អ្នកជំងឺដែលបានត្រូវគេវះកាត់ហើយនោះ ភាគច្រើនគឺឤច ឈប់ប្រើថ្នាំ ជំងឺទឹកនោមផ្អែម តទៅទៀត ហើយការធ្វើតេស្តឈាម ក៏មានឃើញ លទ្ធផលធម្មតា ។
អ្នកដឹកនាំការសិក្សានោះ គឺលោកវេជ្ជបណ្ឌិត ហ្យន ឌិចសុន (John Dixon) នៅមហាវិទ្យាល័យ វេជ្ជសាស្ត្រ នៃសកលវិទ្យាល័យ Monash ក្រុង Melbourne ប្រទេសអូស្ត្រាលី បានមានប្រសាសន៍ថា ៖ šនេះជាវិធីដ៏ល្អបំផុត ក្នុងការព្យាបាលរោគទឹកនោមផ្អែម នាពេលបច្ចុប្បន្នហើយគ្រោះថ្នាក់ ពីការព្យាបាលនោះវិញ មានតិចតួចណាស់› ។
អ្នកជំងឺត្រូវវះក្រពះ ដោយដាក់កងភ្ជិតកក្រពះ ផ្នែកខាងលើនេះ ជាវិធីមួយដែលគេនិយម នៅប្រទេសអូស្ត្រាលី ជាងនៅសហរដ្ឋឤមេរិក ។
លោកវេជ្ជបណ្ឌិត David Cummings នៃសកលវិទ្យាល័យវ៉ាស៊ីនតោនក្រុងស៊ីឤថឹល មានប្រសាសន៍ថា វិធីហៅថា Gastric bypass ឬ ការវះកាត់បង្វៀងក្រពះ មានប្រសិទ្ធភាព ច្រើន ប្រឆាំងនឹង ជំងឺទឹកនោមផ្អែម និង ឤចធ្វើឱ្យជំងឺ ស្រន់ទៅបានក្នុងរយៈពេល មិនប៉ុន្មានថ្ងៃ ឬ ១ខែ បន្ទាប់មក ។šជាទម្លាប់ប្រពៃណីគេ ចាត់ទុកថា ជំងឺទឹកនោមផ្អែម ជាជំងឺរ៉ាំរ៉ៃ ជាជំងឺ ចេះតែរីកធ្ងន់ធ្ងរឡើង ក៏ប៉ុន្តែ ការវះកាត់ទាំងនេះ ពិតជាតំណាងឱ្យក្តីសង្ឃឹម ដ៏ប្រាកដនិយម សម្រាប់ ព្យាបាលអ្នកជំងឺ ភាគច្រើន› ។
អ្នកឯកទេសផ្នែកជំងឺទឹកនោមផ្អែម ដែលបានឤនអត្ថបទ ស្តីពីការសិក្សានេះ បានមានប្រសាសន៍ថា គេត្រូវតែចាត់ទុកការវះកាត់នោះ ថាមានប្រសិទ្ធភាព សម្រាប់មនុស្សធាត់ដុះពោះ មួយចំនួនទៅចុះ។ ក៏ប៉ុន្តែត្រូវមានការសិក្សាជាច្រើន បន្ថែមទៀតដើម្បីរកមើលថា តើលទ្ធផលនេះ ឤចត្រឹមត្រូវបានយូរប៉ុណ្ណា ហើយអ្នកជំងឺណាខ្លះ ដែលឤចជាសះស្បើយ តាមវិធីនេះ ។ គេត្រូវតែ ថ្លឹងថ្លែងរវាង ប្រតិកម្មរបស់ថ្នាំជំងឺទឹកនោមផ្អែម និង ផលគ្រោះថ្នាក់យូរអង្វែងបណ្តាលពី ជំងឺទឹកនោមផ្អែមនេះ ។
ជាទូទៅអ្នកឯកទេសបានឯកភាពថា ការវះកាត់ ដើម្បីឱ្យស្រកទម្ងន់ នឹងមិនឤច ផ្តល់ផលល្អ ចំពោះ អ្នកជំងឺទឹកនោមផ្អែម ដែលមិនធាត់ដុះពោះហួសហេតុ នោះឡើយ ។ ចំណែកឯ ការណែនាំបច្ចុប្បន្ន របស់សហរដ្ឋគឺមិនលើកទឹកចិត្ត ឱ្យធ្វើការវះកាត់ទៅលើមនុស្សធាត់ ដុះពោះហួសហេតុ នោះឡើយ ។ភាពធាត់ដុះពោះហួសហេតុគឺជាកត្តាសំខាន់នាំដល់គ្រោះថ្នាក់ កើតជំងឺទឹកនោមផ្អែម ហើយ អ្នកស្រាវជ្រាវ ខំតាមស្វះស្វែងរកយ៉ាងខ្លាំងនូវហេតុផល នៃការទាក់ទងនឹងករណីទាំងពីរគឺ ភាពធាត់ដុះពោះហួសហេតុ និងទឹកនោមផ្អែមដែលអត្រាទាំងពីរ កាន់តែកើនឡើង ។ ព័ត៌មានបន្តថា អ្វីដែលគេ បានដឹងនោះ គឺខ្លាញ់ច្រើនហួសពេក ឤចបង្កឱ្យប្រតិកម្មជាធម្មតារបស់ ខ្លួនមនុស្ស ទៅនឹងអាំងស៊ុយលីន លែងមានភាពប្រក្រតី ។
ចំណែកអ្នកជំងឺដែលស្រកទម្ងន់ កាន់តែច្រើនទំនងជាឤចបាត់ជំងឺទឹកនោមផ្អែមដែរ ។ គេបានដឹងថា ដើម្បីកាត់បន្ថយ ជំងឺទឹកនោមផ្អែម គឺត្រូវតែបន្ថយខ្លាញ់ពិសាឤហារមានជាតិសរសៃច្រើន ហើយនិង ហាត់ប្រាណ ។
ចំណែកលោកវេជ្ជបណ្ឌិត ហ្យន ប៊ូហ្ស (John Buse) នៃ សកលវិទ្យាល័យ វេជ្ជសាស្ត្រនៅ Chapel Hill នៃរដ្ឋ North Carolina និងជា ប្រធានសមាគម ដើម្បីវេជ្ជសាស្ត្រ និង វិទ្យាសាស្ត្រ មានប្រសាសន៍ថា មានទំហំភស្តុតាងកាន់តែច្រើនឡើងដែលថា ការវះកាត់ដើម្បី កែរោគធាត់ពេកឤចជាឧបករណ៍ ដ៏មានប្រសិទ្ធភាពមួយ ក្នុងការគ្រប់គ្រង ជំងឺទឹកនោមផ្អែម ។
លោកបន្តថាវានៅត្រង់បញ្ហា ប្រសិទ្ធភាពកម្រិតណា វិសាលភាព នៃអ្នកជំងឺអ្វី រយៈពេលប៉ុន្មាន ហើយចំណាយលុយប៉ុន្មាននោះឯង ។ សំណួរទាំងឡាយនេះមិនទាន់បានត្រូវគេឆ្លើយអស់ នៅឡើយទេ ៕
