ឬ១ឆ្នាំម្ដង ទោះមិនមានបញ្ហាអ្វីក៏ដោយ ក៏ស្ដ្រីត្រូវតែទៅត្រួតពិនិត្យសុខភាពឱ្យបានទៀងទាត់ ក្រែងមាន បញ្ហាមួយចំនួនដែលមិនស្ដែងចេញជារោគសញ្ញា។
  • ព្យាយាមថែទាំសម្អាតអវៈយវៈភេទផ្នែកខាងក្រៅកុំឱ្យមានអាការរលាក ពីព្រោះបើមានការរលាក ហើយមិនបានថែទាំ ឱ្យបានដិតដល់នោះ នាំឱ្យបាក់តេរីវាយលុករាតត្បាតទៅស្បូន ដៃស្បូនជាដើម។
  • ត្រូវមានការប្រុងប្រយ័ត្នក្នុងការជ្រើសរើសទឹកអនាម័យសម្រាប់សម្អាត អវៈយវៈភេទ ជាពិសេសត្រូវផ្ដោតសំខាន់ទៅលើ តុល្យភាពរវាងបាស និងអាស៊ីដ និងប្រតិកម្មផ្សេងៗ ដែលបង្កឡើងពីការប្រើប្រាស់ទឹកអនាម័យដែលគ្មានគុណភាព។
ដំបូន្មានអ្នកជំនាញ
អនាម័យអវៈយវៈភេទជារឿងដែលមិនអាចខ្វះបាន ហើយក៏មិនមានអ្នកណាអាចធ្វើជំនួសបានដែរ។ សូមព្យាយាម ជួយខ្លួន ឯងក្នុងរឿងនេះ។ ធ្វេសប្រហែសតែបន្ដិច ជួនកាលឱកាសធ្វើជាម្ដាយ ក៏សុភាពនារីមិនអាចទទួលបានដែរ៕

(ប្រភព៖HealthCambodia)

Tuesday, January 22, 2013

ការសង្កេត​អាកា​រៈ​​ធ្លាក់​ស​​

ចំពោះ​ស្ត្រី​ទាំងឡាយ​ប្រហែលជា​នៅមាន​ការសង្ស័យ​ទៅក្នុង​រឿង​ធ្លាក់ស ព្រោះថា អាកា​រៈ​ធ្លាក់ស​របស់​ស្ត្រី​មាន​ទាំង​ពណ៌​ស ល្អក់ និ​ពណ៌​លឿង ដែល​លក្ខណៈ​ទាំងអស់ នេះ​អាច​សង្កេត​បាន​តាម​វិធី​ដូចខាង ក្រោម​៖
 
