កម្តៅថ្ងៃ គឺជាប្រភពធំបំផុតនៃពន្លឺ និងកម្តៅ ដែលអាចធ្វើឱ្យស្បែករបស់អ្នកខូច ។ កាំរស្មី UV អាចបណ្តាលឱ្យស្បែករបស់អ្នកខូច រលាក ស្ងួតបបូរមាត់ និងបង្កជាស្នាមនៅលើស្បែកមួយចំនួន ។ តើអ្នកដឹងទេថា នៅរដូវក្តៅអាចបង្កអ្វីខ្លះដល់បញ្ហាស្បែករបស់អ្នក ? ថ្ងៃនេះ យើងខ្ញុំនឹងលើកយកបញ្ហាស្បែកមួយចំនួនដែលអាចកើតមាននៅរដូវក្តៅ ។
• នៅរដូវក្តៅ បញ្ហាដែលអាចកើតមាននៅលើស្បែករបស់អ្នកមានដូចជា ការរលាកដោយសារកម្តៅថ្ងៃ អាចជួបប្រទះនិងមហារីកស្បែក ព្រមទាំងមានភាពចាស់ជ្រីវជ្រួញនៅលើស្បែក ។ នេះបណ្តាលមកពីការរលាកដោយសារកម្តៅថ្ងៃ និងការបាត់បង់ជាតិសំណើមនៅលើស្បែក ។
• នៅក្នុងរដូវក្តៅ បញ្ហាស្បែកដែលអាចប្រឈមអាចមានបញ្ហាខ្មៅស្រអាប់នៅលើស្បែកមុខ និងមានកន្ទួលតូច(ចែងថ្ងៃ) ដែលមាននៅលើស្បែកមុខរបស់អ្នក ។
• ជាងនេះទៅទៀត រដូវក្តៅគឺជារដូវដែលធ្វើឱ្យស្បែករបស់អ្នកបាត់បង់ជាតិសំណើមខ្លាំង ដូច្នេះហើយ អ្នកត្រូវតែរកឡេថែរក្សាស្បែកដើម្បីជួយឱ្យស្បែករបស់អ្នកមានសំណើមឡើងវិញ ។ ជាងនេះទៅទៀត អ្នកក៏ត្រូវតែពិសារទឹកឱ្យបានច្រើន ដើម្បីរក្សាសំណើមពីខាងក្នុងខ្លួន ។
បញ្ហា ដូចដែលបានរៀបរាប់នៅចំណុចខាងលើនេះ សុទ្ធសឹងតែជាប្រភេទបញ្ហាដែលបង្កសម្រាប់ស្បែករបស់អ្នកនៅរដូវក្តៅ ។ ដូច្នេះហើយ អ្នកត្រូវតែយកចិត្តទុកដាក់ក្នុងការថែរក្សាស្បែកឱ្យបានម៉ត់ នៅរដូវនេះ ។
(ប្រភព៖Summercare)