អំឡុង​ពេលដែល​ធ្លាក់ស​ធម្មតា​
  1. -​ធ្លាក់ស ធម្មតា​ច្រើន​មាន​បរិមាណ​មិន​ច្រើន​
  2. -​អំឡុងពេល​ធម្មតា​លក្ខណៈ​ធ្លាក់ស និង​មាន​ពណ៌​ស ល្អក់​ស្រដៀង​ម្សៅ​ទទឹក​ពុំមានក្លិន និង​មិន​រមាស់​។​
  3. -​ស្ត្រី​មានគភ៌ លក្ខណៈ​ធ្លាក់ស និង​មាន​បរិមាណ​ច្រើនជាង​ធម្មតា មាន​ពណ៌​សពុំមាន​ក្លិន និង​រមាស់​។​
  4. -​ស្ត្រី​នៅក្នុង​វ័យ​អស់​រដូវ​លក្ខណៈ​ធ្លាក់ស ច្រើន​មាន​តិចជាង​ធម្មតា​ដោយសារតែ​អ័​រ ម៉ូ​ន​ថយចុះ​។​
  5. អំឡុង​ពេលដែល​ធ្លាក់ស ខុសធម្មតា​
  6. -​ធ្លាក់ស ខុសធម្មតា ច្រើន​មាន​បរិមាណ​ច្រើន​នេះ​ជា​អាការ និង​មូល​ហេតុដែល​ខុស ធម្មតា​នៃ​ការ​ធ្លាក់ស​។​
  7. -​មូលហេតុ​កើតចេញពី​មេរោគ​ផ្សិត ធ្លាក់​សមាន​លក្ខណៈ​ជា​ដុំ​គ្រាប់ៗ ហើយ​ទន់​មាន ក្លិន​និង​រមាស់​។​
  8. -​មូលហេតុ​ដែល​កើត​ពី​មេរោគ​បាក់តេរី ដូចជា​ខ្ទុះ​ខាងក្នុង ធ្លាក់ស និង​មាន​លក្ខណៈ ពណ៌​លឿង​ស្រដៀង​ទឹកដោះខាប់ ពេល​នោម​ផ្សា​ហើយ​រមាស់​។​
  9. -​មូលហេតុ​ដែល​កើត​ពី​ព្រួ​ន​ធ្លាក់ស និង​មាន​លក្ខណៈ​ពណ៌​ស ពី​ការ​ត្រូតពិនិត្យ​ផ្នែក ខាងក្នុង​ឃើញ​ជា​ពពុះ ហើយ​រមាស់​។​
  10. -​មូល​ហេតុដែល​កើតចេញពី​ការ​រមាស់​មាន​វត្ថុ​លាយឡំ សេសសល់​នៅ​ខាងក្នុង​ប្រដាប់ ភេទ ដូចជា​មនុស្ស​ចាស់ មាន​ស្រោមអនាម័យ​ឬក៏​រោមភ្នែក​ពពែ​។ ក្មេងៗ​មាន​វត្ថុ​តូចៗ ឬ​គ្រាប់​ផ្លែឈើ ដែល​កើតចេញពី​អាកា​រៈរ​លាក និង​ឆ្លង​មេរោគ​បាក់​តែ​រី អាកា​រៈ​ធ្លាក់ស និង​មាន​លក្ខណៈ​មាន​ពណ៌​លឿង​ផ្សា​ហើយ​រមាស់​។​
  11. នៅពេលដែល ​អ្នកដឹង​ពី​វិធី​ក្នុងការ​សង្កេត​បាន​ត្រឹមត្រូវ​ហើយ​នោះ អ្នក​គួរពិនិត្យមើល ថា​ខ្លួន​មាន​លក្ខណៈ​ធ្លាក់ស​បែបណា​។ សម្រាប់​អ្នក​ដែល​ខុស​ប្រក្រតី​កុំ​បណ្តែត បណ្តោយ​ទុក​រហូតដល់​ក្លាយ​ទៅជា​បញ្ហា​រុំ​ា​រ៉ៃ ព្រោះ​អាច​បង្ក​ឲ្យ​កើត​បញ្ហា​រលាក​ប្រព័ន្ធ បន្ទោបង់​ទឹក​ម៉ូត ឬក៏​មេរោគ​អាច​នឹង​រាល​ដាល​ចូលទៅ​កាន់​ស្បូន រហូត​បង្ក​ជា​អាកា​រៈ រលាក​។ ក្រៅពីនេះ​អាចជា​ដើមហេតុ​បង្ក​ជា​អាកា​រៈរ​លាក​ដែរ​។ ក្រៅពីនេះ​អាចជា​ដើមហេតុ​នៃ​របួស​ដែល​កើតមាន​នៅក្នុង​ឆ្អឹងត្រគាក​បាន​ទៀតផង ​។ មធ្យោ​បាយ​​ដែល​ល្អ គួរ​ពិគ្រោះ​ជាមួយ​គ្រូពេទ្យ ដើម្បី​ទទួល​ការត្រួតពិនិត្យ​រក​មូល​ហេតុ និង​ការព្យាបាល ឲ្យ​បាន​ត្រឹមត្រូវ​៕
 
(​ប្រភព​៖​សៀវភៅ​អប់រ​សុខភាព​ស្ត្រី កែសម្រួល​ដោយ​៖​អ៊ុន វណ្ណ​ណែ​ត​)

Saturday, January 19, 2013

៦​មូ​ល​ហេតុ​ធ្វើ​ឲ្យ​អ្នក​គ្មាន​កម្លាំងកំហែង

សម្រាប់​អ្នក​ដែល​ឧស្សាហ៍​ខ្សោយ អស់កម្លាំង​មូលហេតុ​អាច​មិនមែន​ដោយសារតែ​អត់ងងុយ​តែ​ម្យ៉ាង​នោះទេ ៦​មូលហេតុ​ខាងក្រោម ក៏​អាចធ្វើ​ឲ្យ​អ្នក​គ្មាន​កម្លាំងកំហែង​បានដែរ …​។​

១-​អស់កម្លាំង​ដោយសារ​បច្ចេកវិទ្យា : អ្នកជំនាញ​បាន​ឲ្យ​ដឹងថា បច្ចេកវិទ្យា (Technology) គឺជា​ដើមហេតុ​ចម្បង​បំផុត​ដែល​ធ្វើ​ឲ្យ​មនុស្ស​ងាយ​ងើយ​ហត់ អស់កម្លាំង​ដោយសារ​បច្ចេកវិទ្យា​ទាំងអស់នេះ ចាំ​ជំរុញ​យើង​គ្រប់ពេលវេលា​ធ្វើ​ឲ្យ​ថាមពល​របស់​យើង​អស់ ។ ក្រៅពីនេះ ពន្លឺ​ពី​computer កាត់បន្ថយ​ការផលិត​មេ​ឡា​ថូ​នី​ន (Melatonin) ដែលជា​អ័រម៉ូន​នៃ​ការ​គេង​លក់​ផងដែរ ។​
ក្រៅពីនេះ​មនុស្ស ៧៩% ប្រាប់ថា​នៅពេល​ស្ថិតក្នុង​បន្ទប់​ដែលមាន​កាបូនឌីអុកស៊ីដ​ខ្ពស់ ពួកគេ​មាន​អារម្មណ៍​អស់កម្លាំង ហើយ​ការបើក​បង្អួច​ឬ​ដាំ​ដើមឈើ​អាចជួយ​បាន ។ សីតុណ្ហភាព​ក្តៅ​ក៏​ជា​មូលហេតុ​មួយ​ដែរ ដោយ​អ្នកស្រាវជ្រាវ​រកឃើញថា​មនុស្ស​ចាប់ផ្តើម​មាន​អាការ​អស់កម្លាំង​ពេល​ សីតុណ្ហភាព​ក្នុង​បន្ទប់​ខ្ពស់ជាង​២៥​អង្សា ។​

២-​ខ្វះ​ជាតិ​ដែក : អ្នកជំនាញ​បញ្ជាក់ថា អាហារ​ជា​មូលហេតុ​ចម្បង ដែល​ធ្វើ​ឲ្យ​យើង​មិនអាច​ទទួលបាន​ជាតិ​ដែក​គ្រប់គ្រាន់ ប៉ុន្តែ​អ្វីដែល​ស្ត្រី​ជួប​ញឹកញាប់​បំផុត គឺ​ការបាត់បង់​ឈាមរដូវ​ប្រចាំខែ ។ ចង់បាន​ជាតិ​ដែក ១៨.​ម​.​ក្រ ក្នុង​មួយថ្ងៃ តាម​បរិមាណ​ដែល​អ្នកជំនាញ​បាន​ណែនាំ​នោះ​ត្រូវ​ទទួលទាន​សាច់​ក្រហម ៣​ដង ក្នង​មួយ​សប្តាហ៍ ទទួលទាន​ធញ្ញជាតិ​បន្ថែម​ជាតិ​ដែក រាល់ថ្ងៃ​និង​បន្លែ​បៃតង​ជាប្រចាំ ទើប​អាច​បឺត​ស្រូប​ជាតិ​ដែក​ពី​សាច់សត្វ ។ ដូច្នេះ​អ្នក​អាច​តម​សាច់​គួរ​ទទួលទាន​សណ្តែក រួមជាមួយ​អាហារ​ដែលមាន​វីតាមីន​C ទើប​រាងកាយ​ក្នុង​ត្រូវការ​បឺត​ស្រូប​អាហារ ។​

៣-​សោកសៅ : ជំងឺ​សោកសៅ អាច​នាំទៅរក​អារម្មណ៍​គ្មាន​សេចក្តីសុខ គ្មាន​កម្លាំងចិត្ត​ក្នុង​ជីវិត អ្នក​អាចមាន​អារម្មណ៍​អស់កម្លាំង គ្មាន​ថាមពល ។ ការហាត់​ប្រាណ​ជាប្រចាំ ជា​វិធី​ព្យាបាល​ជំងឺ​សោកសៅ កម្រិត​ស្រាល​បានល្អ​បំផុត ប៉ុន្តែ​បើ​ធ្ងន់ធ្ងរ​គួរ​ប្រញាប់រ​ត់ទៅ​ប្រឹក្សា​ជាមួយ​អ្នកជំងឺ​ ផ្លូវចិត្ត ។​
៤-​អាល់​លែរ​ហ្ស៊ី : ការស្រាវជ្រាវ​ពី​ប្រទេស​អ៊ីស្រាអែល​បាន​ឲ្យ​ដឹងថា អ្នក​ដែល​រលាក​ច្រមុះ នឹង​ភ្ញាក់​ពី​គេង​ពេលយប់​ញឹកញាប់​ដល់ ៥០​ដង ទោះបី​ម្តង​តែ​ប៉ុន្មាន​វិនាទី​ក៏ដោយ ប៉ុន្តែ​វា​អាចធ្វើ​អាការ​ទន់ខ្សោយ​ធ្ងន់ធ្ងរ នៅក្នុង​អំឡុងពេល​ថ្ងៃ​បាន ។ ការ​លេបថ្នាំ​បំបាត់​អាល់​លែរ​ហ្ស៊ី (Allergy) នៅ​អំឡុង​ពេលយប់​មាន​ប្រសិទ្ធភាព និង​ជួយ​ឲ្យ​គេង​លក់​ស្រួល ។ លើសពីនេះ​ត្រូវ​កម្ចាត់​ធូលី​និង​មេរោគ​ផ្សិត ដោយ​ប្តូរ​ស្រោមខ្នើយ​ជាប្រចាំ បោកគក់​ជាប្រចាំ បោកគក់​កម្រាលពូក និង​ភួយ ក្នុង​ទឹក​ក្តៅ​៦០​អង្សា រាល់​សប្តាហ៍​និង​កម្ចាត់​មេរោគ​ផ្សិត បរិវេណ​ផ្អាប់​សើម ដូចជា​នៅក្រោម​អាង​លុបមុខ ជ័រ​ទ្វារ​ទូទឹកកក និង​គែម​បង្អួច​ជាដើម ។​

៥-​ទទួលទាន​ការ​បូ​អ៊ី​ដ្រា​ត​ខុស​ប្រភេទ : បើ​កម្រិត​ក្លុយកូស​ក្នុង​ឈាម​ធ្លាក់ចុះ​មួយ​រំពេច ដែល​អាច​កើតឡើង​បាន បើ​អ្នក​ទទួលទាន​កាបូ​អ៊ី​ដ្រា​ត (Carbohydrate) ដែលមាន​ជាតិ​ស្ករ​ខ្ពស់ វា​និង​ពន្យារ​ដំណើរការ​ដុតបំផ្លាញ និង​ធ្វើ​ឲ្យ​អស់កម្លាំង ។ ដូច្នេះ​អ្នក​គួរ​ជ្រើស​កាបូ​អ៊ី​ដ្រា​ត ដែលមាន​ជាតិ​ស្ករ​ទាប​ប្តូរ​ពី​នំ​បុ័ង​ពណ៌​ស មកជា​ហូល​ហ្គ្រែ​ន ប្តូរ​ពី​បា​យស មកជា​បាយ​សំរូប និង​ពន្យារ​ការរំលាយ​កាបូ​អ៊ី​ដ្រា​ត ដោយ​ការដាក់​ទឹកក្រូច​ឆ្មារ ទឹកខ្មេះ ឬ ជាតិ​ខ្លាញ់​ដែលមាន​ប្រយោជន៍​ដូចជា​ប្រេង​អូ​លីវ ។ ការ​ពិសា​អាហារ​ដែលមាន​ជាតិ​ស្ករ​ខ្ពស់ មុនពេល​ចូល​គេង ជួយ​ឲ្យ​គេង​លក់​លឿន​ជាង​មុន​២​ដង ។ ឬ​ម្យ៉ាងទៀត អាចមកពី​ខ្វះ​ជាតិ​ទឹក ព្រោះ​មុន​និង​អ្នកមាន​អារម្មណ៍​ថា​ស្រែក​ទឹក រាងកាយ​ខ្វះ​ទឹក ២-៣% រួចទៅហើយ ដែល​គ្រប់គ្រាន់​និង​ធ្វើ​ឲ្យ​មាន​អារម្មណ៍​អស់កម្លាំង ។​

៦-​មិន​ហាត់ប្រាណ : អ្នក​ដែល​ហាត់ប្រាណ​យ៉ាងតិច ២០​នាទី ក្នុង​មួយ​សប្តាហ៍​មានឱកាស​អស់កម្លាំង​តិចជាង​អ្នក​ដែល​មិន​ហាត់ប្រាណ​សោះ​ ដល់​ទៅ ៣០% ព្រោះ​ការហាត់​ប្រាណ បង្កើន​ចលនា​របស់​ឈាម​ទៅ​សាច់ដុំ​ផ្សេងៗ និង​ជួយ​បង្កើន​ថាមពល​ដល់​រាងកាយ​ផងដែរ ។ ការហាត់​ប្រាណ​បែប​អ៊ែ​រ៉ូ​ប៊ិក (Aerobic) ជា​វិធី​ដែល​ទទួលលទ្ធផល​ល្អ​បំផុត ក្នុងការ​កម្ចាត់​ភាព​ខ្សោយ​អស់កម្លាំង ៕

ស្ត្រីគួរយល់ដឹងពីជម្ងឺធ្លាក់ស

ធ្លាក់ស ​ជា​បញ្ហា​មួយ​ក្នុងចំណោម​បញ្ហា​ទាំងឡាយ ទាក់ទង​ទៅនឹង​សុខភាព​ជីវសាស្ត្រ ដែល​ត្រូវ​ការចាប់អារម្មណ៍​បំផុត ។ ធ្លាក់​ស វិវត្តន៍​ទៅ​ទន្ទឹម​នឹង​ពេល​ប្រដាប់​ភេទស្ត្រី មាន​សកម្មភាព​រាប់​ចាប់​តាំងពី​អាយុ គ្រប់ការ​រហូត​ដល់​វយ័​ចំណាស់ ហើយ​ពិសេស​មាន​ទំនាក់ទំនង​ជាមួយ​នឹង​ជំងឹ​ផ្លូវភេទ​តែម្តង ។​
នៅពេល​ផ្នែក​ជីវសាស្ត្រ​ដំណើរការ​ទៅ​បែប​ប្រក្រតី សារធាតុ​រំអិល​តែងតែ​ហូរ​ចេញ​មក​ធម្មតា​ពី​រន្ធ​យោ​នី ដូច​ផ្នែក​ពណ៌​ស នៃ​ស៊ុត​យ៉ាង​ដូច្នោះ​ហើយ​មាន​ក្លិនឆ្អាប​បន្តិច ។ នេះ​ហៅថា វត្ថុ​រាវ​ជីវសាស្ត្រ ដែល​ផ្សើម​យោនី​ជា​អចិន្ត្រៃយ៍ ។ សារធាតុ​រាវ​ថ្លា​ដែល​ហូរ​ចេញ​មក​នេះ​មាន​ក្លិនឆ្អាប​ខ្លាំង ឬ​តិច​បរិមាណ​ហូរ​មក​ច្រើន ឬ​តិច​ក៏​អា​ស្រយ័​ទៅ​ដោយ​បរិមាណ​នៃ​អរ័​ម៉ូ​ន អេ​ស្ត្រូ​ហ្សេ​ន “Estrogen” ដែល​មាន​នៅក្នុង​រូប​កាយ​របស់​ស្ត្រី​នោះ​ហើយ ។​
ឧទាហរណ៍ : នៅពេល​ដែល​កុមារី​នៅ​មាន​អាយុ​តិច​នៅឡើយ ហើយ​ប្រដាប់ភេទ​ក៏​មិន​ទាន់​លូតលាស់​គ្រប់លក្ខណៈ បើ​ពិនិត្យ​មើល​ក្នុង​រន្ធ​យោនី​របស់​ក្មេងស្រី​នោះ ក៏​មិន​ឃើញ​មាន​ជាតិ​សំណើម ជា​វត្ថុ​រាវ​មាន​ពណ៌​ស​ថ្លា​នោះដែរ ។ ដល់​មាន​អាយុ​គ្រប់កា​រហើយ​សំបុ​កពង (Ovary) ក៏​រីក​លូតលាស់ ហើយ​ប្រែប្រួល​បន្តិច​ម្តងៗ ជាមួយនឹង​ការផលិត​នូវ​សារធាតុ​រំញោច​ផ្លូវភេទ ធ្វើឲ្យ​ប្រដាប់​បន្ត​ពូជ (​យោ​នី​) ផលិត​ចេញ​មក​នូវ​ជាតិ​រំអិល ដែល​ហៅថា វត្ថុ​រាវ​ពណ៌​ស ។​
អាយុ​កាន់តែ​ពេញ​វយ័ (​អាច​រៀប​ការ​បាន​មាន​គូស្រករ ឬ​និយាយឲ្យចំ​ឈាន​ចូល​ដល់​វយ័​បង្ក​កំណើត​បាន ឬ​មាន​ម​ត្ថភាព​ទទួលការ​រួមរក័បា​ន​) សំបុ​កពង (Ovary) ក៏​មាន​លក្ខណៈ​គ្រប់គ្រាន់ ។ ចាប់ពីពេលនោះ​មក រៀងរាល់​ខែ​តែងតែ​បញ្ចេញ​អរ័​ម៉ូន “Estrogen” និង “Progesteron” ។ ដោយសារតែ​ហេតុនេះហើយ​ទើបបានជា “​ធ្លាក់​ស​” តែងតែ​មាន​ការប្រែប្រួល​ទៅតាម​វិវត្តន៍ នៃ​រដូវ​ប្រចាំខែ (Menstrual cycle) ដែល​នាំ​ឲ្យ​ធ្លាក់​ស​នោះ មានមក​តិច ឬ​ច្រើន ។ នៅក្នុង​វិវត្តន៍​ដំបូង​ប្រចាំខែ (​ពេល​មក​ខែ​) ពេល​ដែល​ប​រី​មាណ​អរ័​ម៉ូន Estrogen ផលិត​បាន​ច្រើន ដោយសារ​តែ​មាត់ស្បូន​ផលិត​វត្ថុ​រាវ​មក​ច្រើន ទើប​បរិមាណ​វត្ថុ​រាវ​នោះ​កាន់តែ​កើនឡើង ដែល​នាំឲ្យ​គេ​សង្កេតមាន​ជាតិ​រំអិល ហូរ​ចេញ​មក​កក្លាក់​ដូច​ផ្នែក​ពណ៌​ស​នៃ​ស៊ុត​សត្វ មាន​សភាព​អន្លាយ​ស្អិតៗ ។ ជាពិសេស​នៅ​មុន​ពេល​ពង​អូវុល​ធ្លាក់ចុះ​មក​ប្រមាណ​ពី ១២-២៤ ម៉ោង សារធាតុ​រាវ​នេះ​ក៏​ចេះ​តែ​ហូរ​ចេញ​មក​ច្រើន​លើស​មុន ។ ដោយសារ​តែ​ដូច្នេះ ហើយ​ទើប​ស្ត្រីភេទ​តែងតែ​ទទួល​អារម្មណ៍​ថា ទ្វារមាស​របស់​នាង​សើម​ជោក​ជានិច្ច ។ ក្រោយពេល​អូវុល​ធ្លាក់​មក​ហើយ បរិមាណ​អរ័​ម៉ូន Progesterone នោះ ក៏​កាន់តែ​កើនឡើង​ថែម​ទៀត នៅពេល​នោះ​ធ្លាក់ស​ក៏​មាន​ទឹក​ខាប់ ដូចជា​ទឹកដោះគោ​ស្អិត​បន្តិច ។​
ក្រៅពី​មាន​សភាព​ដូច​ខាងលើ​នោះ ពេល​ចាប់ផ្តើម​មានគភ៌​ហើយ​នោះ បើ​ធ្វើការ​ធ្ងន់ ឬ​ក្នុង​ករណី​កើត​អារម្មណ៍​ស្រៀវ​ស្រើប​ចង់​រួមរក័ វត្ថុ​ធាតុ​រាវ​ហៅថា ធ្លាក់ស​នោះ ក៏​កាន់តែ​ហូរ​មក​ច្រើនឡើង​ថែម​ទៀត រហូតដល់​ពេល​ខ្លះ​ហូរ​ធ្លាក់​មក​ស្អិត​អន្លាយ ដូច​ប្រេងម៉ាស៊ីន ខាប់​មក​ក្រៅ​ទ្វារមាស ។ ដូច្នេះ​ហើយ​នៅពេល​ជីវសាស្ត្រ មាន​ភាព​ជា​ប្រក្រតី​នោះ ធ្លាក់ស​អាច​មាន​ច្រើន ឬ​តិច រាវ ឬ​ខាប់ មាន​ការប្រែប្រួល​តែ​បន្តិចបន្តួច​ប៉ុណ្ណោះ ហើយ​បើ​និយាយ​ជាមួយ​វិញ មិន​មាន​បញ្ហា​អ្វី​ដែល​នាំឲ្យ​ប៉ះពាល់​ដល់​សុខភាព ឬ​មិន​មាន​ជំងឺ​អ្វី​កើត​មាន​ឡើយ​ចំពោះ​ស្ត្រី​នោះទេ ៕

Thursday, January 17, 2013

សញ្ញាស្ងៀមស្ងាត់១០របស់ស្ត្រេសដែលអ្នកគួរយកចិត្តទុកដាក់

-​ឈឺក្បាល​នៅ​ចុង​សប្តាហ៍​
បណ្ឌិត Todd Schwedt នាយក​មជ្ឈមណ្ឌល​សរ​សៃ​ប្រសាទ​នៃ​មហាវិទ្យាល័យ​វ៉ាស៊ីនតោន​ឲ្យ​ដឹងថា "​ឥទ្ធិពល​របស់​ស្ត្រេ​ស​អាច​រំលឹក​អ្នក​ដោយ​ការឈឺ​មួយ​ចំហៀង​ក្បាល ។ ពេល​កាលវិភាគ​ទទួលទាន​អាហារ គេង សកម្មភាព​ប្រចាំថ្ងៃ​មិន​វិទ្យាសាស្ត្រ អ្នក និង​ជួប​ការឈឺ​នៅ​ឱកាស​ចុង​សប្តាហ៍​" ។​
-​ឈឺពោះ​ខ្លាំង​ក្នុង​ថ្ងៃ "​មក​រដូវ​"
​ស្ត្រី​ដែល​តានតឹង​មានការ​ប្រឈម​ត្រូវ​ឈឺពោះ និង​រមួលក្រពើ​ទ្វេដង ក្នុង​ខួប​រដូវ​ប្រៀប​នឹង​អ្នក​មិនសូវ​តានតឹង ។​
​ពួក​អ្នកស្រាវជ្រាវ​នៅ​មហាវិទ្យាល័យ​ហា​ វ៉ាដ​ឲ្យ​ដឹងថា "​ភាព​តានតឹង​ជា​មូលហេតុ​បង្ក​បាត់​តុល្យភាព​អ័រម៉ូន ។ លំ​ហាត់ប្រាណ​ទាំងឡាយ​អាចធ្វើ​ឲ្យ​ធូរស្រាល​អាកា​រៈ​រមួលក្រពើ និង​តានតឹង ដោយ​វិធី​បន្ថយ​សកម្មភាប​រប​ស់​ប្រព័ន្ធ​សរសៃប្រសាទ​" ។​
-​មាត់​ឈឺ​ខ្ទោ​កៗ​
Matthew Messina ទីប្រឹក្សា​របស់​សមាគម​ទន្តពេទ្យ​អាមេរិក​ឲ្យ​ដឹងថា "​ធ្មេញ​ឈឺ​ពឺត ជា​សញ្ញា​របស់​កា​រស​ង្គ្រឺ​ត​ធ្មេញ​ច្រើន​កើតឡើង​ក្នុងពេល​គេង និង​អាច​ប្រែ​ធ្ងន់ធ្ងរ​ជាង​ដោយ​ការតានតឹង ។ អ្នក​អាច​សួរ​ទន្ត​បណ្ឌិត អំពី​ឧបករណ៍​ការពារ​ធ្មេញ​ក្នុងពេល​គេង​អាច​បន្ថយ ឬ​បញ្ឈប់​បាតុភូត​ស​ង្គ្រឺ​ត​ធ្មេញ​" ។​
-​សុ​បិ​ន្ត​អាក្រក់​
​ពេល​អ្នកមាន​សុ​បិ​ន្ត​ល្អ អ្នកនឹង​ភ្ញាក់ឡើង​ក្នុង​សភាព​ផ្លូវចិត្ត​ល្អ​ជាង​មុនពេល​អ្នក​ចូល​គេង បណ្ឌិត Rosalind Cartwright សាស្ត្រាចារ្យ​ចិត្តសាស្ត្រ​នៅ​មជ្ឈមណ្ឌល​សុខាភិបាល​មហាវិទ្យាល័យ Rush មានប្រសាសន៍ ។​
​ពេល​ត្រូវ​ស្ត្រេ​ស អ្នក​ភ្ញាក់​ពី​ដំណេក​ជាប្រចាំ​ជាង បណ្តា​រូបភាព​ដិត​ជាប់​អារម្មណ៍ និង​លេចឡើង​បន្តបន្ទាប់ និង​ឥទ្ធិពល​ទៅដល់​គុណភាព​ដំណេក ។​
​ទម្លាប់​គេង​ល្អ អាចជួយ​ទប់ស្កាត់​រឿងនេះ ពេល​អ្នក​គេង​ពី ៦-៨​ម៉ោង ក្នុង​មួយ​យប់ និង​ចៀសវាង​កាហ្វេ​អ៊ី​ន ស្រា​ឬ​សារជាតិ​រំញោច​មុនពេល​ចូល​គេង ។​
-​ហូរឈាម​អញ្ចាញធ្មេញ​
​លោក Prestor Miller អតីត​នាយក​របស់ American Academy of periodontology ឲ្យ​ដឹងថា "​អ្នក​ត្រូវ​តានតឹង​មានការ​ប្រឈម​ខ្ពស់ កើត​ជំងឺ​មាត់​ធ្មេញ ។ ពពួក​អ័រម៉ូន​តានតឹង Cortisol ធ្វើ​ឲ្យ​ថយចុះ​ប្រព័ន្ធ​អង្គ​បដិបក្ខ និង​បង្កលក្ខណៈ​ឲ្យ​បាក់តេរី លុកលុយ​ចូល​អញ្ចាញធ្មេញ ។ ប្រសិន​អ្នក​កំពុងធ្វើការ​ច្រើន​ម៉ោង និង​ទទួលទាន​នៅ​នឹង​តុ​ធ្វើការ ចូរ​យកចិត្តទុកដាក់​អនាម័យ​មាត់​ធ្មេញ ។ ក្រៅពីនេះ​ធនា​សុខភាព​មាត់​ធ្មេញ​ដោយ​វិធី​ហាត់ប្រាណ និង​គេង​ត្រូវ​ម៉ោង​ក៏​ជួយ​បន្ថយ​ភាព​តានតឹង​បានដែរ ។​
-​បង្កើន​មុន​អង្កាម​
​ស្ត្រេ​ស​ធ្វើ​ឲ្យ​កើន​រលាក នាំ​ដល់​ការកើត​មុន និង​មុន​អង្កាម​ទាំង​ចំពោះ​មនុស្សពេញវ័យ ។ បណ្តា​ផលិតផល​ក្រែ​ម​ថែរក្សា​ស្បែក ផ្ទុក​សមាសធាតុ​អាស៊ីដ Salicylic ឬ benzogl peroxide បូក​បន្ថែម​ក្រែ​ម​រក្សា​សំណើម noncomedogenic នឹង​ជួយ​ស្បែក​មិន​ឲ្យ​ស្ងួត​ពេក ។​
-​ឃ្លាន​ចំណី​ផ្អែម​
​តានតឹង​ជា​លទ្ធភាព​មួយ​ក្នុងចំណោម​លទ្ធភាព​រំញោច​សកម្មភាព​អ័រម៉ូន​ក្នុងការ​ឃ្លាន​សូកូឡា របស់​ផ្អែម​របស់​អ្នក ។​
-​រមាស់​ស្បែក​
​ការស្រាវជ្រាវ​មួយ​នៅ​ជប៉ុន​លើ​មនុស្ស​ ២.០០០​នាក់ បង្ហាញថា អ្នក​រមាស់​រ៉ាំរ៉ៃ មានលទ្ធភាព​កើត​ស្ត្រេ​ស​ខ្ពស់ជាង​២​ដង ប្រៀប​នឹង​អ្នក​គ្មាន​សញ្ញា​នេះ ។ ប្រការ​មួយ​ផ្សេងទៀត គឺ​បាតុភូត​រមាស់​អាច​បណ្តា​ល​ឲ្យ​តានតឹង អ្នក​នឹងមាន​អារម្មណ៍​ខ្វាយខ្វល់ ហើយ​ផ្តើម​ពី​នោះ​ធ្វើ​ឲ្យ​ធ្ងន់ធ្ងរ​ជាង​ពពួក​ជំងឺ ដូចជា​លាក​ស្បែក eezema... ។ ប្រតិកម្ម​តានតឹង​រំញោច​សកម្មភាព​សរសៃ​ប្រសាទ​បង្ក​អារម្មណ៍​រមាស់​ក្នុង​ សរីរាង្គ ។​
-​អាលែកហ្ស៊ី​ប្រែជា​អាក្រក់​ជាង​
​ពួក​អ្នកស្រាវជ្រាវ​នៅ​មហាវិទ្យាល័យ Ohio State University ឲ្យ​ដឹងថា​បណ្តា​រោគសញ្ញា​អាលែកហ្ស៊ី​ច្រើន​លេចឡើង​នៅ​មនុស្ស​ជាច្រើន ក្រោយពេល​ពួកគេ​ឆ្លងកាត់​អារម្មណ៍​ខ្វាយខ្វល់ ។ អ័រម៉ូន​តានតឹង​អាចធ្វើ​ឲ្យ​កើន​ការផលិត IgE ប្រូតេអ៊ីន​មួយ​ក្នុង​ឈាម​បង្ក​ជា​ប្រតិកម្ម​អាលែកហ្ស៊ី​លើ​សរីរាង្គ ។​
-​ឈឺពោះ
​ខ្វាយខ្វល់ និង​តានតឹង​អាច​បង្ក​ឲ្យ​ឈឺពោះ រួមជាមួយ​ការឈឺ​ក្បាល ឈឺ​ខ្នង និង​គេង​មិន​លក់ ។ ការស្រាវជ្រាវ​លើ​បុរស​និង​ស្ត្រី​១.៩៥៣​នាក់ បង្ហាញថា អ្នក​ឆ្លងកាត់​កម្រិត​ខ្ពស់បំផុត​របស់​ភាព​តានតឹង​មានការ​ប្រឈម​ត្រូវ​ឈឺពោះ ​ខ្ពស់ជាង​៣​ដង ប្រៀប​នឹង​អ្នក​មិន​តានតឹង ។ ពោះវៀន​មាន​សម្ព័ន្ធភាព​ជាមួយ​ខ្សែ​សរសៃប្រសាទ​ទទួល និង​ដោះស្រាយ​ព័ត៌មាន​ពេល​អ្នក​ឆ្លងកាត់​អារម្មណ៍​ស្ត្រេ​ស ៕​

(ប្រភព៖KSN-NEWS.COM)